Bes kún boıy Qazaqstannyń túkpir-túkpirinen 180-nen astam sportshy úzdik ataný úshin baq synady. Atletter tórt pán boıynsha synǵa tústi. Atap aıtqanda sporttyq vıntovkadan atý, 100 metrge erkin júzý, 60 metrge sprınt jáne 3000 metrge shydamdylyqqa júgirý.
Jarys qorytyndysy boıynsha ózderiniń jas toptary boıynsha armııalyq sportshylar Aleksandr Gorbachev (absolıýttik esepte 1 oryn), Aleksandr Ismaılov (absolıýttik esepte 2 oryn) jáne aǵa leıtenant Maksım Gýbarev chempıon atandy. «Kúmis» júldeni efreıtor Aǵybaı Nyǵymetov qanjyǵasyna baılady. QR QM Armııa ortalyq sport klýbynyń sportshylary Qazaqstan Qarýly Kúshteriniń qorjynyna tórt altyn jáne eki kúmis medal ákeldi.
«Sportshylar arasyndaǵy saıys tartysty ótti. Armııalyq sportshylar dene daıyndyǵy men sheberlikterin, kásibıligin kórsetip, laıyqty óner kórsetti. Chempıonat nátıjesi boıynsha bizdiń balalar sporttyq klýbtar arasynda birinshi komandalyq orynǵa ıe boldy», dedi áskerı kópsaıys boıynsha SSKA komandasynyń bastyǵy aǵa leıtenant Maksım Gýbarev.
