ULYQ MEIRAMDY ATAP О́TTI

Jaqynda Máskeý halyqaralyq mýzyka úıinde Qazaqstan Respýblı­kasynyń Reseı Federasııasyndaǵy elshiliginiń  uıymdastyrýymen ulyq mereke – Naýryz meıramyna arnalǵan konsert bolyp ótti, dep habarlady Qazaqstannyń Reseıdegi elshiliginiń baspasóz qyzmeti. Merekelik keshke Máskeý meriniń birinshi orynbasary Iýrıı Roslıak, TMD elderi elshilikteriniń bas­shy­lary, tanymal ǵylym, mádenıet jáne óner qaıratkerleri, sondaı-aq Máskeýde turatyn qazaq dıas­porasynyń ókilderi qatysty. Merekelik konsert bastalar aldyndaǵy sózinde Qazaqstannyń Reseıdegi elshisi Zaýytbek Turys­bekov Táýelsiz Qazaqstan Naýryz meıramyn osymen 19-ret atap ótkeli otyrǵanyn, osy jyldar ishinde elimizdiń ekonomıkasy qarqyndy damyp, demokratııalyq memleket bolyp qalyptasqanyn atap ótti. Elshi, sondaı-aq Qa­zaq­stan Prezıdenti N.Nazarbaevtyń halyqaralyq joǵary bedeliniń nátıjesinde elimizdiń EQYU tór­aǵasy bolǵanyna toqtaldy. “Naýryz – barlyǵymyzdy izgilikke bastaıtyn, bizdiń halyqtarymyzdy yntymaqqa úndeıtin ulyq mereke”, – dedi elshi. Al merekelik konsertte jı­nalǵan qaýym M.Áýezov atyndaǵy Ońtústik Qazaqstan memlekettik ýnıversıteti óner ujymynyń oryn­daýynda qazaq kompozıtor­la­ry­nyń shyǵarmalary men qazaqtyń ulttyq bılerin tama­shalady. Más­keý kóginde shyrqal­ǵan qazaq ánderi men kúmbirlegen kúıleri barsha jınalǵandar janyna nurly shýaq quıdy. Eń batysy – BUU Bas Assam­bleıasynyń qabyldaǵan  qararyna sáıkes bıylǵy jyldan bastap 21 naýryz – Halyqaralyq Naýryz kúni dep tanyldy. “Egemen-aqparat”.