Aımaqtar • 16 Qazan, 2019

«Brakoner» biraz basbuzardy quryqtady

19 retkórsetildi

Besinshi qazannan bastap Soltústik Qazaqstan oblysynda da zańsyz ańshylyq faktilerin anyqtaý jáne olardyń jolyn kesý, sondaı-aq ekologııalyq qylmystardy ashý maqsatymen qolǵa alynǵan «Brakoner» respýblıkalyq jedel-profılaktıkalyq is-sharasy (JPSh) ótýde. Onyń barysynda, tabıǵatty qorǵaý zańnamasyn buzýdyń 60 faktisi anyqtaldy.

Zańsyz ań aýlaýdy quryqtaý­dyń alǵashqy I0 kúninde 34 zań­syz ańshylyq, 20 zańsyz ba­lyq aýlaý jáne balyq aýlaý zań­namasyn buzý, 5 azamattyq qarý satyp alý, saqtaý, qoldaný nemese tasymaldaý tártipterin bu­zý faktileri ásh­kere boldy. So­nyń ishinde Jambyl aýdanynda júrgizilgen reıdtik is-shara barysynda tabıǵatty qorǵaý polısııasy to­bynyń aǵa ınspek­tory, polısııa kapıtany Da­mır Mursalıev Bla­goveshenka selo­synyń ma­ńynda kúdikti bolyp kóringen «VAZ 21214» avtomashınasyn toq­tatqan. Polısııa qyz­metkeriniń qyraǵylyǵy sát­ti bolyp shyǵyp, salonnan ja­ńa soıylǵan Sibir eliginiń eti shyqqan. Dalanyń sulý ańy­nyń biri sanalatyn bul elik aımaqtyq «Qyzyl ki­tap­­qa» engizilgen. Zańsyz ań aýlaý­shylardyń kesirinen qazir olardyń sany da múlde azaıyp ketken. Sondyqtan ony atýǵa zań­­men tıym salynǵan. Biraq «ań­shymyz» dep bárin de qyryp-joıý­ǵa tyrysatyndar oǵan qaraı ma, tabıǵattyń sulý ja­rat­qan, osy­naý jazyqsyz janýaryn oqqa iliktiripti.

О́zderiniń aıtýlaryna qa­ra­ǵan­da us­talǵandar elikti «Ýkraın­s­koe» selosynyń ma­ńyn­da kórip, úı­lerinen myltyq alyp shy­ǵyp, birneshe saǵat boıy so­ńyna túsip, atqan eken. Qa­ladan kelip ańshylyq qurǵan erik­kender emes, biri júrgizýshi, biri mehanı­zator bolyp isteıtin osy aýyl tur­ǵyn­darynyń ańdy kózi qıyp qa­laı atqanyna tańǵa­lasyń...

Endi zańsyz ań aýlaýshylar Qazaqstan Respýblıkasy Qyl­mys­tyq kodeksiniń zańsyz ań­shylyq faktisine jaza qaras­tyratyn 337-baby boıynsha sot­qa deıingi tergep-tekserý­ler­diń biryńǵaı tizilimine enip, taǵ­­dyr­lary sottyń sheshimine táýel­di bolyp otyr. Ázirge olar­ǵa bul­tartpaý sharasy qolda­nyl­ǵan.

JPSh nátıjesinde zańsyz ań aýlaýshylyq qana emes, «Balyq resýrstaryn, basqa da sý janýarlaryn nemese ósimdikterin zańsyz aýlaý», «Aǵashtar men butalardy zańsyz kesý» baptary boıynsha da tártip buzyp, qylmys jasaǵan­darda anyqtalǵan. Sonyń ishinde tabıǵatty qorǵaý zańnamasyn buz­ǵan 56 quqyq buzýshy ákimshi­lik jaýap­kershilikke tartyldy.

 

Soltústik Qazaqstan oblysy

 

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar