KIKBOKSING KÝBOGY

Keshe elordada “Dáýlet” sport kesheninde kıkboksıngten el kýbogy jolyndaǵy jarystyń jalaýy kóterildi. Jarysqa elimizdiń barlyq ob­lystary men Astana jáne Almaty qalalarynyń úzdik sportshylary keldi. Saltanatty ashylý rásiminde sóz alǵan Týrızm jáne sport mınıstrligi Sport komıteti tó­ra­ǵasynyń orynbasary Elsııar Qanaǵatov Qazaqstan kık­bok­sın­giniń 20 jyldyq m­e­re­ke­simen jıylǵan jurtty qut­tyqtasa, Kıkboksıng federa­sııa­synyń prezıdenti, Par­lament Májilisiniń depýtaty Irak Elekeev jarysqa qaty­sýshylarǵa tabys tiledi. 2010 jyl qazaqstandyq kık­boksıng úshin erekshe jyl. Bıyl bul sport túriniń Qazaqstanda damýynyń 20 jyldyǵyn ataǵaly otyr. Bul jekpe-jek kúres túr­le­riniń eń jas túri. Áıtse de, qa­zaq­standyq kıkboksshylar álemde qazaq eliniń kók baıraǵyn joǵary kóterip júr. Máselen, 2009 jyly Taı elinde ótken jekpe-jek kúres sport túrleri boıynsha Birinshi Azııa oıyndarynda 40 el ishindegi jalpy komandalyq esepte bizdiń kıkboksshylar birinshi oryndy ıelendi. Olar bizdiń qor­jy­ny­myzǵa 3 altyn, 2 kúmis jáne 2 qola júldelerdi salǵan bolatyn. Vetnamda qarasha aıynda ótken jabyq alańdaǵy 3-shi Azııa oıyndarynda da sportshylar 2 altyn, 3 qola medalǵa ıe bolyp, Qazaqstannyń 3-shi orynǵa or­na­la­sýyna eleýli úlesin qosqany belgili. Álemniń úzdik kıkbok­s­shy­la­ry qatarynan da otan­das­tarymyz oryn aldy. Italııada ótken álem chempıonatynda 1 kúmis jáne 3 qola júldelerdi qanjyǵaǵa baılady. Atalmysh kýbok jeńimpazdary elimiz qurama komandasynyń qu­ra­myna enip, el namysyn ha­lyq­ara­lyq jarystarda qorǵamaq. Jarys jeksenbi kúni óz máresine jetedi. Ábdirahman QYDYRBEK. ASTANA.