Sheteldik taýarlar qymbattady

О́tken kezeńde eksportqa shyǵary­la­tyn temir keni – 41%, kómir – 17,4%, qara metaldan jasalǵan buıymdar – 6%, qara metall synyǵy – 5,9%, qor­ǵasyn – 5,4%, munaı 3,7%-ǵa qym­bat­ta­dy. Ferroqorytpalardyń quny – 18,9%, hrom keni – 12,3%, myryshtyń baǵasy 3,2%-ǵa tómendedi. Statıstıka komıteti bıdaı – 18,3%, jún – 1,6%-ǵa qymbattaǵanyn, kerisinshe  maqta 3,1%-ǵa ar­zandaǵanyn habarlady.

Importtalatyn negizgi ónimderdiń ishinde kókónis – 40,6%, kondıterlik ónim – 9,6%, kúrish – 8,5%, balyq – 8,2%, temeki – 7,4%, makaron ónimderi – 6,6%, sút ónimderi – 6%, kofe – 5,4%, ósimdik maıy – 5,3%, qus eti – 4,3%, shaı 4,1%-ǵa qymbattady. Jyl basynan beri qant – 7%, jemis pen jań­ǵaq – 6,9%, kakao 4%-ǵa arzandady. Far­masevtıkalyq ónimder – 9,8%, plastmassa – 6,9%, qurylys materıaldary – 5,1%, toqyma buıymdary – 4,8%, súrek 4,6%-ǵa joǵarylady.

Statıstıka komıteti baǵa ındeksin eseptep shyǵarý úshin eksporttaýshy jáne ımporttaýshy kásiporyndardyń jal­pymemlekettik statıstıkalyq baqylaýyn paıdalanady. Sondaı-aq Eýrazııalyq ekonomıkalyq odaqqa múshe­ memlekettermen aradaǵy saýda­ statıstıkasy men Keden statıstıka­sy­nyń derekteri saralanady.