Aımaqtar • 11 Qarasha, 2019

Qarashadaǵy qońyr óleń

19 retkórsetildi

Taraz ejelden shaıyrlardyń mekeni bolǵan shahar. Shyǵys aqyndarynyń ǵazaldarynan tógilgen kúı, alapat áserdiń bári de kúni búginge deıin tarıhı topyraqta ómir súrip keledi. Búginde Tarazda áıgili shaıyrlardyń izin basyp kele jatqan jas aqyndardyń ózi bir shoǵyr. Jergilikti jastardyń ortaq ıdeıasynan týyndaǵan «Avangard» jobasy bıylǵy jyly tamyz aıynda júzege asqan edi. Jýyrda Taraz qalasynda osy «Avangard» jobasynyń «Kúzgi romans» atty ádebı-sazdy keshi ótti. Munda Tarazdyń talantty aqyndary ǵana emes, óleńsúıer qaýym da kóptep jınaldy.

Qarasha keshin jas aqyn Nurbolat Joldasbek júrgizdi. Poetıkalyq keshte áýeli jas ónerpaz Saıat Turdaly sak­sofon aspabymen keremet áýen oı­­nap, kópshilikti tánti etti. Al jas aqyn Araıly Jaqsylyq kelýshilerge «Avan­gard» jobasynyń mánin ashyp tanys­tyrdy. Ol óz sózinde keshtiń bas­ty maqsaty oqyrmanǵa estetıkalyq lázzat syılaý, mártebeli poezııanyń qudiretin oqyrmanǵa sezindirý ekenin aıtty. Kúzgi keshtiń basty ereksheligi retinde sharaǵa kelgen óleńsúıer qaýymnan aq jáne qara tústi dress-kod talap etildi. Kesh barysynda Tabıǵat Abaıldaev, Danııar Álimqul, Nurjan Qadiráli, Nazerke Ońǵar, Shapaǵat Ábdir jáne ózge jas aqyndar da túrli taqyryptarda óleń oqyp, ómirdiń aq pen qara tústerden turatynyn jyr­­lary arqyly uǵyndyrdy. So­nymen qatar jastardyń keshine arý Almatydan tanymal óner jul­dyzy Qadyrǵalı Kóbentaı arnaıy kelip, óz lebizin bildirdi. «Áýlıeata óńirinde nebir myqtylardyń ótkenin bilemiz. Qazaq – aqynyn ardaqtaǵan halyq. Osyndaı keshter arqyly qalamgerler bir-birimen jaqyn tanysyp, shyǵarmashylyq baılanys ornatady», dedi ol. Qadyrǵalı Kóbentaı gıtaramen óziniń «Elge sálem», «Aıt dediń-aý», «Unaıdy» ánderin oryndap, kópshiliktiń yqylasyna bólendi. О́z kezeginde Nurlan Ábdikárim Danııar Álimquldyń sózine jazylǵan «Qalaý» atty ánin oryndap, tusaýyn kesti. Jalpy, bul kúni ashyq mıkrofonda aqyndar ǵana emes, óleńsúıer qaýym da óleń oqyp, ózderiniń poezııa týraly pikirlerin bildirdi.

Atalǵan jyr keshine qazynaly Qarataýdan kelgen erli-zaıypty aqyn­dar Erbol Qambatyrov pen Úmit Bı­tenova án shyrqap, óleń oqydy. Al Taraz qalalyq «Jambyl-Taraz» gaze­tiniń dırektor-bas redaktory Elmıra Myrza-Ǵalı da áýelete án salyp, óleń oqysa, jas aqyndarǵa qoldaý kórsetken kásipker Janar Búrkitbaeva da kesh tórinen tabyldy. Osylaısha jambyldyq jastar saǵynysh aıyn, muń mezgilin júrek tórine máńgilik saqtap qalatyndaı kórkem keshtiń kýási boldy.

 

 

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar