Sport • 29 Qyrkúıek, 2019

Jasóspirim dzıýdoshylarymyz álem birinshiliginde alty júlde aldy

171 ret kórsetildi

Almatydaǵy Balýan Sholaq atyndaǵy mádenıet jáne sport saraıynda dzıýdodan jasóspirimder arasynda ótken álem birinshiligi óz máresine jetti. Aıtýly jarysty Qazaqstan quramasy 1 altyn, 1 kúmis jáne 4 qola medalmen qorytyndylady. Osy nátıjeniń arqasynda jerlesterimiz jalpy komandalyq esepte tórtinshi orynǵa turaqtady. Aldymyzda tek Japonııa (4+3+3), Túrkııa (2+1+1) jáne Reseı (1+2+3) quramalary.

Dúbirli dodada jer jahannyń 71 memleketinen kelgen 483 balǵyn balýan baq synady. Jarys qojaıyndary retinde Qazaqstan quramasy ár salmaq dárejesi boıynsha qos sportshydan qosýǵa múmkindik aldy. Bul – álem birinshiliginde buryn-sońdy bolmaǵan úrdis. Halyqaralyq dzıýdo federasııasy bıylǵy jyldan bastap, osyndaı qadamǵa barýdy qup kórgen eken. Osylaısha, Almatydaǵy jarysta respýblıkamyzdyń 31 dzıýdoshysy el namysyn qorǵady.

Jarystyń alǵashqy kúni otandastarymyz úshin tabysty boldy. Uldar arasynda 50 kılo salmaqta óner kórsetken Nurqanat Serikbaev belarýssııalyq Vıktor Zelıanko, mońǵolııalyq Mendsaıhan Nımsýrenge san soqtyryp, jartylaı fınalda ýkraınalyq Mıkıta Goloborodkony jolynan yǵystyrdy. Qandasymyz fınalda ıtalııalyq Romen Valadıer Pıkardpen kezdesti. Ekeýi birazǵa deıin bir-birin ala almady. Desek te báseke bel ortadan asqan tusta qazaq dzıýdoshysy qarsylasyn tatamıde tyrp etkizbeı ustap, aıqyn jeńiske qol jetkizdi. Qutty bolsyn, qazaǵym! Nurqanat Serikbaev – álem chempıony!

Qyzdardyń eń jeńil salmaǵynda Álıma Jumaǵalıeva Balýan Sholaq atyndaǵy sport saraıyna jınalǵan jakúıerlerdi qýantty. Bastapqy qos básekede úndistandyq Prııa Prııa men armenııalyq Sýsanna Stepanıanǵa san soqtyrǵan ol jartylaı fınalda ıtalııalyq Antonına Despenzaǵa ese jiberdi. Al úshinshi oryn úshin tartysta Álıma men brazılııalyq Rebekka Venseslaý uzaq tiresti. Alaıda kezdesýdiń aıaqtalýyna nebary segiz sekýnd qalǵanda qarshyǵadaı qazaq qyzy qarsylasyn ıpponǵa túsirdi. Álıma Jumaǵalıeva – álem birinshiliginiń qola júldegeri!

Ekinshi kúni jas órenderimiz qos qola medaldi qanjyǵasyna baılady. 60 kılo salmaq dárejesinde synǵa túsken Marlen Ádil men Nursultan Zaızaǵalıev ózderin jaqsy qyrlarynan kórsetti. Tórt birdeı qarsylastaryn qapy qaldyrǵan jas órenderimiz qola medal úshin ózara talasty. Bul tartysta Nursultan «vazarı» ádisimen alda kele jatqan edi. Alaıda tóreshiler tarapynan úsh eskertý kórsetilgendikten, báseke merziminen buryn toqtalyp, jeńis Marlenniń enshisine jazyldy.

66 kılo salmaqtaǵy Tilegen Tynarbaı alǵashqy aınalymdarda Tájikstan men Chernogorııa ókilderin utqanymen, úshinshi kezeńde brazılııalyq balýanǵa ese jiberdi. Odan keıin Úndistan men Grekııa dzıýdoshylaryna san soqtyryp, úshinshi tuǵyrǵa taban tiredi.

