Sport • 09 Qazan, 2019

Golovkın Mýratamen judyryqtasýy múmkin

368 retkórsetildi

Kásipqoı bokstan IBF jáne IBO nusqalary boıynsha orta salmaqtaǵy álem chempıony Gennadıı Golovkın japonııalyq Rıota Mýratamen judyryqtasýy múmkin.

Boxingnews24.com saıty taratqan aqparatqa sensek, qazaqstandyq boksshynyń promoýteri Tom Leffler bul kúnderi kelissózder júrgizip jatqan kórinedi. Eger qos tarap ortaq mámilege kelse, onda jankúıerler aldaǵy ýaqytta Gennadıı Golovkın men Rıota Mýrata arasyndaǵy jekpe-jekti tamashalaýy múmkin.

Kún Shyǵys eliniń ókili jaıynda aıtar bolsaq, ol 1986 jyldyń 12 qańtarynda Nara qalasynda týdy. Boıy – 183 santımetr. 10 jasqa tolǵan shaǵynda bokspen shuǵyldanǵan ol kóp uzamaı óz qatarlastarynyń aldy boldy. Túrli jas erekshelikteri boıynsha ótken Japonııa birinshilikterinde top jaryp, ulttyq qurama sapyna qabyldandy. 2005 jyly Hoshımındegi Azııa chempıonatynda qola medaldi moınyna ilse, 2011 jyly Bakýde ótken álem chempıonatynda kúmispen kúpteldi. Al 2012 jyly London Olımpıadasynyń jeńimpazy atandy. 

2013 jyldan beri  Rıota Mýrata kásipqoı rıngte baq synaýda. Sol aralyqta 17 márte sharshy alańǵa kóterilgen ol 17 kezdesý ótkizip, 15 ret jeńiske jetti. 12 básekeni merziminen buryn aıaqtady. Sońǵy eki jekpe-jegin japon jigiti amerıkalyq Rob Brantqa qarsy ótkizip, 2018 jyldyń 20 qazanynda utylsa, 2019 jyldyń 12 shildesinde ese qaıtardy. Bul kúnderi Mýrata WBA nusqasy boıynsha «turaqty» álem chempıony tájiniń ıegeri.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar