Mundaı aıtýly qurmetke oqý ornynyń keshegi túlekteri Qazaqstannyń qurmetti jýrnalısi Mamadııar Jaqyp, Aqparat salasynyń úzdikteri Gúlzeınep Sádirqyzy men Talǵat Súıinbaı ıe boldy.
Marapat ıeleri ýnıversıtet qabyrǵasynan taıaýda ǵana ashylǵan «Egemen Qazaqstan» gazetiniń zerthanalyq aýdıtorııasynda tilshilik tirshilikke bet alǵan bolashaq jýrnalıstermen qaýyshty. Onda qazaq jýrnalıstıkasynyń ótkeni men búgini týrasynda áńgime órbip, maıtalman mamandyqtyń qyr-syry jóninde oramdy oılar aıtyldy. Jýrnalıstıka fakýltetiniń dekany belgili ǵalym-jýrnalıst Saǵatbek Medeýbek qonaqtarǵa bilim otaýynyń 85 jyldyǵy, faýltettiń qyzyqty ómiri týraly baıandady.
– El ómiriniń eleýli sátterin tasqa tańbalaǵan «Egemen Qazaqstan» gazetiniń tarıhy tereńde jatyr. Basylymnyń tasyn órge súıregen talaı qabyrǵaly qalamgerlerdiń ál-Farabı atyndaǵy Qazaq ulttyq ýnıversıtetinen, onyń ishinde bizdiń jýrnalıstıka fakýltetinen qanattanǵanyn maqtanyshpen aıtamyz. Oqý oshaǵy men bas basylymnyń arasyndaǵy rýhanı baılanys arqaýy úzilmegen dástúr sabaqtastyǵynyń altyn dińgegi dep esepteımiz, – deıdi Saǵatbek Medeýbek.
О́z kezeginde «egemendikter» ýnıversıtet kitaphanasynyń qoryna otty maqalalary men tóltýma týyndylary toptastyrylǵan kitaptaryn syıǵa tartty. Jýrnalıstıka fakýltetiniń ustazdary Mamadııar Jaqyptyń «Saǵynysh», Gúlzeınep Sádirqyzynyń «Mahabbatym - júregimde», Talǵat Súıinbaıdyń «100 tulǵa - 100 pikir» jınaqtary jas tálimgerlerdi kásibı tereńdikke mashyqtandyratynyn aıtady.
ALMATY
