Úkimet • 22 Qazan, 2019

A.Mamın memlekettik-jekeshelik áriptestikti damytýdy tapsyrdy

20 retkórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda memlekettik-jekeshelik áriptestikti (MJÁ) damytý máseleleri qaraldy. Bul týraly primeminister.kz habarlady. 

Atqarylyp jatqan jumystar týraly Ulttyq ekonomıka mınıstri R. Dálenov, QR ındýstrııa jáne ınfraqurylymdyq damý mınıstri B. Atamqulov, QR densaýlyq saqtaý mınıstri E. Birtanov, QR bilim jáne ǵylym mınıstri A. Aımaǵambetov, Qaraǵandy oblysynyń ákimi J. Qasymbek, Aqmola oblysynyń ákimi E. Marjyqpaev, Premer-Mınıstrdiń birinshi orynbasary – qarjy mınıstri Á. Smaıylov baıandady.

Bıylǵy 1 qazandaǵy jaǵdaı boıynsha 1,6 trln teńge somasyna 615 MJÁ kelisimsharty jasaldy, onyń ishinde 551,5 mlrd teńge ınvestısııa tartyldy, onyń ishinde respýblıkalyq jobalar boıynsha – 339,5 mlrd teńge, jergilikti jobalar boıynsha – 212 mlrd teńge. Jobalardy josparlaý men daıyndaýdyń túrli kezeńderinde 1,9 trln teńge somasyna 638 joba bar. 

472 mlrd teńgege jýyq somaǵa 547 MJÁ nysany paıdalanylý satysynda, onyń ishinde 541 – 288,4 mlrd teńge somasyna jergilikti mańyzdaǵy, 6 – 183,6 mlrd teńge somasyna respýblıkalyq mańyzdaǵy. 

1091 mlrd teńge somasyna 68 nysan iske asyrylý satysynda (ınvestısııalyq kezeń), onyń ishinde 65-i – 365 mlrd teńge somasyna jergilikti mańyzdaǵy jáne 3-i – 725,9 mlrd teńge somasyna respýblıkalyq mańyzdaǵy: Úlken Almaty aınalma avtomobıl joly (ÚAAAJ), aýyldyq eldi mekenderdi ınternetke keńjolaqty qoljetimdilikpen qamtamasyz etý, áýe jolaýshylary týraly málimetterdi jınaý júıesi. 

Densaýlyq saqtaý salasynda 3 jylda jergilikti atqarýshy organdar jalpy somasy 58,9 mlrd teńgege 127 MJÁ kelisimshartyn jasady. Tek 2019 jyly 23,5 mlrd teńge somasyna 21 kelisimshart jasaldy. 2019 jyldan 2024 jyl aralyǵynda MJÁ aıasynda respýblıkalyq deńgeıde 838,5 mlrd teńge somasyna 16 iri aýrýhana salý josparlanǵan, onyń ishinde qazirge deıin 7 jobany iske asyrý bastaldy. 

Bilim berý salasynda 243 mlrd teńge somasyna 558 MJÁ jobasy iske asyrylyp jatyr. Bıyl qańtar aıynan bastap 98 jekemenshik mektep jan basyna shaqqandaǵy qarjylandyrý qaǵıdaty boıynsha 6 mlrd teńge somasyna memlekettik tapsyrys alady. 2019-2020 oqý jylynyń basyna 47 jańa jekemenshik mektep ashyldy. Jyl sońyna deıin taǵy 13 jańa jekemenshik mektep ashylady. 70 jobada stýdentterge arnalǵan jataqhanalar ashý qarastyrylǵan. 

Úkimet basshysy oń dınamıkany atap ótip, MJÁ damytý boıynsha jumystardy jandandyrýdy tapsyrdy.

«MJÁ damytý – Úkimet jumysynyń basym baǵyttarynyń biri. Asa mańyzdy jobalar kólik jáne ınfraqurylym, energetıka jáne TKSh, bilim berý, densaýlyq saqtaý sııaqty sektorlarda iske asyrylyp jatyr», — dedi A. Mamın.

Premer-Mınıstr iri ınfraqurylymdyq jobalardy iske asyrýdy jalǵastyrýdy tapsyrdy, onyń ishinde kólik jáne energetıkalyq, TKSh salasynda, bul maqsatta MJÁ damytýdyń ozyq halyqaralyq tájirıbesin eskerýmen zańnamaǵa qajetti ózgeristerdi pysyqtaý kerek. 

Úkimet basshysy múddeli memlekettik organdarǵa Ulttyq ekonomıka mınıstrligimen birlesip, jetekshilik etetin salalarda MJÁ damytý boıynsha Jol kartalaryn ázirleýdi tapsyrdy. Olardyń oryndalý barysy Úkimettiń Jobalyq keńsesiniń otyrystarynda tyńdalatyn bolady.

«Jalpy, bizge elimizdiń turaqty áleýmettik-ekonomıkalyq damýyn qamtamasyz etý maqsatynda memleket pen jekemenshik áriptestiktiń tıimdi ózara is-qımylyn jolǵa qoıý qajet», — dep túıindedi A. Mamın.

Sońǵy jańalyqtar

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Jańa úlgidegi kólikter

Qoǵam • 15 Qarasha, 2019

Balýandar Tarazda beldesedi

Kúres • 15 Qarasha, 2019

Grand Slam jarysynda beldesedi

Sport • 15 Qarasha, 2019

Meksıkalyqtyń qarsylasy atanýy múmkin

Kásipqoı boks • 15 Qarasha, 2019

О́zbek etnosynyń mádenı kúni atalyp ótti

Aımaqtar • 15 Qarasha, 2019

Qazaqstannyń 700 ártisi Reseıge estafeta joldady

Rýhanııat • 15 Qarasha, 2019

Uqsas jańalyqtar