Kelisimge qol qoıylǵan sátten beri 20 jyldan astam ýaqyt ótti, soǵan baılanysty osy Kelisimniń erejelerin jańa mátinde jaza otyryp, Hattamamen tıisti ózgerister engizý arqyly jetildirý qajet boldy.
2018 jylǵy 1 maýsymda Dýshanbe qalasynda Táýelsiz Memleketter Dostastyǵynyń Úkimet basshylary keńesiniń otyrysynda qol qoıylǵan Hattama TMD-nyń keden salasyndaǵy normatıvtik-quqyqtyq bazasyna júrgizilgen túgendeý jumystarynyń qorytyndylary boıynsha TMD-ǵa qatysýshy memlekettermen birlesip ázirlendi.
Hattamamen málimetterdi berýge, suraý salýlardyń nysandary men mazmunyna, suraý salýdyń oryndalýyna, alynǵan aqparattyń paıdalanylýyna qatysty birqatar negizgi baptarǵa ózgerister engizý usynylady.
Memleketterdiń ortalyq keden organdarynyń arasynda ári memleketterdiń aýmaqtyq keden organdary arasynda tikeleı júzege asatyn taraptardyń suraý salýlarmen almasýy qujattaǵy jańalyqtardyń biri bolyp otyr. Bul keden zańnamasy talaptarynyń buzylýyn kórsetetin derekterdi nemese mán-jaılardy anyqtaý úshin tıimdi yntymaqtastyqqa yqpal etetin bolady. Zań jobasy Palatanyń qaraýyna jiberildi.
