Ádebıet • 11 Qarasha, 2019

Qalamgermen kezdesti

27 retkórsetildi

Tuńǵysh Prezıdent – Elbasy kitaphanasynyń mýzeıinde jazýshy, jýrnalıst, Parlament Senatynyń V-VI shaqy­rylymdarynyń depýtaty Jabal Erǵalıevpen kezdesý ótti.

Kezdesýge Qaraǵandy memle­kettik tehnıkalyq ýnıver­sıteti, D.Serikbaev atyndaǵy Shy­ǵys Qazaqstan memlekettik teh­nı­kalyq ýnıversıteti, SILKWAY ha­lyqaralyq ýnıver­sıtetiniń, sondaı-aq elordalyq joǵary oqý oryndarynyń stýdentteri qatysty.

Sulý sózdi ken qazǵandaı qa­zyp, jýrnalıstıkanyń maıyn ishken qalamgerdiń jas býynǵa aıtar ónegesi men ósıe­ti kóp eke­ni daýsyz. О́mir jolynda ne­ni temirqazyq etti, qan­daı soq­paqtardy basyp ótti, ustanymy qandaı, maq­sat-muratyna jetti me – jazý­shynyń jan syrynan osy saýal­dardyń jaýabyn tap­tyq. Taǵ­dyrynyń názik te she­tin tustaryna qanyqtyq. О́t­ken ǵasyrdaǵy júrekke salmaq sa­la­tyn aýyrtpalyqtar bul otbasyny da janaı ótpepti. Qajy atasynyń qýǵyndalýy, áke júregindegi úreı, alty ja­synda anadan aıy­rylý – bola­shaq qalamgerdi ómir­degi ádiletsizdiktermen kú­re­sý úshin myqty adam bop qa­lyp­tasýǵa ıtermelegen sııaqty. Mo­ıymaý, qajymaý, talmaı eńbek etý – jazýshynyń ustanymy osy.

«Sender múmkin adal eńbek­tiń óteýi bolmaıdy dep oılaıtyn shyǵarsyńdar. Biraq áste olaı emes. Adaldyqtyń da, adal eńbektiń de óteýi bolady. О́mir­de taza júrýge tyrysý kerek. Taza oılaý kerek. Mańdaı terdi tógip eńbek etý qa­jet. Sonda jol­­daryń ashylady. Maqsat-mu­rattaryńa jetesińder», degen ja­zýshy jas býynǵa ómirdegi bas­­ty qundylyqtar retinde t­a­zalyq pen adaldyqty nasıhattady. Jazýshylyq pen jýr­nalıstıkanyń qyr-syryn áńgi­meledi, shyǵarmashylyq zert­hanasynyń qupııasyn ashty. «Jas býyn jýrnalıster kóp oqyp, oqy­ǵanyn kóńilge kóp to­qýy qajet. Oqymaı jaza berýge de bolady. Biraq tildiń jutańdyǵy, oıdyń saıazdyǵy kórinbeı turmaıdy», – dedi qalamger.

Kezdesý sońynda stýdentter qalamgerdiń «Bultty túngi tolǵan aı», «Jolsapar jalǵasa beredi», «Qulpytastyń kóz jasy», «Leto bez dojdıa» syndy kitaptarynan quralǵan kórmeni tamashalap, shyǵarmashylyǵymen tanysty.

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar