Qoǵam • 30 Qazan, 2019

2020 jyly medısınalyq kómekke bólinetin qarjy 45,5 mlrd teńgege artady

41 retkórsetildi

2020 jyly ońtústik astanalyqtarǵa arnalǵan medısınalyq kómekke bólinetin qarjy bir jarym ese nemese 45,5 mlrd teńgege artady. Bul týraly Almaty ákimdiginde ótken baspasóz máslıhatynda «Áleýmettik medısınalyq saqtandyrý qory» KEAQ Almaty qalalyq fılıaly dırektory Tileýhan Ábildaev habarlady.

«Qarjynyń kóbeıýine mindetti áleýmettik medısınalyq saqtandyrý júıesiniń engizilýi sebep. Bıyl qala boıynsha tegin medısınalyq kómekke bıýdjetten 116,8 mlrd teńge bólingen bolatyn. Al 2020 jylǵa 160,4 mlrd teńge jumsaý josparlanyp otyr», - dedi T.Ábildaev.

Aıtýynsha, saqtandyrý júıesin engizýge daıyndyq baǵytynda aýqymdy jumys atqarylǵan. Normatıvtik-quqyqtyq baza jasalyp, úsh deńgeıli medısınalyq kómek júıesi bekitildi, mindetti medısınalyq saqtandyrýdy engizýge qajetti aqparattyq júıeler iske qosyldy.

Qazirdiń ózinde Qor kelisimsharttar men qosymsha kelisimderdi avtomatty túrde jasaýǵa múmkindik beretin fýnksıonaldy qoldanysqa engizdi. Bıylǵy tamyz aıynan bastap jekelegen qujattarǵa ESQ kómegimen qol qoıylyp jatyr. Ondaǵy maqsat – medısınalyq qyzmetterdi satyp alý jumystarynyń tıimdiligi men ashyqtyǵyn qamtamasyz etý jáne jemqorlyq faktileriniń aldyn alý.

Sonymen qatar, daıyndyq barysynda ózin-ózi jumyspen qamtyǵan turǵyndardy saqtandyrý júıesine tartý jumystary da júrip jatyr.

«Qazirgi tańda qalada statýsy anyqtalmaǵan 55 myńnan astam azamat turady. Onyń 12 myńy – «jaldamaly jumysker», 15,6 myńy – «ózin-ózi jumyspen qamtyǵandar», 8,8 myńy – «resmı tirkelmegen jumyssyzdar». Búgingi kúnge deıin barlyǵy 5,9 myń adam biryńǵaı jıyntyq tólem tólegen. Jyl basynda engizilgen jıyntyq tólem atalǵan sanattaǵy azamattardyń bárine MÁMS júıesine qatysyp, tolyqqandy kómek alýǵa múmkindik beredi», - dedi Almaty qalasy Áleýmettik ál-aýqat basqarmasy jetekshisiniń orynbasary Danııar Álkebaıuly.

Esterińizge sala ketsek, mindetti áleýmettik medısınalyq saqtandyrý 2020 jyldyń 1 qańtarynan bastap tolyqqandy iske qosylady. Bastapqy úsh aıda MÁMS paketindegi qyzmetterdi statýsyna qaramastan elimizdegi barlyq azamattar paıdalana alady.



ALMATY

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar