Almaty oblysy boıynsha MKD «Qorǵas» ShYHO keden beketinde «Qorǵas» ShYHO keden beketiniń qyzmetkerleri UQK ShQ 2088 á/b jáne Almaty oblysy boıynsha DER qyzmetkerlerimen birlesip, «Qorǵas» ShYHO keden beketinde Qazaqstan Respýblıkasynan QHR-ǵa shyǵý kezinde qol júginde belgilengen nysanda deklarasııalanbaǵan 4 065 000 teńge aqsha qarajatyn (bul balamada 10 423 AQSh dollaryn quraıdy, ıaǵnı 21.10.2019 jylǵy jaǵdaı boıynsha Ulttyq bankiniń resmı baǵamy 1 AQSh dollary 389 teńge 98 tıyn ustady. Qazirgi ýaqytta kináli tulǵa ÁQBtK-niń 551-babynyń 3-bóligine sáıkes ákimshilik aıyppul túrinde jaýapkershilikke tartyldy.
Esterińizge salamyz, jeke tulǵalar kedendik deklarasııalaýsyz qolma-qol shetel jáne ulttyq valıýtany (baǵaly metaldardan jasalǵan monetalardy qospaǵanda) jáne jol chekterin jalpy somadaǵy 10 myń AQSh dollaryna teń nemese odan aspaıtyn kólemde ákelýge nemese áketýge quqyly.
10 myń AQSh dollary balamasynan asatyn soma, EAEO elderi kedendik aýmaǵynyń quramdas bóligi bolyp tabylatyn aýmaqtan nemese aýmaqqa júzege asyrylatyn ákelý nemese áketý jaǵdaılaryn qospaǵanda, mindetti kedendik deklarasııalaýǵa jatady.
Kedendik deklarasııalaý ótkiziletin qolma-qol aqshanyń jáne jol chekteriniń shyǵý tegi men maqsaty týraly málimetterdi kórsete otyryp, barlyq somaǵa jazbasha nysanda kedendik deklarasııany berý arqyly júzege asyrylady. Deklarasııada kórsetilgen qarajatqa salyq salynbaıdy.
«Egemen-aqparat»
