Bir qyzyǵy menshikke salyq tóleýge salǵyrt qaraıtyndardyń deni polısııa qyzmetkerleri men áskerı qyzmetshiler eken. Shahardyń kirister organdary memlekettik qyzmetshilerdiń turǵylyqty meken jaıy jáne jumys orny boıynsha paıda bolǵan bereshekti óteý qajettiligi týraly habarlama da jibergen.
Máselen, menshik salyǵy boıynsha bereshekti taldaý nátıjesinde ishki ister organdarynyń 289 qyzmetkeri jalpy somasy 5,9 mln teńgemen kósh basynda tur. Sondaı-aq áskerı bólimderdiń 218 qyzmetkeri, qarjy qurylymy salasynda eńbek etetin 67 jeke tulǵa jeke múlik salyǵyn keshiktirgen. Boryshkerler tiziminde ákimdik qyzmetkerlerinen bastap basqa da memlekettik organdardyń ókilderi bar.
«Menshik salyǵyn tóleý merzimi qazan aıynyń alǵashqy kúni aıaqtalǵanyn eske salamyz. Jeke tulǵalardyń kólik quraldaryna 2019 j. salynatyn salyq jeltoqsannyń sońyna deıin tólenýi tıis. Salyq ýaqytynda tólenbegen jaǵdaıda qaıta qarjylandyrýdyń resmı stavkasynyń 1,25 eselengen mólsherinde ósimpul esepteledi. Sonymen qatar, Qazaqstanda 2019 jyldyń 16 shildesinen bastap salyqtar boıynsha ósimpuldardy esepten shyǵarý boıynsha jeke tulǵalar úshin salyqtyq raqymshylyq jasaý týraly Zań kúshine endi. Osylaısha, 2019 jyldyń 1 qańtaryna deıin salyq kezeńderi úshin salyq mindettemeleri boıynsha salyqtyń negizgi somasyn jeke tulǵa tólegen jaǵdaıda ósimpuldy esepten shyǵarý jolymen júrgiziletin salyqtyq raqymshylyq týraly salyq tóleýshiler men jeke tulǵalardyń nazaryna jetkizemiz»,- deıdi Almaty qalasy boıynsha Memlekettik kirister departamentiniń mamandary.
Osyǵan baılanysty, paıda bolǵan bereshekti shekteý jáne ózge de májbúrlep óndirip alý sharalaryn qabyldaýdy boldyrmaý úshin quzyrly organ megapolıs turǵyndaryn memleket aldyndaǵy mindettemelerin ýaqytynda oryndaýǵa, sondaı-aq júrgizilip jatqan salyqtyq talaptardy paıdalana otyryp, jınaqtalǵan boryshtardan bosatýǵa shaqyrdy.
ALMATY
