Ádebıet • 22 Qazan, 2019

Ádebıetshilerdiń Ábdijámil Nurpeıisov týraly pikiri

120 retkórsetildi

Andre STIL,

fransýz jazýshysy

«Osy bir uly romandaǵy san qyrly, alýan boıaýly dala men ony meken etetin halyq óziniń beıtanys ári tańsyqtyǵymen ejelgi bir dalalyq aýyzeki tilde aıtylǵan epopeıa sekildi bizdi eliktirip alyp ketedi».

 

Lýı ARAGON,

fransýz jazýshysy

«...Nurpeıisov pen Áýezovti salys­tyrǵanda tym qarapaıym bolýdyń qajeti joq, óıtkeni «Ymyrt» qazaq romanynyń progresindegi jańa baspaldaq. «Abaı joly» romanyn belgili bir deńgeıde Geteniń «Vılgelm Meısterimen» qatar qoıýǵa bolady. Bul eki roman da adam minez-qulqynyń qalyptasýyn kórsetýdiń áli eshkim asyp óte almaǵan jarqyn úlgileri. Al Nurpeıisovtiń romany bolsa, osy kitap­tar taqylettes.

«Ymyrt» romany sýy ashy shóldegi shyńyraý qudyq sekildi (avtor óz kitabynda adam rýhynyń ójettigin kór­setetin kóp­mándi epıgrafty tektek-tek qoldanyp otyr­ǵan joq qoı). Nurpeıisovtiń «Ymyrt» romany sekildi tereń ári tartymdy kitaptar keıinde jazylǵan joq. «Ymyrtty» qazirgi amerıkalyq, fransýzdyq, ne bolmasa basqa da  zamanaýı ádebıettegi úlken shy­ǵar­­malarmen qatar qoıýǵa ábden bolady».

Aýgýst VIDAL,

ıspanııalyq ádebıet synshysy

«Trılogııa klassıkalyq orys pro­­za­synyń dástúrinde jazylǵan. Epı­kalyq qulash, tereń sýretkerlik, qıly keıipkerler galereıasy, kórkemdik she­berlik eriksiz «Tynyq Dondy» eske túsiredi. Osy ret­te Nur­peıisovti «qazaq ádebıetiniń Sholo­hovy» deýge bolady».

 

Gerold BELGER,

aýdarmashy, synshy

«Qazaq dalasyndaǵy bir aıaýly esim – Ábdijámil Nurpeıisov. Fransııa, Germanııa, Belgııa, Ispanııa, Bolgarııa, Slovakııa, Qytaı jáne Reseı jazýshy­lary men synshylarynyń pikiri bir jerde toǵysady – «Qan men ter» trılo­gııa­sy men «Sońǵy paryz» dılogııasynyń avtory iri sýretker, metr, álem ádebıe­tindegi eleýli qubylys degenge saıady».

 

Ábish KEKILBAIULY,

jazýshy, Memlekettik syılyqtyń laýreaty

«Sondaı bir kún bolǵan», «Sondaı bir tún bolǵan» deıtin eki kitaptan tura­tyn dılogııa – janrlyq-stıldik bitimi jaǵynan da, kon­sep­sııalyq ózekti oıy jaǵynan da ulttyq pro­zamyzdaǵy búgingi tańdaǵy oqshaý qubylys. Ol – bizdiń jańa ádebıetimizdiń jańa arnasyn salyp beretin alǵashqy muz jarǵyshtaı. Bizdiń prozamyz ben dramatýrgııamyzda jańa bir aǵym bastalatyndaı. Oǵan «zaıa ǵumyr ádebıeti» dep at qoısaq jara­satyndaı. Bizdiń de keshkenimiz zaıa taǵdyr. Áleý­mettik ozbyrlyqtyń aıdaǵanynan shyǵa almaı, asyl murattardyń ózin asyra silteıtin alańǵasarlyqqa aınal­dyryp aldyq. Sonyń saldarynan da etkenimiz esh zaıa urpaqqa aınalyp otyrmyz. Sonymen zaıa urpaq taqyryby órme­gin qurdy. Arylý ádebıeti jeli tartty. Kesek epıkanyń ornyna az adamdardyń, tipti bir ǵana kisiniń jan dúnıesindegi alaı-dúleı ahýaldy ejikteıtin jańa roman keldi».

 

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar