Rýhanııat • 12 Qarasha, 2019

«Tekti sózdiń tóresi — terme» respýblıkalyq baıqaýy ótti

56 retkórsetildi

Qyzylorda qalasynda Mádenıet jáne sport mınıstrligi Til saıasaty komıtetiniń qoldaýymen «Aıtys aqyndary men jyrshy, termeshilerdiń halyqaralyq odaǵy» RQB uıymdastyrýymen «Tekti sózdiń tóresi — terme» atty respýblıkalyq jyrshy-termeshiler baıqaýy ótti. 

A.Toqmaǵambetov atyndaǵy Mádenıet ortalyǵynda ótken saıysqa Respýblıkanyń 14 oblysy men 3 megapolısinen 17 ótinish túsip, is júzinde 13 úmitker óner kórsetti. Is-sharany «Aıtys aqyndary men jyrshy, termeshilerdiń halyqaralyq odaǵy» RQB Basqarma tóraǵasy J. Erman men Qyzylorda oblystyq ákimdigi Ishki saıasat basqarmasynyń basshysy T.Maqanov sóz sóılep ashyp berdi.

QR Halyq ártisi Q. Bekbosynov tóraǵalyq etken qazylar alqasynyń quramynda Mádenıet qaıratkeri, jyrshy E.Shaldybekov, «Daryn» memlekettik jastar syılyǵynyń, «Qurmet» ordeniniń ıegeri, aqyn B.Shoıbekov, Mádenıet salasynyń úzdigi, ónertanýshy E.Qaınazar, eki dúrkin «Altyn dombyra» ıegeri M.Nııazov qazylyq etti.

Baıqaý qorytyndysy boıynsha bas júlde — Elbol Qýanbekke (Almaty oblysy) buıyrdy. I oryn Aıdana Shynbolatqa (Shymkent), eki II oryndar Muhamedáli Bekpeıisov (Qyzylorda) jáne Tańnur Álbosynǵa (Kókshetaý) buıyrdy. III orynǵa Gúlbaǵym Qaıyrjanova (Almaty) men Saltanat Qısatovaǵa (Pavlodar) tıesili boldy.

Júldegerler men qatysýshylar Mádenıet jáne sport mınıstrliginiń dıplomymen jáne qarjylaı syılyqtarmen marapattaldy.

 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar