Aımaqtar • 15 Qazan, 2019

Atyraýlyq sarbazdar áskerge attandy

85 retkórsetildi

Kúzgi naýqanmen áskerge shaqyrtylǵan atyraýlyq 30 sarbaz Otan aldyndaǵy boryshtaryn óteýge sán-saltanatpen attandy. Baǵyt – Jambyl oblysy.

Oblys ortalyǵyndaǵy Jeńis saıabaǵynda ótken sharaǵa oblys ákiminiń orynbasary Jumabaı Qaraǵaev qatysyp: «Búgin ómirlerińizdegi eń mańyzdy kún, óıtkeni azamattyq paryzdaryńyzdy óteýge basqa aımaqqa attanasyzdar. Kópshiligińiz týǵan úılerińiz ben jaqyndaryńyzdan alǵash ret jyraqqa ketip barasyzdar. Bul qadam sizder úshin ǵana emes, ata-ana, týys-baýyrlaryńyz úshin de synaq. Osy synnan súrinbeı ótip, jaqsy atpen, abyroımen týǵan jerlerińizben qaýyshýlaryńyzǵa tilektespin»,-dep izgi nıetin bildirdi.

Saltanatty sharaǵa oblystyq Qorǵanys isteri departamentiniń ujymy, H.Dosmuhamedov atyndaǵy Atyraý memlekettik ýnıversıteti áskerı kafedrasynyń stýdentteri, Ulttyq gvardııanyń  áskerı bóliminiń orkestri jáne «Jas sarbaz» qozǵalysynyń tárbıelenýshileri, sarbazdardyń otbasylary qatysty.

- Áskerge barý úshin ótetin synaqtardyń bári men úshin sátti bolǵanyna qýandym. Áskerge barý – ár azamattyń boryshy. Ata-anam da áskerı qyzmetkerler bolǵandyqtan, otbasylyq úrdisti buzbaı, men de osy salada eńbek etkim keledi, - deıdi áskerge attanýshylardyń biri Nurbek Dúısenbaı.

Kúz mezgili bastalǵaly beri QR UQK Shekara qyzmetine óńirden 140 sarbaz ketti. 15 qarashaǵa deıin Qazaqstan Respýblıkasy Qarýly kúshterine 250 jas attanady. Jalpy bıylǵy kúzgi shaqyrtylý tiziminde 700-ge jýyq atyraýlyq sarbaz bar.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Uqsas jańalyqtar