Aımaqtar • 31 Qazan, 2019

Qostanaıda respýblıkalyq analar keńesiniń keńeıtilgen otyrysy ótti

22 retkórsetildi

Bul shara eki kúnge sozyldy. Alǵashqy kúni qatysýshylar qaıyrymdylyq aksııasyn, A.Baıtursynov atyndaǵy Qostanaı memlekettik jáne О́.Sultanǵazın atyndaǵy Qostanaı memlekettik pedagogıkalyq ýnıversıtetteriniń stýdentterimen kezdesýler ótkizip, qala kitaphanalaryna Assambleıa atynan kitaptar tabys etti.

Sonymen qatar áıelder men balalardy ómirge beıimdeý jáne ómirde qıyndyqqa tap bolǵan balalardy qoldaý ortalyqtarynda boldy. Keshke I.Omarov atyndaǵy oblystyq qazaq drama teatrynda «Rýhanı jańǵyrý» baǵdarlamasy men Assambleıanyń «Qazaqtaný» jobasy aıasynda aýdarmashy, aqyn Kamal Álpeıisovanyń «Tórkindeý» atty shyǵarmashylyq keshi ótti.

Sharanyń ekinshi kúni Qostanaı qalasyndaǵy kúmbezdi zalda Qazaqstan halqy assambleıasy respýblıkalyq analar keńesiniń keńeıtilgen otyrysy Qazaqstan Halqy assambleıasy tóraǵasynyń orynbasary – Qazaqstan Respýblıkasy Prezıdenti Ákimshiliginiń Hatshylyq meńgerýshisi Janseıit Túımebaevtyń, oblys ákimi Arhımed Muhambetovtyń qatysýymen ótti. Oǵan Jalpyulttyq jospardyń iske asyrylýyna jaýapty ortalyq memlekettik organdardyń qyzmetkerleri, sondaı-aq Nur-Sultan, Almaty, Shymkent qalalary men oblystar assambleıalary analar keńesteriniń, etnomádenı birlestikteriniń tóraǵalary men músheleri de shaqyryldy. Analar keńesiniń keńeıtilgen otyrysy Prezıdent Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda jáne «Rýhanı jańǵyrý» baǵdarlamasynda belgilengen mindetterdi sheshýdegi analar keńesteriniń róli» atty taqyryp aıasynda qoǵamda oryn alyp otyrǵan kóptegen ózekti máselelerdi talqylady. Otyrystyń basty qonaǵy Janseıit Túımebaev ómirdegi ananyń orny bólek, onyń qoǵamdaǵy jáne memlekettiń damýyndaǵy orny úlken jaýapkershilikti talap etetinin aıtyp ótti.

«Ana– qasıetti sóz. Otandy anaǵa teńeımiz, tildi de ana tili deımiz. Otbasynyń shegesi – analar. Otbasy berekeli bolsa, memlekettiń irgetasy myqty bolady. Balanyń tárbıesinde de ananyń mańyzy erekshe. Bala – bolashaq. Al bolashaqtyń qandaı bolary da anaǵa baılanysty eken. «Otan otbasynan bastalady» degen sózdiń mańyzy tereńde. Ultty tárbıeleıtin ana. Ásirese qazirgi áleýmettik júıeler zamanynda ananyń atqarar isi de ushan-teńiz» dedi Janseıit Qanseıituly. Qoǵamda analar belsendiligi qajet. Olar qurǵan úkimettik emes uıymdar búginde kóptegen jumystar atqaryp otyr. Degenmen qoǵamda profılaktıkalyq sharalar qajet etetin ózekti máseleler joq emes. Uldardyń tárbıesi de nazar aýdarýdy qajet etedi. Statıstıka boıynsha áıelderdiń 70 paıyzy ómirinde bir ret bolsa da túrli, turmystyq zorlyq-zombylyqty bastan keshedi eken. Otbasynyń ajyrasýy da sońǵy jyldary óte jıiledi. Janseıit Qanseıituly oblystarda osyǵan oraı jumys júrgizip otyrǵan analar keńesterin, basqa da uıymdar jumysyn rızashylyqpen atady.

Qazaqstan halqy Qostanaı oblystyq assambleıasy júrgizip otyrǵan jumystardy oblys ákimi Arhımed Muhambetov te sholyp ótti. Ústimizdegi jyldyń 9 aıynda oblys óńirinde 127 iri sharalar ótken. Analar keńesi oblystaǵy qaıyrymdylyq isin damytýǵa úles qosyp otyr. Analar keńesiniń bastamasymen ótken «Ystyq nan», «Ashyq júrek», «Taza oıyn», «Býkkrosıng», «Merekelik tústik as» sııaqty qaıyrymdylyq aksııalar 4 myńǵa jýyq adamdy qamtyǵan.

«Oblysta Elbasynyń bastamasymen ómirge joldama alǵan «Baqytty otbasy» jobasy qarymdy júrip jatyr. Qostanaılyq kásipkerlerdiń qoldaýymen 48 kóp balaly analarǵa baspana berildi» dedi Arhımed Begejanuly.

Keńeıtilgen otyrysqa qatysýshylar qolóner sheberleriniń jáne analar qolymen jasalǵan túrli buıymdardyń kórmesin tamashalady.

Sońǵy jańalyqtar

Túlkibasta «Ana men bala» monýmenti ashyldy

Rýhanııat • Búgin, 16:41

Termınge saýattylyq kerek

Qoǵam • Búgin, 15:33

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Uqsas jańalyqtar