Aımaqtar • 30 Qazan, 2019

Aqtaýda Túrkııa Respýblıkasynyń 96 jyldyǵyna oraı shara ótti

39 retkórsetildi

Túrkııa Respýblıkasynyń qurylǵanyna 96 jyl tolýyna oraı saltanatty shara ótti. Bul týraly Mańǵystaý oblysy ákiminiń baspasóz qyzmeti habarlady. 

Mańǵystaý oblysynyń ákimi Serikbaı Trumov Aqtaý qalasyndaǵy Túrkııanyń Bas konsýly Muzaffer Aqıyldyrym bastaǵan delegasııany aıtýly merekemen quttyqtap, eki eldiń arasyndaǵy yntymaqtastyq qarym-qatynasty erekshe atap ótti.

- Elimiz egemendigin alyp, táýelsizdigine qol jetkizgen jyldardan bastap, Qazaqstan men Túrkııa memleketiniń basshylary yntymaq pen berekeniń úlgisin kórsetip keledi. Ol biz úshin óte mańyzdy. Bizdiń túbimiz bir, tegimiz ben qasıetti qundylyqtarymyz ortaq, tarıhymyz ben júrip ótken jolymyz uqsas. Bilikti reformator Mustafa Kemal Atatúrik irgesin qalaǵan Túrkııa - memleket retinde qalyptasý úshin talaı qıly kezeń men qıyndyqty ótkizgeni tarıhtan belgili. Alaıda, aýyzbirshilik pen tatýlyqtyń arqasynda onyń bári ótken shaqtyń enshisinde qaldy. Aldaǵy ýaqytta da baýyrlas Túrkııa halqyna órkendeý men gúldenýdi tileımin!,- dep atap ótti aımaq basshysy.

Túrkııanyń ekonomıkalyq belsendiligi Mańǵystaý óńiri úshin de edáýir úlesin tıgizip keledi. Mańǵystaý men Túrkııa eli arasyndaǵy saýda-ekonomıkalyq baılanystyń mańyzy zor. «Nurly jol» memlekettik baǵdarlamasyn júzege asyrý arqyly oblysymyzdyń kólik áleýeti artyp keledi. Quryq porty jobasynyń arqasynda Mańǵystaý óńiri Azııa men Eýropanyń altyn kópirine aınalyp otyr. 2019 jyldyń 8 aı kórsetkishi boıynsha Mańǵystaý oblysymen Túrkııa Respýblıkasynyń arasyndaǵy taýar aınalymy 211 mln AQSh dollaryn qurady. Bul kórsetkish ótken jylmen salystyrǵanda 22 esege artyq. Sondaı-aq oblysta qurylys, qurylys tastaryn óndirý, meıramhanalar jáne qyzmet kórsetý salasynda túrik kapıtalynyń qatysýymen 74 birlesken kásiporyn tirkelgen.

 

 

Mańǵystaý oblysy

                          

 

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar