Aımaqtar • 22 Qazan, 2019

«Arqada Naýshabaıdyń Nurjany ótken»

19 retkórsetildi

«Arqada Naýshabaıdyń Nurjany ótken» dep jyrlaǵan aqyn Nurhan Ahmetbekov óleńiniń jolymen atalǵan I respýblıkalyq dástúrli ánder baıqaýy ózge sharalardan erekshe edi. Aldymen, bul Nurjan Naýshabaıuly ánderinen ótken respýblıkalyq deńgeıdegi tuńǵysh shara bolatyn.

Baıqaýdyń aldynda N.Naýsha­baıuly atyndaǵy qazaq orta mekte­biniń uıymdastyrýymen ǵylymı-prak­tıkalyq konferensııa ótip, Nurjan shyǵarmashylyǵy tereń taldandy. Baıqaýdyń taǵy bir ereksheligi – oǵan 20 men 35 jas aralyǵyndaǵy órimdeı 15 jas ánshi Semeı, Almaty, Nur-Sultan, Jezqazǵan, Kókshetaý qalalarynan kelip qatysty. Olar altynnyń synyǵyndaı bolyp, osy kúnge jetken «Kóken-aı», «Bátımaǵa», «Ara-aı», «Asyl-aı», «Jan sáýlem», «Nazym» ánderin shańnan arshyp alǵandaı, móldiretip, naqyshymen oryndady.

Baıqaý tek Nurjan ánderin nasıhattap qana qoıǵan joq, jas talanttardyń jolyn ashty. Qazaq ulttyq óner ýnıversıtetiniń professory, Qazaqstannyń eńbek sińirgen qaıratkeri, belgili jyrshy Almas Almatov bas bolǵan bedeldi qazylar alqasynyń baǵasymen úshinshi oryn kókshetaýlyq Názıra Beısenovaǵa, jezqazǵandyq Saǵymbaı Málibekov pen Qostanaı aýdanynyń ókili Janat Minaıdarǵa buıyrdy. Ekinshi oryndy Semeı qalasynyń ókili Tańat Muqashev pen nursultandyq Aqyltaı Zekenov bólisti. Birinshi oryndy almatylyq Zarına Rahmanberdıeva jeńip aldy. Al bas júldeni Nur-Sultan qalasyndaǵy Qazaq ulttyq óner ýnıversıtetiniń 2-kýrs stýdenti Farhat Jákishke berdi.

– Baıqaý óte durys uıymdas­ty­rylǵanyn aıtqym keledi. Kele­shekte jyrshy, termeshilerdi shaqyryp, Nur­jannyń tolǵaýlary men nazymdarynan da baıqaý ótkizýge bolady, – dedi Almas Almatov. Bul oıdy nur­jantanýshy aqyn Aqylbek Shaıahmet te qýana qoldady.

– Ýaqytysynda keıbir kisiler Nurjan­nyń ánderin 20-30-ǵa «jet­kizip», tym artyq ketti. Kóringendi Nur­­janǵa japsyra berý aqynǵa ja­sal­ǵan qııanatpen birdeı. Onyń el aýzynda qalǵan 7-8 ǵana áni bar. Az da bolsa, saz ánder. Nurjannyń jyrlary men tolǵaýlary da baıqaýǵa suranyp tur, – deıdi Aqylbek Shaıahmet.

Nurjannyń ózi aıtqandaı, onyń «on eki ırek» ánderiniń respýblıkalyq baıqaýy jylda ótkiziledi.

QOSTANAI

Sońǵy jańalyqtar

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Jańa úlgidegi kólikter

Qoǵam • 15 Qarasha, 2019

Balýandar Tarazda beldesedi

Kúres • 15 Qarasha, 2019

Grand Slam jarysynda beldesedi

Sport • 15 Qarasha, 2019

Meksıkalyqtyń qarsylasy atanýy múmkin

Kásipqoı boks • 15 Qarasha, 2019

О́zbek etnosynyń mádenı kúni atalyp ótti

Aımaqtar • 15 Qarasha, 2019

Qazaqstannyń 700 ártisi Reseıge estafeta joldady

Rýhanııat • 15 Qarasha, 2019

Uqsas jańalyqtar