Jasóspirimder arasynda ótken aıtýly dodada tómende esimderi atalǵan balǵyn balýandar óz salmaq dárejeleri boıynsha bas júldeni oljalady: 55 kılo – Dinıslam Saǵıtjan (Aqtóbe), 60 kılo – Dıas Áskerbaı (Shyǵys Qazaqstan oblysy), 63 kılo – Erjet Jarylqasyn (Taraz), 67 kılo – Almatbek Amanbek (Shańyraqtaǵy sport mektebi), 72 kılo – Emin Magomed Kýnaev (Qostanaı), 77 kılo – Rahat Saǵymbaı (Respýblıkalyq sport kolledji), 82 kılo – Maqsat Saılaý (Nur-Sultan), 87 kılo – Erzat Erlanov (Nur-Sultan), 97 kılo – Dáýren Amanǵalıev (Qostanaı) jáne 130 kılo – Konstantın Rahımov (Qostanaı).
Osy jarysqa qurmetti qonaq retinde arnaıy kelgen elimizge eńbek sińirgen sport sheberi, álem chempıonatynyń eki dúrkin júldegeri, Azııa oıyndary men qurlyq birinshiliginde úsh márte olja salǵan Meırambek Aınaǵulov pen ataqty balýannyń jeke bapkeri Raqymjan Baqytjanovtyń ıyǵyna jerlesteri shapan jaýyp, aqshalaı syılyq tabys etti.
Balýannyń ózi jaıynda qysqasha málimet beretin bolsaq, ol 1971 jyly Aqtóbe oblysynyń Shalqar aýdanynda týyp-ósti. О́ziniń eleýli tabysynyń barlyǵyna Esenkeldi Batyrǵarın 1990-1991 jyldary aralyǵynda qol jetkizdi. Atap aıtsaq, jastar arasyndaǵy KSRO birinshiligi men Chehoslavakııada ótken álem birinshiliginde kúmis medaldi moınyna ildi. Asa jeńil salmaqta beldesken qandasymyz Búkilodaqtyq Ýnıversıadada jeńimpaz atandy. Ersekter dýyna erkin qosylǵan jas óren álem jáne KSRO kýbogy jolyndaǵy jarystarda aldyna jan salmady. 1991 jyly Ýkraınanyń Zaporoje qalasynda KSRO halyqtary Spartakıadasy men KSRO chempıonatynyń qatar ótkeni esimizde. Sol jarystarda da Esenkeldiniń juldyzy jarqyraı jandy. Chempıonattyń aqtyq synyna deıin alqyndaı jetken qazaq balýany sheshýshi tusta Túmende týyp-ósken qandasymyz Jolaman Dáýrenbekovke ese jiberip, kúmis medal ıelendi. Al tórt jylda bir ótetin Spartakıadada Batyrǵarınge teń keler balýan tabylmaı, ol altyn tuǵyrǵa kóterildi. Osylaısha, jas órenniń esimi aıtýly jarysty utqan úshinshi qazaq balýany retinde sporttyq shejirege jazyldy. Eń ǵajaby, joǵarydaǵy ataqtardyń barlyǵyna Esenkeldi Batyrǵarın nebary 20 jasynda qol jetkizdi!
Esenkeldi shyn máninde fenomen edi! Týa bitken talant desek te, esh qatalespeımiz. Ekeýmiz Shalqardaǵy Vladımır Sehanovıch atyndaǵy sport mektebinde birge jattyqtyq. 1986 jyly Erevanda ótken marshal Ivan Bagramıanniń týrnırine de birge attanǵan edik. Bul jarysqa bizdi meniń ákem Murat Esenjolov bastap apardy. Sonda jerlesterimizdiń arasynan eń úzdik nátıjege Batyrǵarın qol jetkizip, kópshiliktiń kózine tústi. Sodan Esenkeldi Almatyǵa ketti. Alataý baýraıynda sheberligi ábden shyńdalyp, bıik belesterdi baǵyndyrdy. Ol – kúres túrleri boıynsha Aqtóbe óńirinen shyqqan tuńǵysh halyqaralyq dárejedegi sport sheberi. Sol rekord uzaq ýaqyt boıy saqtaldy. Tek arada týra 20 jyl ótkennen keıin baryp halyqaralyq deńgeıdegi dodalarda júlde alýǵa jaraıtyn balýandar Aqtóbe óńirinen shyǵa bastady, – deıdi keıipkerimizdiń kezindegi komandalyq áriptesi ári dosy, belgili sport kommenatory Aspandııar Esenjolov.
