• 27 Naýryz, 2013

Qazaqstan Respýblıkasy Prezıdentiniń Jarlyǵy № 526

310 ret

kórsetildi

33 mın

oqý úshin

Egemen Qazaqstan

Qazaqstan Respýblıkasy Prezıdentiniń Jarlyǵy № 526

Sársenbi, 27 naýryz 2013 1:39

Qazaqstan Respýblıkasy Prezıdentiniń keıbir jarlyqtaryna ózgerister engizý týraly

Qaýly etemin:

1. Qazaqstan Respýblıkasy Prezıdentiniń mynadaı jarlyqtaryna ózgerister engizilsin:

1) «Memlekettik qyzmet ótkerý tártibi týraly erejeni bekitý týraly» Qazaqstan Respýblıkasy Prezıdentiniń 2000 jylǵy 10 naýryzdaǵy № 357 Jarlyǵyna (Qazaqstan Respýblıkasynyń PÚAJ-y, 2000 j., № 15, 141-qujat; 2001 j., № 18, 222-qujat; 2003 j., № 15, 149-qujat; 2004 j., № 14, 172-qujat; 2007 j., № 43, 499-qujat; № 49, 599-qujat):

joǵaryda atalǵan Jarlyqpen bekitilgen Memlekettik qyzmet ótkerý tártibi týraly ereje osy Jarlyqqa qosymshaǵa sáıkes jańa redaksııada jazylsyn;

2) «Qazaqstan Respýblıkasy Prezıdentiniń keıbir jarlyqtaryna ózgerister men tolyqtyrýlar engizý týraly» Qazaqstan Respýblıkasy Prezıdentiniń 2012 jylǵy 16 qarashadaǵy № 435 Jarlyǵyna:

joǵaryda atalǵan Jarlyqpen bekitilgen Qazaqstan Respýblıkasy Prezıdentiniń keıbir jarlyqtaryna engiziletin ózgerister men tolyqtyrýlarda:

3-tarmaq alyp tastalsyn.

Sársenbi, 27 naýryz 2013 1:39

Qazaqstan Respýblıkasy Prezıdentiniń keıbir jarlyqtaryna ózgerister engizý týraly

Qaýly etemin:

1. Qazaqstan Respýblıkasy Prezıdentiniń mynadaı jarlyqtaryna ózgerister engizilsin:

joǵaryda atalǵan Jarlyqpen bekitilgen Memlekettik qyzmet ótkerý tártibi týraly ereje osy Jarlyqqa qosymshaǵa sáıkes jańa redaksııada jazylsyn;

joǵaryda atalǵan Jarlyqpen bekitilgen Qazaqstan Respýblıkasy Prezıdentiniń keıbir jarlyqtaryna engiziletin ózgerister men tolyqtyrýlarda:

3-tarmaq alyp tastalsyn.

2. Qazaqstan Respýblıkasynyń Úkimeti men memlekettik organdar osy Jarlyqtan týyndaıtyn ózge de sharalardy qabyldasyn.

3. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

4. Osy Jarlyq 2013 jylǵy 26 naýryzdan bastap qoldanysqa engiziledi.

Qazaqstan Respýblıkasynyń Prezıdenti

N.NAZARBAEV.

Astana, Aqorda, 2013 jylǵy 22 naýryz

№ 526

Qazaqstan Respýblıkasy Prezıdentiniń 2013 jylǵy 22 naýryzdaǵy № 526 Jarlyǵyna qosymsha

Qazaqstan Respýblıkasy Prezıdentiniń 2000 jylǵy 10 naýryzdaǵy № 357 Jarlyǵymen bekitilgen

Memlekettik qyzmet ótkerý tártibi týraly ereje

Osy Ereje memlekettik saıası jáne ákimshilik qyzmetshilerdiń memlekettik qyzmet ótkerý máselelerin reglamentteıdi.

1-bólim

Memlekettik saıası qyzmetshilerdiń memlekettik qyzmet ótkerýi

1. Memlekettik saıası qyzmetshilerge qoıylatyn talaptar

1. Memlekettik saıası laýazymǵa ornalasý azamattar arnaıy tekserýden, sondaı-aq Qazaqstan Respýblıkasynyń zańnamasynda kózdelgen jaǵdaılarda kelisýden ótý shartymen júzege asyrylady.

2. Memlekettik saıası qyzmetshilerdiń negizgi fýnksııalary jáne olardyń qyzmetin uıymdastyrý

2. Memlekettik saıası qyzmetshiniń fýnksıonaldyq mindetteri Qazaqstan Respýblıkasynyń zańnamalyq aktilerimen, Qazaqstan Respýblıkasy Prezıdentiniń aktilerimen, osy Erejemen, tıisti memlekettik organ týraly erejemen jáne mindetter bólinisimen aıqyndalady.

3. Memlekettik saıası qyzmetshilerdiń negizgi fýnksııalary:

1) memlekettik saıasatty tujyrymdaýǵa, aıqyndaýǵa jáne iske asyrýǵa yqpal etetin sheshimder qabyldaý;

2) qabyldanǵan sheshimderdiń oryndalý barysyn baqylaý;

3) memlekettik jáne ózge de baǵdarlamalar men jobalardyń oryndalý barysyn retteý men baǵalaý;

4) memlekettik organnyń jumysyn basqarý;

5) baǵynysty memlekettik qyzmetshilerdiń jumysyna basshylyq jasaý bolyp tabylady.

4. Memlekettik saıası qyzmetshilerge memlekettik ákimshilik qyzmettiń laýazymdaryn qosa atqarýǵa jol berilmeıdi.

3. Memlekettik saıası qyzmetshilerdiń memlekettik qyzmetti toqtatýy

5. Memlekettik saıası qyzmetshiniń atqaratyn saıası laýazymyndaǵy ókilettigi:

1) Qazaqstan Respýblıkasynyń azamattyǵynan aıyrylǵan;

2) memlekettik organ taratylǵan (joıylǵan);

3) memlekettik saıası qyzmetshi óziniń tabysy men múlki týraly kórineý jalǵan málimetter bergen;

4) «Memlekettik qyzmet týraly» Qazaqstan Respýblıkasynyń Zańynda (budan ári – Zań) belgilengen mindetter men shekteýlerdi saqtamaǵan;

5) ózine menshik quqyǵy boıynsha tıesili múlikti senimdi basqarýǵa bermegen;

6) sybaılas jemqorlyq quqyq buzýshylyq jasaǵan;

7) memlekettik saıası qyzmetshige qatysty sottyń aıyptaý úkimi zańdy kúshine engen;

8) memlekettik saıası qyzmetshiniń óz ókilettiginen toqtatý týraly jeke jazbasha ótinishi negizinde ornynan túsýi qabyldanǵan;

9) memlekettik saıası qyzmetshini ol atqaratyn laýazymǵa taǵaıyndaý (saılaý) quqyǵy berilgen laýazymdy tulǵa (organ) tıisti sheshim qabyldaǵan;

10) basqa jumysqa aýysqan;

11) Qazaqstan Respýblıkasynyń zańdarynda kózdelgen ózge de negizder týyndaǵan jaǵdaılarda toqtatylady.

Memlekettik saıası qyzmetshiniń ókilettigi sondaı-aq memlekettik organ qaıta qurylǵan, memlekettik qyzmetshilerdiń sany nemese shtaty qysqartylǵan jaǵdaılarda toqtatylýy múmkin.

6. Memlekettik saıası qyzmetshiler Qazaqstan Respýblıkasynyń Konstıtýsııasynda, Zańynda jáne ózge de zańnamasynda belgilengen negizder men tártipte ornynan túsýge ótinish beredi jáne qyzmetten ketedi. Eger ornynan túsýdiń negizderi Qazaqstan Respýblıkasynyń zańnamasynda kózdelmese, memlekettik saıası qyzmetshiler Qazaqstan Respýblıkasynyń eńbek zańnamasynda kózdelgen jalpy negizder boıynsha jumystan shyǵarylady.

7. Memlekettik organdardyń basshylary, ákimder bolyp tabylatyn memlekettik saıası qyzmetshiler ózderi taǵaıyndaǵan basshy laýazymdardaǵy baǵynysty memlekettik qyzmetshiler sybaılas jemqorlyq qylmystaryn jasaǵan, olarǵa qatysty sottyń zańdy kúshine engen aıyptaý úkimi bolǵan jaǵdaıda ornynan túsýge ótinish beredi.

2-bólim

Memlekettik ákimshilik qyzmetshilerdiń memlekettik qyzmet ótkerýi

4. Memlekettik ákimshilik qyzmetke kirý

8. Memlekettik organnyń qyzmetkerlerin laýazymǵa taǵaıyndaýdy jáne laýazymnan bosatýdy laýazymdyq ókilettikterine sáıkes osyndaı quqyǵy bar tulǵa (organ) ne osy ókilettikter berilgen ózge tulǵa (organ) júzege asyrady.

Eńbek qatynastary máseleleri zańnamalyq aktilerge sáıkes joǵary turǵan memlekettik organdar men laýazymdy tulǵalardyń quzyretine jatqyzylǵan qyzmetkerlerdi qospaǵanda, ortalyq atqarýshy organda ortalyq atqarýshy organ qyzmetkerlerin laýazymǵa taǵaıyndaýdy jáne laýazymnan bosatýdy Qazaqstan Respýblıkasynyń zańnamasyna sáıkes ortalyq atqarýshy organnyń jaýapty hatshysy nemese belgilengen tártippen ortalyq atqarýshy organnyń jaýapty hatshysynyń ókilettikteri júktelgen laýazymdy tulǵa, al ortalyq atqarýshy organnyń jaýapty hatshysy nemese kórsetilgen laýazymdy tulǵa bolmaǵan jaǵdaıda – ortalyq atqarýshy organnyń basshysy júzege asyrady.

Ortalyq atqarýshy organnyń jaýapty hatshysy nemese belgilengen tártippen ortalyq atqarýshy organnyń jaýapty hatshysynyń ókilettikteri júktelgen laýazymdy tulǵa:

ortalyq atqarýshy organnyń basshysymen kelisim boıynsha ortalyq atqarýshy organnyń basshysy nemese onyń orynbasarlary qadaǵalaıtyn ortalyq atqarýshy organnyń departamentteri dırektorlaryn jáne derbes basqarmalary bastyqtaryn laýazymǵa taǵaıyndaıdy jáne laýazymnan bosatady;

ortalyq atqarýshy organnyń basshysymen kelisim boıynsha, eńbek qatynastary máseleleri zańnamalyq aktilerge sáıkes joǵary turǵan memlekettik organdar men laýazymdy tulǵalardyń quzyretine jatqyzylǵan qyzmetkerlerdi qospaǵanda, oblystyq aýmaqtyq organdar men bólimshelerdiń basshylaryn laýazymǵa taǵaıyndaıdy jáne laýazymnan bosatady;

eńbek qatynastary máseleleri zańnamalyq aktilerge sáıkes joǵary turǵan memlekettik organdar men laýazymdy tulǵalardyń quzyretine jatqyzylǵan qyzmetkerlerdi qospaǵanda, oblystyq aýmaqtyq organdar men bólimsheler basshylarynyń orynbasarlaryn laýazymǵa taǵaıyndaıdy jáne laýazymnan bosatady;

eńbek qatynastary máseleleri zańnamalyq aktilerge sáıkes joǵary turǵan memlekettik organdar men laýazymdy tulǵalardyń quzyretine jatqyzylǵan qyzmetkerlerdi qospaǵanda, taǵaıyndaý úshin vedomstvolar basshylary usynatyn vedomstvolar basshylarynyń orynbasarlaryn taǵaıyndaıdy;

zańnamalyq aktilerde kózdelgen jaǵdaılarda, vedomstvolar basshylary taǵaıyndaý úshin usynatyn vedomstvolar basshylarynyń orynbasarlaryn ortalyq atqarýshy organ basshysynyń taǵaıyndaýyn kelisedi;

osy tarmaqtyń úshinshi bóliginiń ekinshi abzasynda kórsetilgen laýazymdy adamdardy, sondaı-aq eńbek qatynastary máseleleri zańnamalyq aktilerge sáıkes joǵary turǵan memlekettik organdar men laýazymdy adamdardyń quzyretine jatqyzylǵan qyzmetkerlerdi qospaǵanda, ortalyq atqarýshy organnyń qyzmetkerlerin laýazymǵa taǵaıyndaıdy jáne laýazymnan bosatady.

9. Zańnyń 24-baby 4-tarmaǵynyń ekinshi jáne úshinshi bólikterinde kózdelgen jaǵdaılarda, memlekettik ákimshilik qyzmetshiler ózderiniń kelisimimen jáne qoıylatyn biliktilik talaptaryna sáıkes kelgen jaǵdaıda konkýrstyq irikteýden tys memlekettik ákimshilik laýazymdarǵa taǵaıyndalady.

10. О́z ókilettikterin teris sebeptermen toqtatqandardy qospaǵanda, óz ókilettikterin keminde alty aı oryndaǵan jáne qoıylatyn biliktilik talaptaryna saı keletin, óz ókilettikterin toqtatqan Parlament depýtattarynyń, turaqty negizde jumys isteıtin máslıhat depýtattarynyń, memlekettik saıası qyzmetshilerdiń, sýdıalardyń «B» korpýsynyń memlekettik ákimshilik laýazymdaryna ornalasýy olardyń óz ókilettikterin toqtatqan kúnnen bastap bir jyldyń ishinde konkýrstyq irikteýden tys júzege asyrylady.

11. Memlekettik organdy qurý kezeńinde qyzmettik qajettilik jaǵdaıynda bos memlekettik ákimshilik laýazymymen kózdelgen mindetterdi ýaqytsha atqarý úshin adamdardy úsh aıdan aspaıtyn merzimge jumysqa qabyldaýǵa jol beriledi. Uzartylýǵa jatpaıtyn osy merzim ishinde atalǵan laýazymdar Qazaqstan Respýblıkasynyń memlekettik qyzmet týraly zańnamasynda belgilengen tártippen toltyrylýǵa tıis. «A» korpýsynyń bos memlekettik ákimshilik laýazymymen kózdelgen mindetterdi ýaqytsha atqarý úshin jumysqa alý «A» korpýsy memlekettik ákimshilik qyzmetiniń kadr rezervine alynǵan adamdar arasynan júzege asyrylady.

Mindetterin ýaqytsha oryndaý úshin jumysqa qabyldanatyn adamdardyń sany memlekettik organnyń shtat sanynyń jıyrma paıyzynan aspaýǵa tıis.

Memlekettik qyzmetshiler bolyp tabylmaıtyn mundaı adamdar men olardy ýaqytsha jumysqa qabyldaǵan memlekettik organnyń eńbek qatynastary Qazaqstan Respýblıkasynyń eńbek zańnamasymen retteledi.

Bul adamdardyń eńbekaqysynyń mólsheri Qazaqstan Respýblıkasynyń memlekettik qyzmet týraly zańnamasynda osy laýazym úshin kózdelgen shekti joǵarǵy eńbekaqy mólsherinen aspaýǵa tıis.

12. «A» korpýsynyń memlekettik ákimshilik laýazymyna taǵaıyndaý kezinde, eger Qazaqstan Respýblıkasynyń zańdarymen ózge merzim belgilenbese, bir retten artyq emes uzartý múmkindigimen ol adammen tórt jyl merzimge eńbek sharty jasalady. Eńbek sharty osy Erejege qosymshaǵa sáıkes úlgilik eńbek shartynyń negizinde jasalady.

«A» korpýsynyń ýaqytsha bos memlekettik ákimshilik laýazymyna ornalasqan jaǵdaıda eńbek sharty «A» korpýsynyń osy laýazymdy atqaratyn memlekettik ákimshilik qyzmetshisiniń ýaqytsha ornynda bolmaıtyn kezeńine jasalady.

13. «A» korpýsynyń memlekettik ákimshilik qyzmetshilermen eńbek shartyn laýazymǵa taǵaıyndaýǵa jáne laýazymnan bosatýǵa quqyǵy bar tulǵa (organ) jasasady.

Eger Qazaqstan Respýblıkasynyń Prezıdenti ózgeshe belgilemese, Qazaqstan Respýblıkasynyń Prezıdenti taǵaıyndaıtyn «A» korpýsynyń memlekettik ákimshilik qyzmetshilerimen eńbek shartyn Qazaqstan Respýblıkasy Prezıdenti Ákimshiliginiń Basshysy jasasady.

Eger Qazaqstan Respýblıkasynyń Premer-Mınıstri ózgeshe belgilemese, Qazaqstan Respýblıkasynyń Premer-Mınıstri taǵaıyndaıtyn «A» korpýsynyń memlekettik ákimshilik qyzmetshilerimen eńbek shartyn Qazaqstan Respýblıkasy Premer-Mınıstri Keńsesiniń Basshysy jasasady.

Eńbek shartynyń merzimi bitkenge deıin keminde úsh aı buryn laýazymǵa taǵaıyndaýǵa jáne laýazymnan bosatýǵa quqyǵy bar tulǵa (organ) Qazaqstan Respýblıkasy Prezıdentiniń janyndaǵy Kadr saıasaty jónindegi ulttyq komıssııanyń qaraýyna (budan ári – Ulttyq komıssııa) «A» korpýsynyń memlekettik ákimshilik qyzmetshisimen eńbek shartynyń merzimin uzartý, eńbek shartyn buzý týraly negizdelgen usynys ne «A» korpýsynyń memlekettik ákimshilik qyzmetshisin rotasııa jasaý týraly usynys engizedi.

Ulttyq komıssııa «A» korpýsynyń memlekettik ákimshilik qyzmetshisiniń memlekettik qyzmetti odan ári ótkerýi týraly ne onyń memlekettik qyzmetti toqtatýy týraly usynym shyǵarady. Ulttyq komıssııa kórsetilgen ókilettikterdi laýazymǵa taǵaıyndaýǵa jáne laýazymnan bosatýǵa quqyǵy bar tulǵaǵa (organǵa) berýge quqyly.

Eńbek sharty merziminiń bitkenine deıin tıisti sheshim bolmaǵan jaǵdaıda, Ulttyq komıssııa ne Ulttyq komıssııa ókilettigin bergen jaǵdaıda – laýazymǵa taǵaıyndaýǵa jáne laýazymnan bosatýǵa quqyǵy bar tulǵa (organ) sheshim qabyldaǵanǵa deıin «A» korpýsynyń memlekettik ákimshilik qyzmetshisi atqaratyn laýazymynda jumysyn jalǵastyrady.

Ortalyq atqarýshy organdardyń jaýapty hatshylarymen eńbek qatynastaryn uzartý týraly máseleni sheshýdi Qazaqstan Respýblıkasynyń Prezıdenti júzege asyrady.

14. Azamattardyń memlekettik qyzmetke kirýin resimdeý kezinde memlekettik organ Qazaqstan Respýblıkasynyń memlekettik qyzmet jáne sybaılas jemqorlyqqa qarsy kúres týraly zańnamasy talaptarynyń saqtalýyn qamtamasyz etedi.

15. Áskerı nemese arnaıy ataǵy bar adamdardyń basqa memlekettik organdardan issaparmen barý tártibimen memlekettik ákimshilik jáne saıası qyzmetke kirýi Qazaqstan Respýblıkasynyń zańnamalyq aktilerine sáıkes júzege asyrylady.

16. Personaldy basqarý qyzmetteri (kadr qyzmetteri) barlyq memlekettik qyzmetshilerge qyzmettik tizim ashady. Qyzmettik tizimniń nysanyn memlekettik qyzmet isteri jónindegi ýákiletti organ bekitedi.

17. Memlekettik qyzmetshilerge memlekettik organ belgilegen tártippen qyzmettik kýálik beriledi.

5. Memlekettik ákimshilik laýazymdarǵa aýysý tártibimen ornalasý

18. «B» korpýsynyń memlekettik ákimshilik qyzmetshilerin qyzmet boıynsha joǵarylatý olardyń biliktiligi, qabileti, sińirgen eńbegi, qyzmettik mindetterin adal oryndaǵany, sondaı-aq olardyń sońǵy laýazymyndaǵy qyzmetteriniń nátıjeleri eskerile otyryp júzege asyrylady.

19. «A» korpýsynyń memlekettik ákimshilik qyzmetshilerine memlekettik organnyń ishinde jáne basqa memlekettik organdardan aýysý tártibimen «B» korpýsynyń memlekettik ákimshilik laýazymdaryna ornalasýǵa ruqsat etiledi.

«B» korpýsynyń memlekettik ákimshilik qyzmetshileriniń «B» korpýsynyń memlekettik ákimshilik laýazymyna aýysý tártibimen ornalasýy:

1) olardyń aýmaqtyq bólimshelerin qosa alǵanda, memlekettik organnyń, onyń vedomstvosynyń ishinde, sondaı-aq olardyń arasynda;

2) «B» korpýsynyń memlekettik ákimshilik laýazymdarynyń A jáne V sanattarynyń toptaryna jatqyzylǵan laýazymdarǵa memlekettik organdarǵa, sondaı-aq memlekettik organdardan A jáne V sanattarynyń toptaryna jatqyzylǵan laýazymdardan basqa memlekettik organdarǵa;

3) memlekettik organdardan Qazaqstan Respýblıkasynyń shet elderdegi mekemelerine jáne kerisinshe;

4) basqa memlekettik organdardan memlekettik organdar birinshi basshylarynyń kómekshileri men keńesshileri, baspasóz hatshylary laýazymdaryna júzege asyrylady. Olardyń aýmaqtyq bólimshelerin qosa alǵanda, memlekettik organnyń, onyń vedomstvosynyń ishinde atalǵan adamdarǵa odan ári aýysýǵa ruqsat etilmeıdi.

20. «B» korpýsynyń memlekettik ákimshilik laýazymyna aýysý tártibimen ornalasý memlekettik qyzmet isteri jónindegi ýákiletti organnyń nemese onyń aýmaqtyq bólimsheleriniń kelisimimen júrgiziledi.

«B» korpýsynyń memlekettik ákimshilik qyzmetshisi «B» korpýsynyń dál sondaı, memlekettik organnyń sol qurylymdyq bólimshesindegi basqa memlekettik laýazymyna aýysqan jaǵdaıda memlekettik qyzmet isteri jónindegi ýákiletti organnyń nemese onyń aýmaqtyq bólimshesiniń kelisimi talap etilmeıdi.

Memlekettik qyzmetshige sybaılas jemqorlyq quqyq buzýshylyq jasaǵany úshin ákimshilik jaza qoldaný týraly aktiniń oryndalýy aıaqtalǵan kúnnen bastap bir jyl ishinde nemese onyń sybaılas jemqorlyq quqyq buzýshylyq jasaǵany úshin alynbaǵan tártiptik jazasy bolǵan rette, «B» korpýsynyń memlekettik ákimshilik laýazymyna aýysý tártibimen ornalasýǵa jol berilmeıdi.

21. «B» korpýsynyń bos memlekettik ákimshilik laýazymy bar memlekettik organ memlekettik ákimshilik qyzmetshini aýysý tártibimen taǵaıyndaýǵa kelisim alý úshin memlekettik qyzmet isteri jónindegi ýákiletti organǵa nemese onyń aýmaqtyq bólimshesine mynadaı qujattardy:

1) memlekettik ákimshilik qyzmetshiniń tıisti laýazymǵa aýysý tártibimen ornalasýǵa ótinishti;

2) personaldy basqarý qyzmeti (kadr qyzmeti) kýálandyrǵan toltyrylǵan qyzmettik tizimdi tabys etedi.

22. Memlekettik qyzmet isteri jónindegi ýákiletti organ ne onyń aýmaqtyq bólimshesi tabys etilgen qujattardyń negizinde bes jumys kúni ishinde mynadaı sheshimderdiń birin qabyldaıdy:

1) taǵaıyndaýǵa kelisim beredi;

2) kelisim berýden bas tartady.

23. Memlekettik ákimshilik qyzmetshiniń qoıylatyn biliktilik talaptaryna, Qazaqstan Respýblıkasynyń memlekettik qyzmet týraly zańnamasynyń talaptaryna sáıkes kelmeýi, osy Erejeniń 21-tarmaǵynda kórsetilgen qujattardy tabys etpeýi nemese tolyq tabys etpeýi kelisim berýden bas tartý úshin negizder bolyp tabylady.

6. Memlekettik ákimshilik qyzmetshilerdiń synaq merzimi

24. Synaq merzimin belgilegen jaǵdaılarda memlekettik ákimshilik qyzmetshiniń ózine júktelgen laýazymdyq mindetterin tıisinshe atqarýǵa qabiletsizdigi synaq nátıjelerin qanaǵattanǵysyz dep taný úshin negiz bolyp tabylady.

Memlekettik ákimshilik qyzmetshiniń laýazymdyq mindetterin atqarýǵa qabiletsizdigin rastaıtyn barlyq faktilerdi, sondaı-aq materıaldar men qujattardy personaldy basqarý qyzmeti (kadr qyzmeti) jazbasha tirkeıdi jáne jınaqtaıdy, olar synaq nátıjeleri týraly usynysta kórsetiledi.

25. Synaq merzimin ótkerýshi memlekettik ákimshilik qyzmetshilerge Qazaqstan Respýblıkasynyń memlekettik qyzmet týraly zańnamasy qoldanylady.

7. Eńbek qatynastarynyń týyndaýy jáne eńbek tártibi

26. Memlekettik ákimshilik qyzmetshi onyń taǵaıyndalýy týraly aktide kórsetilgen kúnnen bastap qyzmette turady dep esepteledi.

27. Memlekettik organnyń beıindi qyzmetine sáıkes keletin mamandyq boıynsha bilim uıymynda oqyp jatqan memlekettik ákimshilik qyzmetshige memlekettik organnyń qyzmetkerlerin laýazymdarǵa taǵaıyndaý jáne laýazymdardan bosatý quqyǵy bar tulǵanyń sheshimimen Qazaqstan Respýblıkasy zańnamasynyń talaptaryna sáıkes oqý demalysy beriledi.

28. Memlekettik ákimshilik qyzmetshini memlekettik tapsyrys negizinde qaıta daıarlaýǵa jáne biliktiligin arttyrýǵa jibergende, oǵan Qazaqstan Respýblıkasynyń zańnamasynda kózdelgen issapar kezindegi kepildikter men ótemaqylar qoldanylady.

29. Memleketik organ memlekettik qyzmetshini memlekettik tapsyrys sheńberinde joǵary oqý ornynan keıingi bilim baǵdarlamalary boıynsha oqýǵa jibergen jaǵdaıda oǵan jalaqysy saqtalmaıtyn demalys beriledi jáne onyń jumys orny (laýazymy) saqtalady.

Oqý merzimi joǵary oqý ornynan keıingi tıisti bilim baǵdarlamalarynda belgilenedi.

Eger Qazaqstan Respýblıkasynyń zańnamasynda ózgeshe kózdelmese, memlekettik qyzmetshi oqý bitirgennen keıin keminde úsh jyl memlekettik qyzmette eńbek qyzmetin atqarady. Bul rette, oqý bitirgennen keıin memlekettik qyzmetshi keminde bir jyl tikeleı ózin oqýǵa jibergen memlekettik organda eńbek qyzmetin atqarady.

Memlekettik qyzmette jáne oqýdy bitirgennen keıin memlekettik organda jumysyn óteýdiń jaǵdaıy, sondaı-aq memlekettik qyzmetshiniń óziniń mindettemelerin oryndamaǵany úshin jaýapkershiligi tıisti oqytý shartynda kózdeledi.

Oqýdy bitirgennen keıin memlekettik organǵa qaıtýy sátine, sondaı-aq jumysyn óteýi kezeńinde memlekettik qyzmetshi zeınetkerlik jasqa jetken jaǵdaıda Zańǵa sáıkes onyń memlekettik qyzmette bolý merzimin uzartýǵa ruqsat etiledi.

30. Memlekettik tapsyrys negizinde Qazaqstan Respýblıkasynyń Prezıdenti janyndaǵy Memlekettik basqarý akademııasynyń Memlekettik saıasat ulttyq mektebine «B» korpýsynyń memlekettik ákimshilik qyzmetshisin oqýǵa jibergen memlekettik organ, memlekettik ákimshilik qyzmetshi oqýdy bitirgen kúninen bastap ony úsh aı ishinde memlekettik organdaǵy «B» korpýsynyń bos joǵary memlekettik ákimshilik laýazymyna taǵaıyndaý jóninde sharalar qabyldaıdy.

Osy tarmaqtyń birinshi bóliminde atalǵan merzim ishinde bos joǵary laýazym bolmaǵan jaǵdaıda memlekettik organ bir jyl ishinde taǵaıyndaý boıynsha joǵaryda kórsetilgen sharalardy qabyldaıdy.

Memlekettik qyzmetshi usynylǵan laýazymnan bas tartqan jaǵdaıda ol Qazaqstan Respýblıkasynyń Prezıdenti janyndaǵy Memlekettik basqarý akademııasynyń Ulttyq memlekettik saıasat mektebine oqýǵa jiberilgenge deıin atqarǵan laýazymynda jumysyn jalǵastyrady.

31. Memlekettik qyzmetshilerdi qaıta daıarlaýdyń jáne biliktiligin arttyrýdyń memlekettik baǵdarlamalary boıynsha memlekettik tapsyrys negizinde oqý bitirgen adamdardyń memlekettik qyzmet ótkerýine monıtorıng júrgizýdi memlekettik qyzmet isteri jónindegi ýákiletti organ júzege asyrady.

32. Memlekettik qyzmetshi taǵylymdamaǵa jiberilgen jaǵdaıda onyń jumys orny (laýazymy) jáne jalaqysy saqtalady.

33. Qazaqstan Respýblıkasynyń zańnamasyna sáıkes memlekettik qyzmetshilerdi merzimdi áskerı qyzmetke shaqyrǵan jaǵdaıda, olarǵa jalaqysy saqtalmaıtyn demalys beriledi jáne olardyń jumys orny (laýazym) saqtalady.

8. Memlekettik qyzmet ótili

34. Saıası jáne ákimshilik qyzmetshilerdiń laýazymdyq aılyqaqysyn aıqyndaý maqsatynda olar úshin memlekettik qyzmet ótili Qazaqstan Respýblıkasynyń Prezıdenti belgilegen tártipte esepteledi.

35. Eńbekaqy tóleýdiń tarıftik-biliktilik kestesine sáıkes laýazymdyq aılyqaqy alýǵa quqyq beretin ótilge memlekettik qyzmette bolǵan barlyq ýaqyt engiziledi.

36. Laýazymdyq aılyqaqy belgileýge quqyq beretin jumys ótilin esepteý úshin, sondaı-aq myna:

1) teris sebeptermen qyzmetten shyǵarylǵandardy qospaǵanda, Qazaqstan Respýblıkasy men burynǵy KSRO-nyń Qarýly Kúshterindegi, ishki, shekara áskerlerindegi, basqarý organdaryndaǵy jáne azamattyq qorǵanys bólimderindegi, Qazaqstan Respýblıkasynyń Ulttyq qaýipsizdik komıteti men burynǵy KSRO Memlekettik qaýipsizdik komıteti organdarynyń júıesindegi, Qazaqstan Respýblıkasy Prezıdentiniń Kúzet qyzmetindegi jáne Qazaqstan Respýblıkasynyń Respýblıkalyq ulanyndaǵy serjant pen ofıserlik quramdaǵy adamdardyń, praporshıkterdiń, mıchmandardyń, merzimnen tys qyzmet áskerı qyzmetshileriniń mindetti áskerı qyzmet ótkergen;

2) teris sebeptermen qyzmetten shyǵarylǵandardy qospaǵanda, basshy quramdaǵy adamdardyń Qazaqstan Respýblıkasy men burynǵy KSRO-nyń ishki ister, qarjy polısııasy organdary júıesinde qyzmet, prokýratýra organdarynda qyzmet ótkergen, sýdıa laýazymynda jáne sot apparattarynda jaýapty laýazymdarda, Qazaqstan Respýblıkasynyń burynǵy Memlekettik tergeý komıtetinde basshy quramdaǵy laýazymdarda jumys atqarǵan;

3) eńbek sińirgen jyldary úshin ústeme aqy alýǵa quqyq beretin laýazymdardaǵy, Qazaqstan Respýblıkasy men burynǵy KSRO-nyń sottaryndaǵy, prokýratýra, ishki ister, qarjy polısııasy organdaryndaǵy, KSRO memlekettik qaýipsizdik, Qazaqstan Respýblıkasynyń Ulttyq qaýipsizdik jáne burynǵy Memlekettik tergeý komıteti organdaryndaǵy jumys istegen;

4) memlekettik qyzmette turǵan adamdardyń bala bir jarym jasqa tolǵanǵa deıin ony kútýge beriletin ishinara aqy tólenetin demalysy men bala úsh jasqa tolǵanǵa deıin ony kútýge beriletin jalaqysy saqtalmaıtyn qosymsha demalysynyń, sondaı-aq jalaqysy saqtalmaıtyn basqa da aqysyz demalys túrleriniń;

5) KSRO Memlekettik banki men Qazaqstan Respýblıkasynyń Ulttyq Banki júıesindegi jumys;

6) eger shetelge jibererdiń aldynda qyzmetshi memlekettik qyzmette bolsa jáne shetelden qaıtyp kelgen kúnnen bastap eki aı merzim ishinde, kóship kelý ýaqytyn eseptemegende, memlekettik qyzmetke kirse, memlekettik organdar men memlekettik uıymdardyń joldamasy boıynsha sheteldegi jumys;

7) 1992 jyldyń 1 qańtaryna deıin Qazaq KSR men Qazaqstan Respýblıkasynyń partııa, kásipodaq jáne komsomol organdarynda saılanbaly jáne ózge de jaýapty laýazymdardaǵy jumys;

8) sońǵy memlekettik uıymdaǵy basshy laýazymdardaǵy nemese memlekettik qyzmet mamandyqtarymen birdeı mamandyqtar boıynsha laýazymdardaǵy jumys;

9) eger osy laýazymdar Qazaqstan Respýblıkasynyń zańnamasyna sáıkes memlekettik qyzmetshiler laýazymdaryna jatqyzylǵan bolsa, memlekettik organdar men olardyń apparattaryna tehnıkalyq qyzmet kórsetken jáne olardyń jumys isteýin qamtamasyz etken qyzmetkerler laýazymdaryndaǵy jumys;

10) eger qyzmetshi jiberilgenge deıin memlekettik qyzmette bolsa, Qazaqstan Respýblıkasy memlekettik organdarynyń joldamasy boıynsha halyqaralyq uıymdardaǵy nemese basqa memleketterdegi jumys;

11) kadrlardy daıarlaý, qaıta daıarlaý jáne olardyń biliktiligin arttyrý jónindegi kýrstarda jumystan qol úzip oqý, sondaı-aq qyzmetshi oqýǵa túskenge deıin memlekettik qyzmette bolsa jáne ony bitirgen soń memlekettik qyzmetke qaıtyp kelse, memlekettik organdar men uıymdardyń joldamasy boıynsha shetelde oqý;

12) Qazaqstan Respýblıkasynyń Parlamenti depýtatynyń, sondaı-aq turaqty negizde jumys isteıtin máslıhat depýtatynyń ókilettigin júzege asyrý;

13) memlekettik organnyń qurylýy kezinde, sondaı-aq arnaıy tekseristiń nátıjelerin alǵanǵa deıingi bos memlekettik ákimshilik laýazymmen kózdelgen mindetterdi ýaqytsha atqarǵan adamdardyń jumys ýaqyty qosylady.

37. Memlekettik qyzmettegi jumys stajy, sondaı-aq osy Erejege sáıkes qyzmet ótkergen jyldaryna sanalatyn ýaqyt kúntizbelik sanaý arqyly esepke alynady.

38. Kúntizbelik aı ishinde laýazymdyq jalaqysyn kóterý quqyǵy týyndaǵan qyzmetshilerge ótilin eskere otyryp laýazymdyq jalaqysyn esepteý osy quqyq týyndaǵan kúnnen bastap júzege asyrylady.

39. Memlekettik qyzmet ótilin quramy memlekettik organnyń qyzmetkerlerin laýazymdarǵa taǵaıyndaýǵa jáne laýazymdardan bosatýǵa quqyǵy bar tulǵa (organ) bekitetin eńbek ótilin belgileý jónindegi komıssııa aıqyndaıdy.

Memlekettik qyzmet ótilin belgileý jónindegi komıssııanyń sheshimi hattamamen resimdeledi. Hattamanyń kóshirmesi býhgalterııaǵa beriledi. Personaldy basqarý qyzmeti (kadr qyzmeti) memlekettik qyzmetshiniń talap etýi boıynsha oǵan komıssııa sheshiminiń úzindisin beredi jáne ony rastaıdy.

40. Memlekettik qyzmet ótilin aıqyndaý úshin eńbek kitapshasy nemese qyzmettik tizim negizgi qujat bolyp tabylady. Eńbek kitapshasy, qyzmettik tizim bolmaǵan rette, sondaı-aq qajetti jazba bolmaǵan ne jumys kezeńderi týraly qate nemese dál emes jazbalar bolǵan jaǵdaıda eńbek ótilin rastaýǵa eńbek sharty, jumys berýshiniń aktilerinen úzindi kóshirmeler, qyzmetkerlerge jalaqy tóleý vedomosynan úzindi kóshirmeler, aýdarylǵan mindetti zeınetaqy jarnalary týraly jınaqtaýshy zeınetaqy qorynan úzindi kóshirmeler, júrgizilgen áleýmettik aýdarymdar týraly Memlekettik áleýmettik saqtandyrý qorynan málimetter, qyzmetkerdiń eńbek qyzmeti týraly málimetter qamtylǵan muraǵattyq anyqtama qabyldanady. Memlekettik qyzmet ótilin kýálardyń aıǵaqtarymen rastaý Qazaqstan Respýblıkasynyń zańnamasynda belgilengen tártippen júzege asyrylady.

9. Memlekettik ákimshilik qyzmetshilerdiń memlekettik qyzmetti toqtatýy

41. Basqarý qurylymyn ózgertý, laýazymdardy qaıta ataý jaǵdaılary, is júzinde sany qysqartylmaı jáne (nemese) eńbek jaǵdaılary eleýli ózgertilmeı memlekettik organnyń shtatyn qysqartý memlekettik ákimshilik qyzmetshilerdiń memlekettik qyzmetti toqtatýy úshin negizder bolyp tabylmaıdy.

Mundaı jaǵdaıda memlekettik ákimshilik qyzmetshiler buryn bolǵan laýazymyndaǵy eńbek jaǵdaılaryna sáıkes keletin (tolyq nemese eleýli bóliginde) jańa shtat kestesi boıynsha laýazymdarda jumysyn jalǵastyra beredi.

42. «A» korpýsynyń memlekettik ákimshilik qyzmetshilermen eńbek shartyn buzýdyń jáne olardyń memlekettik qyzmetti toqtatýynyń negizderi:

1) osy Erejeniń 13-tarmaǵyndaǵy jaǵdaılardy qospaǵanda, eńbek sharty merziminiń ótýi;

2) Qazaqstan Respýblıkasynyń zańnamasynda belgilengen jaǵdaılarda, Ulttyq komıssııa usynymynyń negizinde, onyń ishinde áńgimelesý; memlekettik organdar júrgizgen baǵalaý materıaldaryn qaraý; tártiptik isterdiń nátıjeleri boıynsha qabyldanatyn laýazymǵa taǵaıyndaýǵa jáne laýazymnan bosatýǵa quqyǵy bar tulǵanyń (organnyń) sheshimi;

3) Zańda kózdelgen ózge de negizder bolyp tabylady.

10. Memlekettik qyzmetti ótkerýdiń ózge de máseleleri

43. Memlekettik organdar bos memlekettik ákimshilik laýazymdar týraly aqparatty bos laýazymdar paıda bolǵan kúnnen bastap úsh jumys kúniniń ishinde ózderiniń ınternet-resýrstaryna ornalastyrady.

44. Qazaqstan Respýblıkasy Prezıdentiniń Ákimshiligimen kelise otyryp memlekettik qyzmet isteri jónindegi ýákiletti organ bekitken memlekettik organdardyń personaldy basqarý qyzmeti (kadr qyzmeti) týraly úlgilik erejeniń negizinde memlekettik organdar personaldy basqarý qyzmeti (kadr qyzmeti) týraly ereje ázirleıdi jáne bekitedi.

45. Memlekettik qyzmetshi ózi atqaratyn laýazymy «A» korpýsynyń memlekettik ákimshilik laýazymyna qaıta ózgertilgen jaǵdaıda osy Erejeniń 13-tarmaǵynda kórsetilgen tulǵamen jasalatyn eńbek shartynyń negizinde, myna oqıǵalardyń bireýi bastalǵan merzimge deıin:

1) Qazaqstan Respýblıkasynyń zańnamasynda belgilengen tártipte osy Erejeniń 46-tarmaǵynda kórsetilgen merzim ishinde osy laýazymǵa ornalasqanǵa deıin;

2) osy Erejeniń 46-tarmaǵynda kórsetilgen merzim ótkenge deıin – eger osy laýazymǵa Qazaqstan Respýblıkasynyń zańnamasynda belgilengen tártipte ornalaspaǵan jaǵdaıda, osy laýazymdaǵy jumysyn jalǵastyrady.

46. Ulttyq komıssııa memlekettik laýazymdar «A» korpýsynyń memlekettik ákimshilik laýazymdaryna qaıta ózgertilgen kúnnen bastap alty aıdyń ishinde Qazaqstan Respýblıkasynyń zańnamasynda belgilengen tártipte «A» korpýsynyń memlekettik ákimshilik qyzmetiniń kadr rezervine irikteý júrgizedi.