Jarystyń úshinshi kúni Aıdar Arapov qola medaldi moınynda jarqyratty. 81 kılo salmaqta aıqasqan qandasymyzdyń tek ýkrıanalyq Tımýr Valıevqa ǵana áli jetpedi. Jartylaı fınalda soǵan ese jibergen qandasymyz úshinshi oryn úshin tartysta Ýkraınanyń taǵy bir ókili Nıkıta Batıden basym tústi.

Sońǵy kúni +70 kılo salmaqtaǵy Madına Paraǵulǵova óz kórermenderin qýantty. Kıpr, Qyrǵyzstan jáne Fransııa dzıýdoshylaryn jolda qaldyrǵan ol aqtyq synda brazılııalyq Anna Santospen saıysqa tústi. Qarsylasy bizdiń qyzǵa qaraǵanda áldeqaıda eńseli edi. Salmaǵy keminde 20-30 kılodaı artyq. Soǵan qaramastan Madına ony «vazarıge» túsirdi. Alaıda arada kóp ýaqyt ótpeı jatyp, Santos san soqytyp ketti. Jerlesimizge buıyrǵany –kúmis júlde. 

Osylaısha, Almatydaǵy álem birinshiligi óz máresine jetti. Bizder úshin ol tabysty aıaqtaldy dep aıtýǵa tolyq negiz bar. Sebebi, buryn-sońdy álemdik dodalarda jerlesterimiz eshýaqytta alty júlde alǵan emes. Onyń ústine komandalyq esepte tórtinshi oryn aldyq. Bul – orasan zor tabys. Sondaı-aq, osyǵan deıingi jarystarda elimizdiń qyzdar quramasy birde-bir júlde almaǵan. Al Alataý baýraıynda qos arýymyz jeńis tuǵyryna kóterilip, jergilikti kóremenderdi qýantty. Bul da el sporty tarıhyndaǵy eleýli oqıǵa.    

Sońǵy jańalyqtar

Mennıdiń taǵy bir márttigi

Kásipqoı boks • Búgin, 16:32

Nur-Sultanda taǵy bir Arbat salynady

Elorda • Búgin, 15:35

Adamdardyń alǵysyna esh nárse jetpeıdi

Aımaqtar • Búgin, 12:05

Qostanaıda muz arenasy salynyp jatyr

Aımaqtar • Búgin, 10:56

Elimizde jumyssyzdar sany artty

Qoǵam • Búgin, 10:38

29 qyrkúıekke arnalǵan aýa raıy boljamy

Aýa raıy • Búgin, 09:34

Dollardyń búgingi baǵamy belgili boldy

Ekonomıka • Búgin, 09:25

Mektepterde shekteý kúsheıtildi

Bilim • Búgin, 08:43

Indettiń betalysy irkilissiz

Álem • Búgin, 08:41

33 mln teńge aıyppul salyndy

Qoǵam • Búgin, 08:39

Balalarǵa bazarlyq kóbeıdi

Aımaqtar • Búgin, 08:38

Emhanaǵa tirkelý joldary qandaı?

Medısına • Búgin, 08:28

Eski kompıýterler jańartylady

Aımaqtar • Búgin, 08:16

Aımaq mektepteri abattandyryldy

Bilim • Búgin, 08:15

Ashyqtyq – qoǵam damýynyń kepili

Saıasat • Búgin, 08:13

Mal urlyǵy órship tur

Oqıǵa • Búgin, 08:01

Ekologııalyq bilim berýdiń tetikteri

Saıasat • Búgin, 07:58

Basym mindetter – basty nazarda

Aımaqtar • Búgin, 07:56

Salany jańǵyrtý – ýaqyt talaby

Pikir • Búgin, 07:42

Alty aqynnyń alǵysy

Rýhanııat • Búgin, 07:40

Til tutastyǵy – el tutastyǵy

Rýhanııat • Búgin, 07:37

Altyn astyqty aýyldar

Aımaqtar • Búgin, 07:29

Jambylda júzege asqan jarqyn joba

Aımaqtar • Búgin, 07:27

Qazaq tilin tórge shyǵaratyn ýaqyt jetti

Rýhanııat • Búgin, 07:25

Uqsas jańalyqtar