Qazaqstan Respýblıkasy Úkimetiniń qaýlysy № 159

Senbi, 16 naýryz 2013 0:51

2013 jylǵy 20 aqpan  Astana, Úkimet Úıi

Memlekettik monopolııa sýbektisi óndiretin jáne ótkizetin taýarlarǵa baǵa belgileý qaǵıdalaryn bekitý týraly

«Básekelestik týraly» 2008 jylǵy 25 jeltoqsandaǵy Qazaqstan Respýblıkasynyń Zańy 32-babynyń 2-1-tarmaǵyna jáne «Memlekettik múlik týraly» 2011 jylǵy 1 naýryzdaǵy Qazaqstan Respýblıkasynyń Zańy 11-babynyń 9-1) tarmaqshasyna sáıkes Qazaqstan Respýblıkasynyń Úkimeti qaýly etedi:

1. Qosa berilip otyrǵan Memlekettik monopolııa sýbektisi óndiretin jáne ótkizetin taýarlarǵa baǵa belgileý qaǵıdalary bekitilsin.

Senbi, 16 naýryz 2013 0:51

2013 jylǵy 20 aqpan  Astana, Úkimet Úıi

Memlekettik monopolııa sýbektisi óndiretin jáne ótkizetin taýarlarǵa baǵa belgileý qaǵıdalaryn bekitý týraly

«Básekelestik týraly» 2008 jylǵy 25 jeltoqsandaǵy Qazaqstan Respýblıkasynyń Zańy 32-babynyń 2-1-tarmaǵyna jáne «Memlekettik múlik týraly» 2011 jylǵy 1 naýryzdaǵy Qazaqstan Respýblıkasynyń Zańy 11-babynyń 9-1) tarmaqshasyna sáıkes Qazaqstan Respýblıkasynyń Úkimeti qaýly etedi:

1. Qosa berilip otyrǵan Memlekettik monopolııa sýbektisi óndiretin jáne ótkizetin taýarlarǵa baǵa belgileý qaǵıdalary bekitilsin.

2. Osy qaýly alǵashqy resmı jarııalanǵan kúninen bastap qoldanysqa engiziledi. 

Qazaqstan Respýblıkasynyń Premer-Mınıstri  S. AHMETOV.

Qazaqstan Respýblıkasy Úkimetiniń 2013 jylǵy 20 aqpandaǵy № 159 qaýlysymen bekitilgen

Memlekettik monopolııa sýbektisi óndiretin jáne  ótkizetin taýarlarǵa baǵa belgileý qaǵıdalary

1. Jalpy erejeler

1. Osy Memlekettik monopolııa sýbektisi óndiretin jáne ótkizetin taýarlarǵa baǵa belgileý qaǵıdalary (budan ári – Qaǵıdalar) Qazaqstan Respýblıkasynyń «Básekelestik týraly» (budan ári – Zań) 2008 jylǵy 25 jeltoqsandaǵy jáne «Memlekettik múlik týraly» 2011 jylǵy 1 naýryzdaǵy Zańdaryna sáıkes ázirlendi.

2. Osy Qaǵıdalardy qoldaný maqsatynda mynadaı uǵymdar paıdalanylady:

1) baǵa belgileý – memlekettik monopolııa sýbektileri óndiretin jáne ótkizetin taýarlarǵa (jumystarǵa, kórsetiletin qyzmetterge) baǵalardy qalyptastyrý jáne qaraý úderisi;

2) memlekettik monopolııa sýbektisi (budan ári – sýbekt) – Qazaqstan Respýblıkasy Úkimetiniń sheshimimen qurylǵan ne Qazaqstan Respýblıkasy Úkimetiniń sheshimimen oblystardyń, respýblıka­lyq mańyzy bar qalanyń, astananyń jergilikti atqarýshy organdary qurǵan memlekettik kásiporyn;

3) negizdelgen baǵa – memlekettik monopolııa sýbektisiniń negizdelgen shyǵyndarynyń jáne paıdasynyń negizinde aıqyndalǵan baǵa;

4) ózindik qun – ýákiletti organ memlekettik monopolııa sýbektisi óndiretin jáne (nemese) ótkizetin taýardyń baǵasynda eskeretin shyǵyndar jıyntyǵy;

5) memlekettik monopolııa salasyna jatqyzylǵan qyzmetti baqylaýdy jáne retteýdi júzege asyratyn ýákiletti organ (budan ári – ýákiletti organ) – memlekettik monopolııa sýbektisiniń múlkine qatysty respýblıkalyq menshik quqyǵy sýbektisiniń quqyǵyn júzege asyratyn ortalyq atqarýshy organ nemese oblystardyń, respýblıkalyq mańyzy bar qalanyń, astananyń memlekettik monopolııa sýbektisiniń múlkine qatysty kommýnaldyq menshik quqyǵy sýbektisiniń quqyǵyn júzege asyratyn jergilikti atqarýshy organy.

Qaǵıdalarda paıdalanylatyn ózge de uǵymdar men termınder Qazaqstan Respýblıkasynyń qoldanystaǵy zańnamasyna sáıkes qoldanylady.

2. Memlekettik monopolııa sýbektisi óndiretin jáne ótkizetin taýarlarǵa (jumystarǵa, kórsetiletin qyzmetterge) baǵa belgileý

3. О́nimge, taýarlarǵa (jumystarǵa, kórsetiletin qyzmetterge) baǵa qalyptastyrý ónimniń, taýarlardyń (jumystardyń, kórsetiletin qyzmetterdiń) árbir túri boıynsha shyǵyndardy bólek esepke alý negizinde júzege asyrylady.

Sýbektide ónimniń, taýarlardyń (jumystardyń, kórsetiletin qyzmetterdiń) túrleri boıynsha shyǵyndardy bólek esepke alý bolmaǵan jaǵdaıda, sýbektiniń shyǵyndary sýbektiniń jalpy shyǵyndaryndaǵy tabystardyń úles salmaǵy (kólemi, óndiristik personalǵa eńbekaqy tóleýge arnalǵan shyǵyndar) boıynsha taýarlardy (jumystardy, kórsetiletin qyzmetterdi) ótkizetin sýbektiniń belgili bir qyzmet túrine jatatyn shyǵyndardy aıqyndaýdy kózdeıtin janama ádisterdiń negizinde ótkiziletin ónimniń, taýarlardyń (jumystardyń, kórsetiletin qyzmetterdiń) túrleri boıynsha bólinedi.

4. Sýbektiniń ónimine, taýarlaryna (jumystaryna, kórsetiletin qyzmetterine) negizdelgen baǵa qalyptastyrý kezinde ózindik qunda ónimdi, taýarlardy (jumystardy, kórsetiletin qyzmetterdi) óndirýge (kórsetýge) tikeleı jatatyn shyǵystar jáne negizdeýshi materıaldarmen (sharttar, shot-faktýralar, qarjylyq qujattar) rastalǵan:

1) rastaıtyn qujattarda (sharttar, shot-faktýralar) jáne ónimniń, taýarlardyń (jumystardyń, kórsetiletin qyzmetterdiń) bir birligin shyǵarýǵa arnalǵan shıkizat, materıaldar, otyn, materıaldyq resýrstar energııasy shyǵysynyń qoldanylatyn normalaryna jáne (nemese) materıaldyq resýrstardyń jyldyq normalaryna súıene otyryp, materıaldyq resýrstardyń naqty kólemine negizdele otyryp kózdelgen baǵalardan aıqyndalatyn materıaldyq shyǵystar;

2) olardy júrgizý qajettiligin qujattamalyq tehnıkalyq rastaý jáne jıyntyq smetalyq eseptemeler, obektilik, jergilikti jáne resýrstyq smetalar (árbir obekt boıynsha jeke) bar bolsa, sýbektiniń negizgi quraldar qunynyń ósýine ákelmeıtin aǵymdaǵy jáne kúrdeli jóndeýge jáne basqa da jóndeý-qalpyna keltirý jumystaryna jiberetin qarajaty;

3) shyǵystarǵa baǵyttalǵan, baǵanyń shyǵyn bóliginde eskerilmegen sýbsıdııalardy qospaǵanda, ba­ǵa­nyń shyǵyn bóligin azaıtýda eskeriletin sýbektige memlekettik bıýdjet qarajatynan bólinetin sýbsıdııalar;

4) eńbek jaǵdaılary úshin eńbek zańnamasyna sáıkes eńbekaqy tóleý júıesinde kózdelgen qosymsha aqylar men ústemeaqylar tóleýdi qosa alǵanda, personalǵa eńbekaqy tóleýge jumsalǵan shyǵystar baǵalardy qalyptastyrý kezinde eskeriledi, bul rette eńbekaqy tóleýge jumsalatyn shyǵystardy aıqyndaý kezinde personaldyń (ákimshilik-basqarý jáne óndiristik) naqty sany jáne ınflıasııa deńgeıiniń boljamdy ózgerisin eskere otyryp, qoldanystaǵy baǵalarda qabyldanǵan ortasha aılyq jalaqy esepke alynady;

5) sýbektiniń esepke alý saıasatynda kózdelgen ádisti paıdalana otyryp aıqyndalatyn jáne negizgi quraldardyń qunyn arttyrýǵa alyp keletin kúrdeli jóndeý jumystaryn júrgizýge jáne ınvestısııalyq jobalardy iske asyrýǵa baǵyttalatyn amortızasııalyq aýdarymdarǵa shyǵystar;

6) olardy tartý qajettiligin qujattamalyq rastaý, áleýetti ónim berýshilerdi, qyzmetterdi qarjylandyrý jáne qaryz resýrstaryn qaıtarý sharttary bolǵan kezde ınvestısııalyq jobany iske asyrýǵa nemese ónim, taýarlar (jumystar, kórsetiletin qyzmetter) óndirisinde qoldanylǵan negizgi quraldardy satyp alýǵa (ınvestısııalyq baǵdarlama (joba) bolmaǵan jaǵdaıda) qaryz qarajattary úshin syıaqy tóleýge arnalǵan shyǵystar;

7) Qazaqstan Respýblıkasynyń zańnamasynda belgilengen tártippen satyp alynatyn aýdıtorlyq, konsaltıngtik, marketıngtik qyzmetterge jumsalatyn shyǵystar;

8) Qazaqstan Respýblıkasynyń ekologııa jáne salyq zańnamalarynda belgilengen stavkalarǵa, tártip jáne talaptarǵa sáıkes aıqyndalǵan qorshaǵan ortaǵa emıssııa úshin aqy tóleýge jumsalatyn shyǵystar;

9) Qazaqstan Respýblıkasynyń saqtandyrý týraly zańnamasynda jáne salyq zańnamasynda belgilengen stavkalarǵa, tártippen jáne talaptarǵa sáıkes aıqyndalatyn, kezeń shyǵystarynda eskeriletin mindetti saqtandyrý túrlerine, salyqtarǵa, alymdarǵa jáne bıýdjetke tólenetin basqa da mindetti tólemderge jumsalatyn shyǵystar eskeriledi.

5. Cýbektiniń baǵalaryn qalyptastyrý kezinde ózindik qunda ónimdi, taýarlardy (jumystardy, kórsetiletin qyzmetterdi) óndirýge tikeleı jatpaıtyn, sondaı-aq negizdeýshi materıaldarmen (sharttar, shot-faktýralar, qarjylyq qujattar) rastalmaǵan shyǵystar, onyń ishinde:

1) ónimdi, taýarlardy (jumystardy, kórsetiletin qyzmetterdi) óndirý (kórsetý) kezinde paıdalanylmaıtyn negizgi quraldardyń amortızasııalyq aýdarymdary;

2) lastaýshy zattardyń normatıvten tys shyǵaryndylary (tastandylary) úshin tólemder;

3) úmitsiz boryshtar;

4) sharýashylyq sharttardyń talaptaryn buzǵany úshin aıyppuldar, ósimpuldar, turaqsyzdyq aıyby jáne sanksııalardyń basqa da túrleri, sot shyǵyndary;

5) tabysty jasyrǵany (kemitkeni) úshin aıyppuldar men ósimpuldar;

6) urlyqtan kelgen zalaldar;

7) qyzmet kórsetýshi sharýashylyqtar men ýchaskeler óndirisinde tartylmaǵan aktıvterdi ustaýǵa arnalǵan;

8) kásiptik-tehnıkalyq ýchılıshelerdi qospaǵanda, densaýlyq saqtaý obektilerin, mektepke deıingi balalar uıymdaryn, oqý oryndaryn ustaýǵa arnalǵan;

9) saýyqtyrý lagerlerin, mádenıet jáne sport obektilerin, turǵyn úı qoryn ustaýǵa arnalǵan;

10) uıym qyzmetkerleriniń turǵyn úı jaǵdaılaryn jaqsartýǵa, baý-baqsha úılerin satyp alýǵa jáne úı sharýashylyǵymen aınalysýǵa alǵan nesıelerin, paıyzsyzdy qosa alǵanda, óteýge arnalǵan;

11) mádenı-aǵartý, saýyqtyrý jáne sporttyq is-sharalardy ótkizýge arnalǵan;

12) baý-baqsha seriktestikterin abattandyrýǵa (joldar salý, energııamen jáne sýmen jabdyqtaý, jalpy sıpattaǵy basqa da shyǵystardy júzege asyrý) arnalǵan;

13) demeýshilik kómek kórsetýge arnalǵan;

14) aqaýdan bolǵan ysyraptarǵa arnalǵan;

15) óndiristi vahtalyq uıymdastyrýdy qospaǵanda, taýar naryǵy sýbektileriniń personaly úshin páterlerdi, turǵyn ǵımarattardy jáne qurylystardy, jataqhanalar men qonaq úılerdegi oryndardy satyp alýǵa, jaldaýǵa jáne ustaýǵa arnalǵan;

16) mereıtoılar kúnine nemese qyzmetkerlerge yntalandyrý túrinde beriletin syılyqtardy satyp alýǵa arnalǵan;

17) normatıvten tys tehnıkalyq jáne kommersııalyq ysyraptarǵa, taýar-materıaldyq qun­dylyq­tardyń, qoımadaǵy qorlardyń buzylýyna jáne jetispeýshiligine, basqa óndirilmeıtin shyǵystarǵa;

18) jumys qorytyndylary boıynsha syılyq berýge jáne syıaqylardyń basqa da nysandaryna arnalǵan;

19) óndiristik qajettilikke baılanysty is-sharalardy qospaǵanda, oqytatyn kýrstardy, semınarlardy, trenıngterdi, leksııalardy, kórmelerdi, pikirtalastardy, ǵylym men óner qaıratker­lerimen kezdesýlerdi, ǵylymı-tehnıkalyq konferensııalardy ótkizýge jáne uıymdastyrýǵa arnalǵan;

20) qoǵamdyq uıymdar men qaýymdastyqtarǵa arnalǵan múshelik jarnalarǵa arnalǵan;

21) bilim berý uıymynda oqıtyn qyzmetkerlerdiń demalystaryna aqy tóleýge arnalǵan;

22) kásiptik aýrýlardy ońaltyp emdeýge baılanysty shyǵyndardan basqa, sýbektiniń qarajaty esebinen qyzmetkerlerdiń jáne olardyń balalarynyń emdelýine, demalýyna, ekskýrsııalaryna arnalǵan joldamalarǵa aqy tóleýge arnalǵan;

23) Qazaqstan Respýblıkasynyń zańnamasynda belgilengen mindetti saqtandyrý tólemderin qospaǵanda, saqtandyrý tólemderi (sýbekt óz qyzmetkerleriniń paıdasyna jasaǵan jeke jáne múlikti saqtandyrý sharttary boıynsha sýbekt tólep otyratyn jarnalar);

24) qyzmetkerlerge qosymsha berilgen demalystarǵa (zańnamada kózdelgennen tys), onyń ishinde bala tárbıelep otyrǵan áıelderge aqy tóleýge, qyzmetkerdiń otbasy múshelerine demalysty paıdalanatyn jerge barý jáne qaıtý jolyna aqy tóleýge arnalǵan;

25) zańnamada kózdelgennen basqa, sýbektiniń qyzmetkerlerine jeńildikter;

26) mektepke deıingi mekemelerdegi, sanatorıılerdegi jáne saýyqtyrý lagerlerindegi balalardyń tamaqtaný qunyn óteýge jumsalatyn shyǵystar;

27) ujymdyq shartta aıqyndalǵan maqsattarǵa kásiptik odaqtarǵa aýdarymdar eskerilmeıdi.

6. Negizdelgen baǵaǵa engiziletin paıdanyń deńgeıin aıqyndaý kezinde sýbektilerdiń tıimdi jumys isteýin jáne damýyn qamtamasyz etetin qarajat eskeriledi.

7. Ýákiletti organ osy Qaǵıdalarǵa sáıkes taýardyń (jumystyń, kórsetiletin qyzmettiń) baǵasyna saraptama júrgizedi.

Baǵalarǵa saraptama júrgizý úshin sýbektiler mynalardy:

1) taýarlarǵa memlekettik monopolııa engizilgen kúnnen bastap kúntizbelik otyz kúnnen keshiktirmeı, baǵa deńgeıin rastaıtyn negizdemelik materıaldardy qosa bere otyryp, bosatý baǵalary týraly jazbasha túrde aqparat;

2) aldaǵy ýaqytta taýarlarǵa (jumystarǵa, kórsetiletin qyzmetterge) baǵalardyń ósetini jáne ósý sebebin rastaıtyn negizdemelik materıaldardy tabys ete otyryp, olardyń ósý sebepteri týraly keminde kúntizbelik otyz kún buryn jazbasha túrde habarlama beredi.

Baǵalardyń aldaǵy kóterilýi týraly habarlamaǵa mynalar qosa beriledi:

1) kóterý sebepterin rastaıtyn qujattar (shıkizat, materıaldar, qyzmetter qunynyń ósýin rastaıtyn tıisti sharttardyń kóshirmeleri);

2) qyzmettiń árbir túri boıynsha baǵalar jobasy;

3) býhgalterlik teńgerim;

4) paıdalar men zalaldar týraly esep;

5) eńbek jáne jalaqy jónindegi esep;

6) óndiristik-qarjy qyzmeti týraly esep;

7) negizgi quraldar men materıaldyq emes aktıvterdiń bolýy jáne olardyń qozǵalysy;

8) tutastaı kásiporyn jáne qyzmettiń árbir túri boıynsha jeke shyǵyndar baptary boıynsha taratyp jaza otyryp, baǵalardyń jobasyn esepteý úshin qoldanylatyn tabystar men shyǵystar týraly jıyntyqty derekter;

9) eńbekaqy tóleýdiń qoldanylyp otyrǵan júıesi týraly málimetter;

10) shıkizat jáne materıaldar shyǵysynyń qoldanylyp otyrǵan normalary, qyzmetkerlerdiń normatıvtik sany týraly derekter;

11) bar bolǵan jaǵdaıda, esepke alý saıasaty;

12) bar bolǵan jaǵdaıda, ınvestısııalyq baǵdarlamalar (jobalar);

13) aǵymdaǵy jáne kúrdeli jóndeýge jáne negizgi quraldar qunynyń ósýine alyp kelmeıtin basqa da jóndeý-qalpyna keltirý jumystaryna baǵyttalǵan shyǵyndardyń jyldyq smetasy;

14) negizgi quraldar qunynyń ósýine alyp keletin kúrdeli jóndeý jumystaryn júrgizýge baǵyttalǵan shyǵyndardyń jyldyq smetasy;

15) negizgi quraldardy paıdalaný merzimin kórsete otyryp, amortızasııalyq aýdarymdardy esepteý;

16) ótkizýdiń josparlanǵan kólemin rastaıtyn qujattar – nıet etilgen hattamalar, sharttar, óndirý (jetkizý) kólemderiniń eseptemeleri, jobalyq qýaty jáne ony is júzinde paıdalaný týraly derekter, sondaı-aq óndiris (jetkizý) kólemin tómendetken jaǵdaıda sýbektiler negizdeme usynady;

17) debıtorlyq jáne kredıtorlyq bereshektiń taratylyp jazylýy.

8. Sýbektiniń osy Qaǵıdalarda belgilengen baǵa belgileý tártibin saqtamaýy Qazaqstan Respýblıkasynyń zańdaryna sáıkes jaýaptylyqqa ákep soǵady.