Ádebıet • 10 Qazan, 2019

Halyqaralyq baıqaýdyń júldegeri

27 retkórsetildi

Belgili jazýshy-dramatýrg, Qazaqstannyń eńbek sińirgen qaıratkeri Joltaı Álmashuly Reseı Federasııasynyń «Zolotoe Pero Rýsı» ulttyq ádebı syılyǵynyń Bıser Kırov atyndaǵy kúmis júl­desimen marapattaldy.

Biraz jyldan beri ótkizilip kele jatqan bul ulttyq ádebı baıqaýǵa dúnıe júziniń qalamgerleri óz shyǵarmalarymen qatysa alady. Bıyl da óte kóp shyǵarmalar túsip, talqyǵa salynǵan.

Mine, solardyń arasynan qazaq qalamgeriniń «Vechnaıa elegııa» atty orys tilinde jaryq kórgen áń­­gimeler jınaǵy «Rýhanııat» no­mınasııasy boıynsha erekshe ata­lyp, kúmis júldege laıyq dep tabyldy.

Muny tek qarymdy qalamgerdiń shyǵarmashylyq jetistigi ǵana emes, búkil ult ádebıetiniń mártebesi dep ataǵan oryndy bolar.

Aıta ketetin bir jaıt, baı­qaýǵa 70 elden 30 myńǵa jýyq adam qatysqan.  Olar – túrli nomınasııa­lar boıynsha eńbekterin joldaǵan aqyn-jazýshylar, jýrnalıster, syqaqshylar, tarıhshylar, ekologtar, aýdarmashylar, ǵalymdar. Sonymen qatar qazylar alqasy qura­myna da júzge jýyq belgili tulǵa­lar tartylǵan.  Bıylǵy Ulttyq ádebı baıqaýǵa 1 qańtar men 15 qyr­­­kúıek aralyǵynda kelip túsken týyndylar ishinen qazaqstandyq qalamgerlerdiń de oza shaýyp, báıge alýy jurtshylyq tarapynan ádebıet salasyndaǵy aıtýly oqıǵa retinde baǵalanýda.

Biz qazaq qalamgerin halyqaralyq marapatqa ıe bolýymen shyn júrek­ten quttyqtap, aldaǵy shyǵar­ma­shylyq jumystaryna sáttilik ti­leımiz!

 

Qarshyǵa KÚLEN

 

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar