Qazaqstan Respýblıkasy Prezıdentiniń Jarlyǵy № 525
Sársenbi, 27 naýryz 2013 1:41
«Memlekettik qyzmettiń kadr rezervi týraly» Qazaqstan Respýblıkasy Prezıdentiniń 2003 jylǵy 4 jeltoqsandaǵy №1243 Jarlyǵyna ózgerister engizý týraly
«Memlekettik qyzmet týraly» 1999 jylǵy 23 shildedegi Qazaqstan Respýblıkasy Zańynyń 14-babyn iske asyrý maqsatynda QAÝLY ETEMIN:
1. «Memlekettik qyzmettiń kadr rezervi týraly» Qazaqstan Respýblıkasy Prezıdentiniń 2003 jylǵy 4 jeltoqsandaǵy № 1243 Jarlyǵyna (Qazaqstan Respýblıkasynyń PÚAJ-y, 2003 j., № 47, 524-qujat; 2004 j., № 21, 265-qujat; 2006 j., № 1, 1-qujat; 2007 j., № 43, 499-qujat; 2008 j., № 20, 182-qujat; № 42, 465-qujat) mynadaı ózgerister engizilsin:
2-tarmaq alyp tastalsyn;
joǵaryda atalǵan Jarlyqpen bekitilgen Memlekettik qyzmettiń kadr rezervi týraly ereje osy Jarlyqqa qosymshaǵa sáıkes jańa redaksııada jazylsyn.
Sársenbi, 27 naýryz 2013 1:41
«Memlekettik qyzmettiń kadr rezervi týraly» Qazaqstan Respýblıkasy Prezıdentiniń 2003 jylǵy 4 jeltoqsandaǵy №1243 Jarlyǵyna ózgerister engizý týraly
«Memlekettik qyzmet týraly» 1999 jylǵy 23 shildedegi Qazaqstan Respýblıkasy Zańynyń 14-babyn iske asyrý maqsatynda QAÝLY ETEMIN:
1. «Memlekettik qyzmettiń kadr rezervi týraly» Qazaqstan Respýblıkasy Prezıdentiniń 2003 jylǵy 4 jeltoqsandaǵy № 1243 Jarlyǵyna (Qazaqstan Respýblıkasynyń PÚAJ-y, 2003 j., № 47, 524-qujat; 2004 j., № 21, 265-qujat; 2006 j., № 1, 1-qujat; 2007 j., № 43, 499-qujat; 2008 j., № 20, 182-qujat; № 42, 465-qujat) mynadaı ózgerister engizilsin:
2-tarmaq alyp tastalsyn;
joǵaryda atalǵan Jarlyqpen bekitilgen Memlekettik qyzmettiń kadr rezervi týraly ereje osy Jarlyqqa qosymshaǵa sáıkes jańa redaksııada jazylsyn.
2. Osy Jarlyq alǵashqy resmı jarııalanǵan kúninen bastap, biraq 2013 jylǵy 26 naýryzdan erte emes, qoldanysqa engiziledi.
Qazaqstan Respýblıkasynyń Prezıdenti
N.NAZARBAEV.
Astana, Aqorda, 2013 jylǵy 22 naýryz
№ 525
Qazaqstan Respýblıkasy Prezıdentiniń 2013 jylǵy 22 naýryzdaǵy № 525 Jarlyǵymen bekitilgen
Memlekettik qyzmettiń kadr rezervi týraly ereje
Memlekettik qyzmettiń kadr rezervi týraly osy ereje memlekettik ákimshilik qyzmettiń kadr rezervin qalyptastyrý jáne onymen jumysty uıymdastyrý tártibin reglamentteıdi.
1. «A» korpýsynyń memlekettik ákimshilik qyzmetiniń kadr rezervi
1. «A» korpýsynyń memlekettik ákimshilik qyzmetiniń kadr rezervi (budan ári – «A» korpýsynyń kadr rezervi) – «A» korpýsynyń bos memlekettik laýazymdaryna ornalasýǵa úmitker Qazaqstan Respýblıkasy azamattarynyń Qazaqstan Respýblıkasynyń zańnamasynda belgilengen tártippen qalyptastyrylǵan júıelengen tizimi.
«A» korpýsynyń kadr rezervin memlekettik qyzmet isteri jónindegi ýákiletti organ «A» korpýsynyń kadr rezervine alý úshin Qazaqstan Respýblıkasynyń Prezıdenti janyndaǵy Kadr saıasaty jónindegi ulttyq komıssııa (budan ári – Ulttyq komıssııa) usynym bergen azamattar qatarynan qalyptastyrady.
2. Laýazymynan bosatylǵan «A» korpýsynyń memlekettik ákimshilik qyzmetshisi bosatylǵan kúninen bastap bir jylǵa Ulttyq komıssııanyń sheshimi boıynsha kadr rezervine alynady. Laýazymynan teris sebeptermen bosatylǵan «A» korpýsynyń memlekettik ákimshilik qyzmetshisi kadr rezervine alynbaıdy.
3. «A» korpýsynyń kadr rezervine irikteý jáne «A» korpýsynyń bos laýazymdaryna ornalasýǵa konkýrstyq irikteý Qazaqstan Respýblıkasynyń Prezıdenti aıqyndaıtyn tártippen júzege asyrylady.
4. Laýazymdary «A» korpýsynyń memlekettik ákimshilik laýazymdaryna ózgertilgen memlekettik qyzmetshiler «A» korpýsynyń kadr rezervine Qazaqstan Respýblıkasynyń Prezıdenti bekitetin Memlekettik qyzmet ótkerý tártibi týraly erejede aıqyndalatyn tártippen, Ulttyq komıssııanyń sheshimi boıynsha alynady.
5. «A» korpýsynyń kadr rezervinen shyǵarý úshin:
1) «A» korpýsynyń kadr rezervine alynǵan adamnyń ótinish berýi;
2) osy Erejeniń 2-tarmaǵynda kózdelgen jaǵdaılardy qospaǵanda, «A» korpýsynyń kadr rezervine alynǵan kúninen bastap eki jyl ótýi;
3) «A» korpýsynyń rezervshisiniń kórineý jalǵan málimet bergenin jáne qujattardy burmalaǵanyn aıǵaqtaıtyn faktilerdiń anyqtalýy;
4) «A» korpýsynyń kadr rezervine alý týraly sheshim qabyldaý sátinde beımálim bolǵan nemese oryn almaǵan, Qazaqstan Respýblıkasynyń zańnamasyna sáıkes azamattardyń memlekettik qyzmette bolýyn shekteıtin negizderdiń týyndaýy;
5) memlekettik ákimshilik qyzmetshiler atqaratyn laýazymynan teris sebepter boıynsha bosatylǵan;
6) Qazaqstan Respýblıkasynyń zańnamasynda kózdelgen jaǵdaılarda, onyń ishinde tártiptik isterdi, memlekettik organdar ótkizgen baǵalaý materıaldaryn qaraý nátıjeleri boıynsha Ulttyq komıssııanyń usynymdary negiz bolyp tabylady.
2. «B» korpýsynyń memlekettik ákimshilik qyzmetiniń kadr rezervi
2.1. Jalpy erejeler
6. «B» korpýsynyń memlekettik ákimshilik qyzmetiniń kadr rezervi (budan ári – «B» korpýsynyń kadr rezervi) – «B» korpýsynyń bos memlekettik laýazymdaryna ornalasýǵa úmitker Qazaqstan Respýblıkasy azamattarynyń Qazaqstan Respýblıkasynyń zańnamasynda belgilengen tártippen qalyptastyrylǵan júıelengen tizimi.
7. Memlekettik qyzmet isteri jónindegi ýákiletti organ jáne onyń aýmaqtyq organdary «B» korpýsynyń kadr rezervine alý týraly sheshim qabyldaǵan sátten bastap, rezervke alý týraly ótinish bergen azamat «B» korpýsynyń kadr rezervinde turatyn adam (budan ári – rezervshi) mártebesine ıe bolady. Memlekettik ákimshilik qyzmettiń kadr rezervinde turý bir jyldan uzaqqa sozylmaıdy.
Rezervshilerdi «B» korpýsynyń memlekettik ákimshilik qyzmeti laýazymdarynyń tıisti nemese tómengi sanaty laýazymyna taǵaıyndaý laýazymdar sanattarynyń bir toby sheginde júzege asyrylady.
Rezervshilerdi taǵaıyndaý «B» korpýsynyń kadr rezervine alynǵan kúninen bastap bir jyl ishinde ózderiniń kelisimimen jáne biliktilik talaptaryna saı bolǵanda júzege asyrylady.
8. «B» korpýsynyń kadr rezervin memlekettik qyzmet isteri jónindegi ýákiletti organ jáne onyń aýmaqtyq organdary:
1) konkýrstyq irikteýge qatysqan jáne memlekettik organnyń konkýrstyq komıssııasy kadr rezervine alý úshin usynym bergen;
2) Qazaqstan Respýblıkasy Prezıdentiniń janyndaǵy bilim berý uıymdarynda memlekettik tapsyrys negizinde joǵary oqý ornynan keıingi bilim baǵdarlamalary boıynsha oqýdan ótken;
3) Shetelde kadrlar daıarlaý jónindegi respýblıkalyq komıssııa aıqyndaıtyn basym mamandyqtar boıynsha sheteldiń joǵary oqý oryndaryn aıaqtaǵan;
4) memlekettik organdar halyqaralyq uıymdarǵa nemese basqa memleketterge jumysqa jibergen azamattardyń qatarynan qalyptastyrady.
9. «B» korpýsynyń kadr rezervi Memlekettik qyzmetshiler laýazymdarynyń tizilimine sáıkes «B» korpýsynyń memlekettik ákimshilik laýazymdarynyń árbir sanaty úshin qalyptastyrylady.
10. «B» korpýsynyń kadr rezervine alý azamattardyń óziniń erikti qalaýy negizinde, osy Erejede belgilengen tártippen memlekettik qyzmet isteri jónindegi ýákiletti organnyń nemese onyń aýmaqtyq organdarynyń sheshimimen júzege asyrylady.
11. Rezervshi jónindegi derekterdi memlekettik qyzmet isteri jónindegi ýákiletti organ jáne onyń aýmaqtyq organdary júıelengen tizimge engizedi jáne memlekettik qyzmet isteri jónindegi ýákiletti organ bekitken tıisti tirkeý nysandaryn toltyrady.
12. Memlekettik organnyń konkýrstyq komıssııasynyń usynymy boıynsha «B» korpýsynyń kadr rezervine alynǵan rezervshi konkýrstyq komıssııasy ony alýǵa usynǵan memlekettik organǵa ǵana «B» korpýsynyń kadr rezervinen konkýrstan tys tártipte taǵaıyndalady.
Rezervshiniń zańnamada belgilengen tártippen «B» korpýsynyń memlekettik ákimshilik qyzmetiniń bos laýazymyna ornalasýǵa konkýrsqa qatysý quqyǵy saqtalady.
13. Memlekettik qyzmet isteri jónindegi ýákiletti organnyń jáne onyń aýmaqtyq organdarynyń rezervshi biliktilik talaptaryna saı bolǵan jaǵdaıda óz ótinishi boıynsha ony laýazymdar sanatynyń bir toby sheginde tómengi sanattaǵy laýazymdarǵa ornalasý úshin «B» korpýsynyń kadr rezervine aýystyrýǵa quqyǵy bar.
14. «B» korpýsynyń kadr rezervimen jumysty uıymdastyrý memlekettik qyzmet isteri jónindegi ýákiletti organǵa jáne onyń aýmaqtyq organdaryna júkteledi.
15. Memlekettik qyzmet isteri jónindegi ýákiletti organ men onyń aýmaqtyq organdarynyń «B» korpýsynyń kadr rezervimen jumysty uıymdastyrý jónindegi ózara is-qımyl tártibin memlekettik qyzmet isteri jónindegi ýákiletti organ aıqyndaıdy.
2.2. «B» korpýsynyń kadr rezervin konkýrstyq irikteýge qatysqan azamattar qatarynan qalyptastyrý
16. «B» korpýsynyń kadr rezervine alý úshin memlekettik organnyń konkýrstyq komıssııasy usynǵan azamattar «B» korpýsynyń kadr rezervine konkýrs jarııalanǵan laýazym sanaty boıynsha alynady.
«B» korpýsynyń kadr rezervine alý týraly memlekettik organnyń konkýrstyq komıssııasy usynymdary árbir bos laýazym úshin bir kandıdattan artyq bolmaıtyndaı etip shyǵarylady.
Eger konkýrstyń nátıjesinde bos laýazymǵa ornalasýǵa kandıdat anyqtalmasa, konkýrsqa qatysýshylardyń eshqaısysyna «B» korpýsynyń kadr rezervine alý úshin usynym berilmeıdi.
17. «B» korpýsynyń kadr rezervine alý týraly usynym úshin negizder konkýrsqa qatysýshynyń bos laýazym úshin qoıylatyn biliktilik talaptaryna sáıkestigi, shekti mándi qanaǵattandyratyn testileý kórsetkishteri men memlekettik organnyń konkýrstyq komıssııasy júrgizgen áńgimelesýdiń nátıjeleri bolyp tabylady.
18. «B» korpýsynyń kadr rezervine alý úshin usynym jasaý týraly sheshimdi memlekettik organnyń konkýrstyq komıssııasy daýys berý arqyly qabyldaıdy.
19. Memlekettik organnyń konkýrstyq komıssııasynyń sheshimi, eger otyrysqa onyń quramynyń keminde úshten ekisi qatysqan jáne memlekettik organnyń konkýrstyq komıssııasynyń qatysyp otyrǵan músheleriniń kópshiligi ony qoldap daýys bergen bolsa, zańdy dep esepteledi. Komıssııa músheleriniń qatysýy aýysý quqyǵynsyz júzege asady.
Komıssııa músheleriniń syrttaı daýys berýine ruqsat etilmeıdi.
20. «B» korpýsynyń kadr rezervine alý úshin konkýrs ótkizýshi memlekettik organ on jumys kúni ishinde memlekettik qyzmet isteri jónindegi ýákiletti organǵa jáne onyń aýmaqtyq organdaryna konkýrstyq komıssııa otyrysynyń «B» korpýsynyń kadr rezervine alýǵa usynym jasaý jónindegi hattamasynan úzindini, konkýrsqa qatysýshynyń jeke isparaǵyn jáne onyń «B» korpýsynyń kadr rezervine alynýǵa jazbasha kelisimin usynady.
21. Memlekettik qyzmet isteri jónindegi ýákiletti organ jáne onyń aýmaqtyq organdary osy Erejeniń 20-tarmaǵynda kórsetilgen qujattardy alǵannan keıin jeti jumys kúni ishinde «B» korpýsynyń kadr rezervine alý nemese mundaı alýdan bas tartý týraly sheshim qabyldaıdy. Bas tartý úshin negizder konkýrsqa qatysýshynyń osy Erejeniń 17-tarmaǵynyń talaptaryna saı bolmaýy nemese memlekettik qyzmet isteri jónindegi ýákiletti organ bekitken Memlekettik ákimshilik bos laýazymǵa ornalasýǵa konkýpc ótkizý qaǵıdalarynyń buzylýy bolyp tabylady
2.3. «B» korpýsynyń memlekettik ákimshilik qyzmetiniń kadr rezervin Qazaqstan Respýblıkasy Prezıdentiniń janyndaǵy bilim berý uıymdarynda memlekettik tapsyrys negizinde joǵary oqý ornynan keıingi bilim baǵdarlamalary boıynsha oqýdan ótken nemese basym mamandyqtar boıynsha sheteldiń joǵary oqý oryndaryn aıaqtaǵan azamattar qatarynan qalyptastyrý
22. Qazaqstan Respýblıkasy Prezıdentiniń janyndaǵy bilim berý uıymdarynda memlekettik tapsyrys negizinde joǵary oqý ornynan keıingi baǵdarlamalary boıynsha oqýdan ótken nemese basym mamandyqtar boıynsha sheteldiń joǵary oqý oryndaryn aıaqtaǵan azamattar úshin «B» korpýsynyń laýazymdary tıisti sanattarynyń kadr rezervine alyný quqyǵy oqýdy aıaqtaǵan sátten bastap týyndaıdy.
23. Osy Erejeniń 22-tarmaǵynda sanamalanǵan azamattardy «B» korpýsynyń kadr rezervine alý olar memlekettik qyzmet isteri jónindegi ýákiletti organ belgilegen tártippen testileýden ótkennen keıin júzege asyrylady.
24. Osy Erejeniń 22-tarmaǵynda atalǵan azamattar «B» korpýsynyń kadr rezervine alyný úshin memlekettik qyzmet isteri jónindegi ýákiletti organǵa nemese onyń aýmaqtyq organdaryna mynadaı qujattar usynady:
1) ótinish jáne memlekettik qyzmet isteri jónindegi ýákiletti organ belgilegen nysan boıynsha toltyrylǵan saýalnama;
2) bilimi týraly qujattardyń kóshirmeleri nemese oqýdy aıaqtaǵanyn rastaıtyn qujattardyń túpnusqalary, al sheteldiń oqý ornyn aıaqtaǵan jaǵdaıda sonymen birge bilimi týraly qujattardyń nemese oqýdy aıaqtaǵanyn rastaıtyn qujattardyń notarıat kýálandyrǵan aýdarmasy;
3) eńbek qyzmetin rastaıtyn, Qazaqstan Respýblıkasynyń zańnamasynda belgilengen qujattardyń kóshirmeleri;
4) densaýlyq saqtaý salasyndaǵy ýákiletti organ belgilegen nysandaǵy densaýlyq jaǵdaıy týraly anyqtama;
5) «B» korpýsynyń memlekettik ákimshilik qyzmeti laýazymdarynyń tıisti sanaty úshin belgilengen testileýden ótý nátıjeleri;
6) 3×4 sm kólemdegi bir fotosýret.
Azamattar salystyrýdy júzege asyrý úshin 2) jáne 3) tarmaqshalarda kórsetilgen qujattardyń túpnusqalaryn usynady, keıin qujattar azamatqa qaıtarylady.
25. Azamattar ózderiniń bilimine, jumys tájirıbesine, kásibı deńgeıi men jeke bas qasıetine qatysty qosymsha aqparat (biliktiligin arttyrý, ǵylymı dárejeler men ataqtar berilýi týraly qujattardyń kóshirmeleri, minezdemeler, usynymdar, ǵylymı jarııalanymdar) usyna alady. Eger azamat eńbek qyzmetin júzege asyrmaǵan jaǵdaıda, eńbek qyzmetin rastaıtyn qujattyń kóshirmelerin usyný talap etilmeıdi.
26. Osy Erejeniń 24-tarmaǵynda kózdelgen ótinish jáne qujattar túsken sátten bastap úsh jumys kúni ishinde memlekettik qyzmet isteri jónindegi ýákiletti organ nemese onyń aýmaqtyq organy azamatty «B» korpýsynyń memlekettik ákimshilik qyzmeti laýazymynyń tıisti sanatyna «B» korpýsynyń kadr rezervine alý nemese mundaı alýdan bas tartý týraly sheshim qabyldaıdy.
27. «B» korpýsynyń kadr rezervine alýdan bas tartý úshin negizder «B» korpýsynyń memlekettik ákimshilik laýazymynyń tıisti sanatyna qoıylatyn úlgilik biliktilik talaptaryna, Qazaqstan Respýblıkasynyń memlekettik qyzmet týraly zańnamasynyń talaptaryna saı bolmaýy, testileýde memlekettik qyzmet isteri jónindegi ýákiletti organ belgilegen shekti mánnen tómen nátıjeler alýy nemese osy Erejeniń 24-tarmaǵynda kórsetilgen qujattardyń usynylmaýy bolyp tabylady.
2.4. Memlekettik organdar halyqaralyq uıymdarǵa nemese basqa memleketterge jumysqa jibergen azamattardan memlekettik ákimshilik qyzmettiń kadr rezervin qalyptastyrý
28. Memlekettik organdar halyqaralyq uıymdarǵa nemese basqa memleketterge jumysqa jibergen azamattyń «B» korpýsynyń kadr rezervine alyný quqyǵy halyqaralyq uıymdardan nemese basqa memleketterden jumystan oralǵan sátten bastap týyndaıdy jáne qaıtyp oralǵannan keıin úsh aı ishinde saqtalady.
29. Osy Erejeniń 28-tarmaǵynda sanamalanǵan azamattardy «B» korpýsynyń kadr rezervine alý olar memlekettik qyzmet isteri jónindegi ýákiletti organ belgilegen tártippen testileýden ótkennen keıin júzege asyrylady.
30. Osy Erejeniń 28-tarmaǵynda atalǵan azamattar «B» korpýsynyń kadr rezervine alyný úshin memlekettik qyzmet isteri jónindegi ýákiletti organǵa nemese onyń aýmaqtyq organyna mynadaı qujattar usynady:
1) ótinish jáne memlekettik qyzmet isteri jónindegi ýákiletti organ belgilegen nysan boıynsha toltyrylǵan saýalnama;
2) bilimi týraly qujattardyń kóshirmeleri nemese oqýdy aıaqtaǵanyn rastaıtyn qujattardyń túpnusqalary, al sheteldiń oqý ornyn aıaqtaǵan jaǵdaıda sonymen birge bilimi týraly qujattardyń nemese oqýdy aıaqtaǵanyn rastaıtyn qujattardyń notarıat kýálandyrǵan aýdarmasy;
3) eńbek qyzmetin rastaıtyn, Qazaqstan Respýblıkasynyń zańnamasynda belgilengen qujattardyń kóshirmeleri;
4) densaýlyq saqtaý salasyndaǵy ýákiletti organ belgilengen nysandaǵy densaýlyq jaǵdaıy týraly anyqtama;
5) «B» korpýsynyń memlekettik ákimshilik qyzmeti laýazymdarynyń tıisti sanaty úshin belgilengen testileýden ótý nátıjeleri;
6) 3×4 sm kólemdegi bir fotosýret.
Azamattar salystyrýdy júzege asyrý úshin 2) jáne 3) tarmaqshalarda kórsetilgen qujattardyń túpnusqalaryn usynady, keıin qujattar azamatqa qaıtarylady.
31. Azamattar ózderiniń bilimine, jumys tájirıbesine, kásibı deńgeıi men jeke bas qasıetine qatysty qosymsha aqparat (biliktiligin arttyrý, ǵylymı dárejeler men ataqtar berilýi týraly qujattardyń kóshirmeleri, minezdemeler, usynymdar, ǵylymı jarııalanymdar) usyna alady.
32. Osy Erejeniń 30-tarmaǵynda kózdelgen ótinish jáne qujattar túsken sátten bastap úsh jumys kúni ishinde memlekettik qyzmet isteri jónindegi ýákiletti organ nemese onyń aýmaqtyq organy «B» korpýsynyń memlekettik ákimshilik qyzmeti laýazymdarynyń tıisti sanatyna «B» korpýsynyń kadr rezervine alý nemese mundaı alýdan bas tartý týraly sheshim qabyldaıdy.
33. «B» korpýsynyń kadr rezervine alýdan bas tartý úshin negizder «B» korpýsynyń memlekettik ákimshilik laýazymdarynyń tıisti sanatyna qoıylatyn úlgilik biliktilik talaptaryna, Qazaqstan Respýblıkasynyń memlekettik qyzmet týraly zańnamasynyń talaptaryna saı bolmaýy, testileýde memlekettik qyzmet isteri jónindegi ýákiletti organ belgilegen shekti mánnen tómen nátıjeler alýy nemese osy Erejeniń 30-tarmaǵynda kórsetilgen qujattardyń usynylmaýy bolyp tabylady.
2.5. «B» korpýsynyń kadr rezervine alynǵan azamattardyń memlekettik ákimshilik laýazymdarǵa ornalasýy
34. Bos memlekettik ákimshilik laýazym bar memlekettik organ konkýrs ótkizgenge deıin tıisti sanatqa rezervshilerdiń tizimin berý týraly memlekettik qyzmet isteri jónindegi ýákiletti organǵa nemese onyń aýmaqtyq organyna suratý joldaıdy. Suratý memlekettik qyzmet isteri jónindegi ýákiletti organ bekitken nysanda joldanady.
35. Memlekettik qyzmet isteri jónindegi ýákiletti organ nemese onyń aýmaqtyq organy suratýdy alǵan kúnnen bastap úsh jumys kúni ishinde memlekettik ákimshilik qyzmet laýazymdarynyń suratylǵan sanatyna qoıylatyn biliktilik talaptaryna saı keletin rezervshilerdiń tizbesin joldaıdy.
36. Memlekettik organ rezervshimen áńgimelesý ótkizedi.
Memlekettik organ rezervshilerge áńgimelesý ótkizý orny men ýaqyty týraly ony ótkizgenge deıingi bes jumys kúninen keshiktirmeı habarlaıdy, «B» korpýsynyń memlekettik ákimshilik qyzmetiniń atalǵan laýazymynyń fýnksıonaldyq mindetterine sáıkes keletin suraqtar tizbesin bekitedi.
37. Memlekettik organ bos memlekettik ákimshilik laýazymǵa rezervshini ornalastyrý týraly sheshim qabyldaý kezinde osy memlekettik organnyń konkýrstyq komıssııasynyń usynymy boıynsha «B» korpýsynyń kadr rezervine buryn alynǵan adamdardyń kandıdatýralaryn birinshi kezekte qaraıdy.
Atalǵan memlekettik organnyń konkýrstyq komıssııasynyń usynymy boıynsha kadr rezervine alynǵan rezervshi bos memlekettik ákimshilik laýazymǵa memlekettik organ belgilegen biliktilik talaptaryna sáıkes kelgen jaǵdaıda, memlekettik organ osy rezervshini laýazymǵa qabyldaýǵa mindetti.
Eger «B» korpýsynyń kadr rezervinde belgilengen biliktilik talaptaryna sáıkes keletin bir rezervshiden kóbirek adam turǵan jaǵdaıda, áńgimelesý kezinde neǵurlym kóp suraqqa jaýap bergen rezervshi laýazymǵa taǵaıyndalady.
38. «B» korpýsynyń kadr rezervinde osy Erejeniń 37-tarmaǵynda kórsetilgen rezervshiler bolmaǵan jaǵdaıda, memlekettik organ belgilengen biliktilik talaptaryna sáıkes keletin basqa rezervshilermen áńgimelesý ótkizedi. Bul rette áńgimelesý kezinde neǵurlym kóp suraqqa jaýap bergen rezervshi laýazymǵa taǵaıyndalady.
39. «B» korpýsynyń kadr rezervinde laýazymdardyń osy sanaty boıynsha nemese bos memlekettik ákimshilik laýazymǵa memlekettik organ belgilegen biliktilik talaptaryna sáıkes keletin rezervshiler bolmaǵan jaǵdaıda memlekettik organ konkýrs ótkizedi.
40. Memlekettik organ qabyldanǵan sheshim týraly memlekettik qyzmet isteri jónindegi ýákiletti organdy nemese onyń aýmaqtyq organyn rezervshiler tizimin alǵan kúninen bastap bes jumys kúni ishinde habardar etýge mindetti.
41. Bos memlekettik ákimshilik laýazymǵa ornalasý jónindegi joǵaryda kórsetilgen sheshim týraly jazbasha habarlamanyń negizinde memlekettik qyzmet isteri jónindegi ýákiletti organ nemese onyń aýmaqtyq organy «B» korpýsynyń kadr rezervine tıisti ózgerister engizedi. Memlekettik qyzmet isteri jónindegi ýákiletti organ nemese onyń aýmaqtyq organy memlekettik organ tańdaǵan rezervshini habardar etedi, onyń jeke isin memlekettik organǵa joldaıdy.
42. Rezervshiniń memlekettik qyzmetke kirýi Qazaqstan Respýblıkasynyń zańnamasynda kózdelgen tártippen jáne Qazaqstan Respýblıkasynyń memlekettik qyzmet týraly zańnamasynda belgilengen talaptar saqtala otyryp júzege asyrylady.
2.6. «B» korpýsynyń kadr rezervinen shyǵarý
43. Memlekettik qyzmet isteri jónindegi ýákiletti organ jáne onyń aýmaqtyq organdary azamattardy «B» korpýsynyń kadr rezervinen shyǵarýdy:
1) rezervshi memlekettik qyzmettiń bos ákimshilik laýazymyna ornalasqan;
2) rezervshi «B» korpýsynyń kadr rezervinen shyǵý týraly ótinish bergen;
3) «B» korpýsynyń kadr rezervine alý týraly sheshim qabyldaý sátinde beımálim bolǵan nemese oryn almaǵan, Qazaqstan Respýblıkasynyń zańnamasyna sáıkes azamattardyń memlekettik qyzmette bolýyn shekteıtin negizder týyndaǵan;
4) osy Erejeniń 7-tarmaǵynda kórsetilgen merzim ótken;
5) bos memlekettik ákimshilik laýazymǵa ornalasýǵa konkýrs ótkizý tártibi buzylǵan;
6) «B» korpýsynyń kadr rezervine alýdyń osy Erejede belgilengen tártibi men sharttary buzylǵan jaǵdaılarda júzege asyrady.
44. Memlekettik ákimshilik qyzmettiń kadr rezerviniń azamattar alynǵan laýazymdar sanaty ózgergen jaǵdaıda olardyń «B» korpýsy memlekettik ákimshilik laýazymyna taǵaıyndalýy jańadan belgilengen sanat boıynsha júzege asyrylady. Taǵaıyndaý memlekettik ákimshilik qyzmettiń kadr rezervine alynǵan kúnnen bastap bir jyl ishinde rezervshilerdiń kelisimimen jáne olar biliktilik talaptaryna saı bolǵan jaǵdaıda júzege asyrylady.
