Is-sharaǵa agenttiktiń aýmaqtyq departamentteriniń basshylary, «Adaldyq alańy» joba keńsesiniń menedjerleri, Arnaıy monıtorıngtik toptyń músheleri, bilim basqarmalarynyń ókilderi, qoǵam qaıratkerleri, sondaı-aq Nur Otan partııasynyń músheleri qatysty.
Is-sharanyń basty maqsaty – rýhanı qundylyqtardy joǵary qoıatyn parasatty, sanaly jastardy qalyptastyrý.
Elordalyq departament basshysy Nurlan Qydyrbaev «Adaldyq saǵaty» aksııasy barysynda mektep oqýshylarymen kezdesý ótkizip, óskeleń urpaq arasynda adaldyq mádenıetin qalyptastyrý qaǵıdalary, ádil jáne adal eńbek etý, rýhanı-adamgershilik qundylyqtar týraly aıtty. «Parasattylyq degenimiz ne?» degen suraqqa uly oıshyldyń «Úsh-aq nárse adamnyń qasıeti: ystyq qaırat, nurly aqyl, jyly júrek» degen naqyl sózderimen mysal keltirip, túsindirip berdi.
«Adaldyq saǵaty» respýblıkalyq aksııasy aıasynda Sybaılas jemqorlyqqa qarsy qyzmettiń Nur-Sultan qalasy boıynsha departamentimen 6, 7, 8-synyp oqýshylary úshin 16 mektepte kezdesýler ótkizildi. Is-sharada 2,7 myńnan astam adam qamtyldy.
Jastar arasynda adaldyq, parasattylyq qaǵıdattaryn damytý jónindegi sharalar turaqty negizde ótkiziletin bolady.
