Qazaqstan • 10 Qazan, 2019

Kásipodaq uıymdarynyń forýmy ótti

26 retkórsetildi

«Qaýipsiz kásiporyn – saý jumysshy» taqyrybynda elordanyń bastaýysh kásipodaq uıymdarynyń forýmy ótti. Sharany Nur-Sultan qalasy Kásipodaqtar ortalyǵy uıymdastyrdy.

Forým jumysyna Qazaq­stan Kásipodaqtar federa­sııasynyń basshylary, áleý­mettik seriktester, bastaýysh kásipodaq uıymdarynyń mú­sheleri, halyqaralyq uıym­dardyń, ortalyq memle­kettik organdardyń jáne kom­mer­sııalyq emes uıymdardyń ókilderi, sondaı-aq eńbekti qorǵaý salasyndaǵy sarapshylar men ǵalymdar qatysty. Maqsat – óndiristik jaraqattar, kásiptik aýrýlar, óndiristegi qaıǵyly oqıǵalar jáne eńbek qaýipsizdigi jaǵdaılaryn jaq­sartý, sondaı-aq jumys isteıtin halyqtyń densaýlyǵyn saqtaý jáne qoldaý.

Jıyndy ashqan Kásip­odaqtar federasııasynyń tór­aǵasy Eraly Toǵjanov bastaýysh kásipodaq uıymdarynyń qyzmeti Kásipodaqtar fede­rasııasynyń erekshe nazarynda ekenin atap ótti. О́z sózinde elimizdiń kásipodaqtar basshysy óndiristik jaraqat máselesine toqtaldy. Kásipodaqtar qabyl­daǵan sharalardyń nátıjesinde kásiptik jaraqat alý dınamıkasy tómendegeni aıtyldy.

Bul kún kásipodaqtar qoz­ǵalysy úshin óte mańyzdy. Bıyl alǵash ret Kásipodaqtar federasııasynyń bastamasymen, Úkimettiń sheshimimen 10 qazan – Qazaqstan Respýblı­kasyndaǵy merekelik kún­der tizimine engizildi. Bul kásip­odaqtardyń jáne olar­dyń birlestikteriniń róli men ma­ńyzdylyǵyn aıqyndaıdy. Eli­mizdegi kásipodaqtar qoz­ǵa­lysyn damytýǵa jańa ser­­pin berdi. Sonymen qatar qyrkúıektiń sońǵy jek­sen­bisinde – Eńbek kúni atalyp ótti. Bul – ár eńbekkerdiń, ár kásipodaq múshesiniń meıramy. Prezıdent Qasym-Jomart Toqaev barlyq eńbekkerlerdiń róliniń mańyzdylyǵyn, eńbek adamynyń kúsh-jigeriniń arqa­synda Qazaqstannyń qar­qyn­dy damyp kele jatqa­nyn atap ótti. Elbasy Nursultan Ábishuly Nazarbaev qazaq­stan­dyq kásipodaqtar – turaq­tylyq tiregi, áleýmettik-eń­bek qatynastarynyń baza­lyq elementi bolyp taby­latyn­dyǵyn árqashan atap otyrady. Kásipodaqtar árqashan azamattyq qoǵamnyń negizgi tirekteriniń biri bolyp qala beredi», dedi ol.

Sharaǵa qatysýshylar zııan­dy eńbek jaǵdaılary bar jumys oryndaryn qysqartý máseleleri Kásipodaqtar úshin ózekti bolyp qalatynyn alǵa tartty. Statıstıkaǵa sáıkes, 1,6 mıllıon jumysshynyń 373 myńy nemese árbir tórtinshisi (22,3%) zııandy jáne qaýipti eńbek jaǵdaılarynda jumys isteıdi. Shamamen árbir ekin­shi jumysshy (45,4%) shý men dirildiń joǵarylaýy jaǵ­da­ıynda jumys isteıdi, al 34,4%-nyń jumys aımaǵynda gazdyń lastanýy men shańnyń áseri mol.

Osy problemalardy eskere otyryp, Kásipodaqtar fede­ra­sııasy Úkimetke eńbek­ti qor­ǵaýdy basqarý júıe­sin en­gizý bóliginde zańnama­ny jetildirý boıynsha usy­nystarmen júginip, áleý­mettik baǵyttaǵy jumys be­rý­shilerge ǵımarattar men qury­lystardyń tehnıkalyq jaǵ­daıyn jańartýǵa jáne jumys uıymdastyrýdaǵy kemshi­likterdi joıýǵa baılanys­ty shyǵyndar úshin salyq­tyq jeńildikter berý tárizdi usynystar aıtyp otyr. Qaýip­sizdik jáne eńbekti qor­ǵaý máseleleri boıynsha ákim­shilik jáne qylmystyq jaýap­kershilik sharalaryn kúsheıtý, óndiristegi jazataıym oqıǵalar men kásiptik aýrýlardy esepke alý men baqylaýdyń biryńǵaı aqparattyq júıesin qurý sııaq­ty usynystar bar.

Sońǵy jańalyqtar

iPhone 12 Pro renderi shyqty

Tehnologııa • Keshe

Uqsas jańalyqtar