Nesın shyǵarmalarynyń shynaıylyǵy, shor bop qatqan túıindi máselelerdi jeńil ıýmormen jetkize biletindigi, áńgimeni qıynnan qıystyryp jatpaı-aq, birden bastap ketip, oqyrmandy magnıtteı tartyp turýy túrik jazýshysynyń týyndylaryna qyzyǵýshylyqty, suranysty arttyra bermek.
Nesındi qazaqsha sóıletken qalamgerlerdiń ishinde Halyqaralyq «Alash» syılyǵynyń laýreaty, jazýshy Ǵabbas Qabyshulynyń orny erekshe. Olaı deıtinimiz Ǵabań Nesın shyǵarmalaryn aýdarýǵa ótken ǵasyrdyń 80-jyldary kirisken adam. О́zi estelikterinde Ázız Nesınmen 1981 jyly Máskeýde KSRO jazýshylarynyń jetinshi quryltaıynda kezdeskenin jazady. Sol kezdesýde Nesın týraly maqalasy bar kitabyn syılap turyp, ataqty satırıktiń tórt áńgimesin aýdarǵanyn ózine baıandaıdy. Odan keıin de jazýshynyń Nesın shyǵarmalaryn qazaqsha sóıletkenin kóbimiz bilemiz. Atap aıtqanda «Fýtbol sultany» romany men «Áńgime oqı otyryńyz» degen atpen áńgimeler jınaǵyn shyǵarǵan. Al jýyrda dál osy avtordyń tárjimasymen Nur-Sultandaǵy «Folıant» baspasynan Ázız Nesınniń «Sıqyr aına» kitaby shyqty. «Sıqyr aına» «Úzdik shetel klassıkasy» serııasymen jaryq kórdi.
Nesın sońyna baı mura qaldyrǵan qalamger. Ol qolyna qalam ustaǵan 56 jylda ázil-syqaq áńgimeleriniń 34 jınaǵyn, 5 óleń jınaǵyn, 8 romany men 6 pesa qaldyrypty. Sonsha kóp dúnıeni búkil adamzatqa ortaq dúnıe desek te, túbi bir túrki dúnıesiniń ókili retinde onyń keıipkerleri dini men dili bólek bótenderden góri ózimizge etene, tipti olardy biz jaqsyraq tanıtyn sııaqtymyz. Bul bir jaǵynan mentalıtetke qatysty bolsa, ekinshiden, keıipkerleriniń qııal dúnıesinde emes, kádimgi turmystyq-áleýmettik máselelermen kúnine birneshe márte jolyǵyp, «jer betinde» ómir súrýimen de baılanysty bolýy múmkin. Túrli taǵdyr, túrli mamandyq ıesi, túrli minez-qulyq, túrli sıpattaǵy beıneler Ázız Nesın qalamyna ilingende tiri beınelerdeı áser etetinin de aıtý kerekpiz. Mysaly, «Gazet nege jabyldy?» áńgimesiniń keıipkerin ózimiz jýrnalıst bolǵan soń ba, shynaıy qabyldaımyz. Ol keıipker ne deıdi: «Meniń maqalam gazettiń eń eleýli, eń kólemdi materıaly boldy. Jýrnalıstik tirliktegi eń birinshi iri tabysym boldy. Sóıtip bizdiń gazet basqa gazetterge shańyn da kórsetpeı ketti. Basqa gazetterdiń bári de konsert jaıynda birinshi betterine birer jol ǵana habar berip, onyń keıinge qaldyrylǵanyn aıtypty. Al men qoıylmaǵan konsert týraly maqala jazýda dúnıe júzindegi tuńǵysh synshy bop shyǵa keldim». Kúlkili ıá. Biraq gazet odan jabylmaǵan ǵoı. Sheteldi aralaýǵa attanǵaly turǵan memleket qaıratkerlerinen qurylǵan delegasııa sýretiniń astyna «Jergilikti asyl tuqymdy sıyrlar» dep, al asyl tuqymdy sıyrlardyń sýretiniń astyna «Bizdiń delegasııanyń Eýropany aralaýǵa ushqaly turǵan sáti» dep túsinikteme berilgen. Mundaı kúlkili de qyzyqty jaıttar bizdiń gazetterde de talaı oryn alǵan shyǵar!
Ázız Nesınniń «Sıqyr aına» kitabyna jıyny elý tórt áńgime engizilgen. Onyń ishinde ózimizge etene tanys «Polıseılerge janym ashıdy», «Báleniń bári shulyqtan bastalady», «Sharaphanadaǵy syrlasý», «Shermende qashan týǵan?», «Sırek kezdesetin sumyraı», «Mysekeń sorlady», «Úsh perishteniń sheshesi», «Kádimgi esekpiz», «О́zin ózi tanymaǵan korol» syndy áńgimelerdi de kórip qýanyp qaldyq. Klassıkanyń aty klassıka emes pe? Qashan oqysań da jańa qyrynan ashyla beredi. Ázız Nesın áńgimeleri de sondaı. «Buryn oqyǵam» dep tomsaryp qalmaısyń. Oqyrmandaryn kúldirip otyryp muńaıtatyn, muńaıtyp otyryp oılantatyn Nesın áńgimelerine «hosh keldińiz» deımiz.
