Saltanatty jıynǵa qala ákiminiń orynbasary Baqtııar Máken qatysyp, óskeleń urpaqtyń jadynda erliktiń sımvoly retinde saqtalýy kerektin aıtty.
– Raqymjan Qoshqarbaevtyń fashısterge qarsy soǵystaǵy erlikteri qazirgi urpaq úshin úlgi bolýy tıis. Búgingi is-sharanyń maqsaty – batyr Raqymjan Qoshqarbaev ekinshi dúnıejúzilik soǵysta erlik kórsetken batyrlardy eske alý. Bul baǵyttaǵy bizdiń jumysymyz mindetti túrde jalǵasady, – dep atap ótti Baqtııar Máken.
21 jasynda jańbyrdaı jaýǵan oqtan jasqanbaǵan leıtenant Raqymjan Qoshqarbaev pen qatardaǵy jaýynger Grıgorıı Býlatov, fashıster ordasyna bárinen buryn jetip, jeńis týyn Reıhstagqa tikkeni dúıim jurtqa málim. Q.Qýanyshbaev teatrynyń ártisteri qaıtpas qaısarlyq tanytqan batyrlardyń osyndaı qym-qýyt taǵdyr jolyn arqaý etken sahnalyq kórinisti el nazaryna usyndy. Qazaq estradasynyń jarqyn juldyzdary patrıottyq ánder shyrqap, sap túzegen ulandar jyrdan shashý shashty.
