Aımaqtar • 11 Qazan, 2019

Mańǵystaý oblysy Ondy aýylynda jańa meshit ashyldy

42 retkórsetildi

Mańǵystaý aýdanynyń Ondy aýylynda jańa meshit ashyldy. Rýhanı ordanyń ashylý rásimine arnaıy kelgen Premer-Mınıstrdiń orynbasary Berdibek Saparbaev aldymen «Aı-Ana» eskertkishine taǵzym etti. Eskertkish 2009 jyly el tilegin tilegen analardyń qurmetine, Uly Otan soǵysyna attanyp oralmaǵan jubaılaryn kútken analarymyzdyń sımvolıkalyq beınesi retinde, Ábishteı danany dúnıege ákelgen Aısáýle anamyzǵa arnap turǵyzylǵan bolatyn.

Al, jergilikti turǵyndardyń qoldaýymen boı kótergen meshit osy jyldyń sáýir aıynda bastalǵan bolatyn. Bir ýaqytta 130-daı adam qulshylyq jasaı alatyn meshitte er adamdar men áıel adamdarǵa arnalǵan bólme, kúmbez jáne dáris bólmeleri bar. Jalpy aýmaǵy 250 sharshy metrdi alatyn orda munarasynyń bıiktigi 15 metr, kúmbezi 12 metr, al qabyrǵalary 5 metrdi quraıdy.

-Qazaqta kıeli, qasıetti jerler kóp. Dese de, uly oıshyl, kemeńger jazýshy Ábish Kekilbaevtaı bir týar azamatty dúnıege ákelgen bul topyraqtyń orny bólek. Osy kıeli óńirden Ábekeńniń áli talaı izbasarlary shyǵady dep oılaımyz. Búgingi 80 jyldyq mereıtoıdyń keleshek urpaq úshin tarıhı mańyzy óte zor. Almatydan bastaý alǵan sharalardyń jalǵasy búgin Mańǵystaýda ótse, erteń elordasy Nur-Sultanda jalǵasyn tappaq. Osyndaı sharalarǵa at salysyp júrgenimiz – Ábish aǵanyń árýaǵynyń aldyndaǵy boryshymyzdyń ótelgeni dep bilemin, - dep Berdibek Mashbekuly óziniń jyly lebizin bildirdi.

Sonymen qatar Mańǵystaý aýdanyna jumys sapary barysynda Úkimet basshysynyń orynbasary Ondy aýylyndaǵy Ábish Kekilbaıuly bilim alǵan orta mekteptiń tynys-tirshiligimen tanysty. Abyz tulǵa bul bilim ordasynda 2-8 synyp aralyǵynda oqyp, balalyq shaǵyn osy jerde ótkizgen. Mekteptegi abyz tulǵanyń atyndaǵy murajaıǵa Berdibek Saparbaev jazýshynyń dıdary beınelengen kilem syıǵa tartty.

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar