Aımaqtar • 15 Qazan, 2019

Taldyqorǵanda tekstıl shyǵarylady

39 retkórsetildi

Búgin oblys ákimi Amandyq Batalov otandyq ınvestorlarmen kezdesti. Jıyn barysynda Taldyqorǵanda eksportqa baǵyttalǵan tekstıl shyǵaratyn kásiporyn ashylatyny aıtyldy. Bul týraly Almaty oblysy ákiminiń baspasóz qyzmeti habarlady.

«Yessenov Lab» joǵary tehnologııalar ǵylymı ortalyǵy» JShS dırektory Sultan Kúnádilovtiń aıtýynsha, tehnıkalyq soradan daıyndalatyn talshyq joǵary sapaly ári myqty bolady. Ony medısınada, qurylysta, jıhaz jasaýda, kıim tigýde jáne basqa da salalarda qoldanady. Atap óterligi, tehnıkalyq sora quramynda TGK kannabınoıdtary joq dese de bolady. Osy jobadaǵy «Elaxima Tech Style inc Qazaqstan» ınvestor kompanııasy AQSh-tyq seriktesterimen birge tekstıl óndirýge mamandanyp keledi.

Kompanııa Almaty oblysynyń aýmaǵynda sora talshyqtarynan tekstıl óndiretin kásiporyn ashyp, daıyn ónimdi Qytaı men Eýropa elderine eksporttaýǵa nıetti. Osyǵan baılanysty birinshi kezekte jalpy aýmaǵy 2 myń sharshy metr bolatyn, avtojol jáne temir jol qatynastarymen qamtylǵan ǵımarat satyp alý nemese jalǵa alý jumystary atqarylýy kerek. Ekinshi kezekte kompanııa óz shıkizatyn ósirýdi qolǵa almaqshy. Ol úshin sýarmaly jer telimi qajet.

Investor-kompanııa ókilderiniń sózderin tyńdaǵan Amandyq Batalov mundaı óndiristi Taldyqorǵanda ashýǵa usynys bildirdi. Laıyqty ǵımarat tabý Taldyqorǵan qalasy ákiminiń orynbasaryna tapsyryldy. Jáne onyń syrtqy ınfraqurylymyn júrgizip berýge qoldaý kórsetiletini aıtyldy. 

Jer ýchaskesine qatysty bul máseleni óńirdegi agrarlyq sala qyzmetkerlerimen birge kooperasııa aıasynda sheshýge bolady. Oblys ákimi Serikjan Beskempirov kompanııa óz tarapynan tehnıkalyq sorany qandaı klımattyq jaǵdaıda ósirý kerektigi týraly tolyq málimet berýi qajettigin aıtty. Sol málimetterdiń negizinde tıisti jumys atqarylady. Aldymen oblys ákiminiń tapsyrmasyna saı kooperasııa aıasynda 1-2 myń ga sýarmaly jer bólý múmkindikteri qarastyrylmaq.

Kezdesý sońynda oblys ákimi Amandyq Batalov óz orynbasarlary S.Beskempirov pen J.Tuıaqovqa osy jobanyń júzege asyrylýyn baqylaýda ustaýdy tapsyrdy. Taraptar barlyq máseleler boıynsha naqty sheshimder qabyldanǵanda, oblys ákiminiń qatysýymen taǵy bir kezdesý ótkizýge ýaǵdalasty.        

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar