Sýretti túsirgen: Valerıı Býgaev
Memlekettik bıýdjetten qarjylandyrylatyn aýdandyq kommýnaldyq kásiporyndar sýmen qamtamasyz etý jelilerin paıdalanady.
Biraq, olar tutynýshylarmen kelisim jasasý jáne kórsetilgen qyzmetterge ýaqytyly tólem jasaý jumystaryn nashar júrgizýde.
Sondyqtan oblys ákimi Bolat Baqaýov qalalar men aýdan ákimdikteriniń 2020 jylǵa arnalǵan bıýdjettegi barlyq shyǵyndaryn qaıta qaraýdy, vedomstvolyq baǵynystaǵy kásiporyndardyń jaǵdaıyn taldaýdy jáne jekeshelendirý men ońtaılandyrý boıynsha usynystar berińder dep talap qoıdy.
Iаǵnı, másele, qysqartýda emes, bıýdjet qarajatyn tıimdi paıdalaný jáne olardy iskerlik túrde bólý.
–Oblysta áli de ońtaılandyratyn kásiporyndar bar. Biraq, olar bıýdjetten qarajat ala otyryp, jumystaryn jasaýda. Aýdandar tarapynan jekeshelendirý, senimgerlik basqarýǵa berý týraly birde-bir usynys túspegen.
«Aqtoǵaı Servıs» kommýnaldyq kásiporynynda jiberilgen sý kólemi men onyń tólemi arasynda aıtarlyqtaı aıyrmashylyqtar bar, - dedi ishki aýdıt qyzmetiniń sarapshysy Olga Krýpnıkova ákimdikte ótken jıynda.
Tekseris ótken kezeńde tutynýshylarǵa 75 myń tekshe metr sý jiberilgen. Al, tólem aqysy 5,7 myń tekshe metr úshin ǵana tólengen.
Mysaly, Aqqýly aýdanynda «Aqqý Servıs» kommýnaldyq kásiporny jeke kásipkerlermen 3 aýyldaǵy sý qubyrlaryna jáne 4 aýyldaǵy keshendi blok-modýlderge qyzmet kórsetý týraly kelisimsharttar jasaǵan.
Biraq, turǵyndar sý úshin kásiporynǵa emes, jeke kásipkerlerge aqy tóleıdi. Jelilerdi kútip ustaýǵa ketken shyǵyndardy bıýdjetke tıesili de, al, olardy paıdalanýdan túsken kiristi jeke kásipkerler alýda.
Sondaı-aq Baıanaýyl aýdanyndaǵy «Serpilis» kásipornynda 14,9 mıllıon teńge tekseris kezinde bıýdjetke qaıtarylǵan.
