Eń qysqa áńgime • 22 Qazan, 2019

Eń qysqa áńgime. Omarbek Nurdáýlet

417 retkórsetildi

Qarǵalar

                                                                                                                         «Eı, aspanda ushyp júrgen qara kitap...»

                                                                                                                                       Muhammet Salyq

 

Kúzdiń qara sýyǵynda araqqa sylqıyp toıyp alyp, aýyl shetindegi aǵashtyń túbinde jatqan bireýge qarap, qarsy aǵashtaǵy qos qarǵa tumsyǵy jybyrlap, silekeıi shubyryp, «myna nemeniń etin shoqyp jep bir marqaıyp qalsaq» degen tátti qııaldyń jeteginde tur. Jasamys qarǵa janyndaǵy joldasyna qarap:

– Bul adam degen maqulyqtyń etinen dámdi etti jep kórgenim joq. Átteń tirisine shama kelmeıdi, ólgeni – jer astynda, tumsyq jetpeıdi, – dedi kúıine sóılep.

– Onyń ras. Biraq kezinde osy dalada ólikter jer-jerde tyraıyp-tyraıyp jatty emes pe? Pah, shirkin! Sonda tek náresteleriniń jumsaq etin tańdap júrip, qarnym jarylǵansha shoqyp edim. Ǵumyry kelte qarǵanyń basyna mundaı baq bir-aq márte ornar, – dedi ekinshisi.

– E, ondaı saýyq qurǵan berekeli kezder bul dalada talaı bolǵan, – dep, jasamys qarǵa «qarq» etip bir kúrsinip aldy.

Átteń...

 

Omarbek Nurdáýlet

Sońǵy jańalyqtar

Uqsas jańalyqtar