Bıýdjettik prosesterdi jetildirý boıynsha Qarjy mınıstrligi atqaryp jatqan jumystarmen tanystyrǵan mınıstrdiń orynbasary bıýdjet shyǵystaryn taldaý jáne ońtaılandyrý isi erekshe nazarǵa alynyp tıimsiz shyǵyndar qysqartylǵanyn aıtty.
«Úsh jyldyq kezeńge arnalǵan respýblıkalyq bıýdjet jobasyn qalyptastyrý kezinde 21,340 mln teńgege shyǵyndar ońtaılandyryldy, onyń ishinde 2020 jylǵa 10,335 mln teńge ǵylymı jáne ǵylymı-tehnıkalyq is-sharalardy qarjylandyrýdy ulǵaıtýǵa baǵyttalǵan. Taldaý nátıjeleri boıynsha tıimsiz shyǵyndar qaıta bólinedi. Úkimettiń 56 tapsyrmasynyń 10-y 6,4 mlrd teńgege ońtaılandyryldy», - dedi B. Sholpanqulov.
Sonymen qatar bıýdjettik zańnamaǵa túzetýler engizý máselesi de qarastyrylǵan. Iаǵnı, bıýdjettik prosestiń kezeńderin qaıta qaraý qolǵa alynbaq. Osylaısha, shyǵyndar lımıtin strategııalyq josparlardy qurý satysynda júzege asyrý usynylady.
Memlekettik aýdıt jáne qarjylyq baqylaý nátıjelerin esepke alýdy engizý máseleleri qaraldy. Kvazımemlekettik sektor sýbektileri shotyndaǵy ıgerilmegen qarajatty qazynashylyq bıýdjetke qaıtarý, sondaı-aq esep berýdi qamtamasyz etý jáne qajetti analıtıkalyq jumystardy júrgizý úshin Biryńǵaı shottar uǵymyn engizý máselesi talqylandy.
