Qazaqstan • 12 Qarasha, 2019

Bıyl 10 aıda jalpy et óndirý kólemi 5,5%-ǵa artty

76 retkórsetildi

Aýyl sharýashylyǵy mınıstri S. Omarov Premer-Mınıstr A. Mamınniń tóraǵalyǵymen ótken Úkimet otyrysynda 2019 jylǵy qańtar-qazandaǵy aýyl sharýashylyǵy salasyn damytý týraly baıandady. Bul týraly primeminister.kz habarlady. 

S. Omarov mal sharýashylyǵynda jalpy ónim shyǵarylymy 3,9%-ǵa artqanyn, onyń ishinde et óndirisi 5,5%-ǵa, sút óndirisi 3,2%-ǵa óskenin atap ótti.

«Mal sharýashylyǵy ónimderi óndirisiniń ósýi mal sharýashylyǵyndaǵy nesıelendirý baǵdarlamalarynyń sátti iske asyrylýyna baılanysty boldy», — degen S. Omarov, osy jyldyń 10 aıynda 78,9 myń bas iri qara mal satyp alýǵa 806 sharýashylyqqa nesıe berilgenin, ótken jyldyń osyndaı kezeńinde 39,1 myń bas satyp alýǵa 412 sharýashylyqqa nesıe berilgenin aıtty.

954 sharýashylyqqa 337,4 myń bas kóleminde usaq analyq mal basyn satyp alýǵa kredıt berildi, bul 2018 jyldyń 10 aıymen salystyrǵanda 223,9 myń basqa jáne 624 sharýashylyqqa kóp.

«Yrys» baǵdarlamasy boıynsha jyl basynan beri jalpy sany 1 600 basqa arnalǵan úsh ónerkásiptik taýarlyq sút kesheni jáne 712 basqa arnalǵan 8 otbasylyq taýarlyq sút fermasy iske qosyldy (2018 jyly – 6 myń basqa arnalǵan 18 otbasylyq, 7 ónerkásiptik taýarlyq sút fermasy).

Bıyl 15 myń basqa arnalǵan úsh bordaqylaý alańy paıdalanýǵa berildi, eki bordaqylaý alańynda mal orny 35 myń basqa deıin ulǵaıtyldy. 

Osy kezeńde tamaq ónimderin óndirý 2,1%-ǵa, sýsyn óndirý 13,9%-ǵa ósti.

Esepti kezeńde salaǵa 379,4 mlrd teńge ınvestısııa tartyldy, bul ótken jyldyń osyndaı kezeńimen salystyrǵanda 37%-ǵa kóp. О́sim «QazAgro» holdınginiń kredıttik ónimderin iske asyrý arqyly qamtamasyz etildi.

Máselen, osy jyldyń 10 aıynda kredıt berý kólemi ótken jyldyń osyndaı kezeńimen salystyrǵanda 32%-ǵa artyp, 362 mlrd teńgeni qurady.

90 mlrd teńge somasyna 5 531 birlik aýyl sharýashylyǵy tehnıkasy men jabdyǵyn lızıngke alýǵa sharttar jasaldy, bul ótken jyldyń osyndaı kezeńimen salystyrǵanda 57%-ǵa kóp.

Budan ózge, qazirgi ýaqytta sheteldik ınvestorlardyń qatysýymen jalpy somasy $3 mlrd-tan astam qarajatqa barlyǵy 30-ǵa jýyq iri ınvestısııalyq joba iske asyrylýda. Jobalardy qarjylandyrý ınvestorlardyń óz qarajaty esebinen de, ekinshi deńgeıli bankter men «QazAgro» holdınginiń enshiles kompanııalary arqyly da júzege asyrylýda.

«Jańa ótkizý naryqtaryn ashý úshin Aýyl sharýashylyǵy mınıstrligi ımporttaýshy elderdiń fıtosanıtarııalyq jáne veterınarııalyq talaptaryn kelisý boıynsha josparly jumystar júrgizýde», — dedi mınıstr S. Omarov.

Búgingi kúni agroónerkásiptik keshen ónimderiniń 19 túrine Qytaı naryǵyna shyǵýǵa ruqsat berildi. Bul — sıyr eti, qoı eti, tiri jylqy, balyq, bal, bıdaı, bıdaı kebegi, soıa burshaǵy, jońyshqa, raps kúnjarasy, arpa, júgeri, bıdaı uny, sút ónimderi, jún shıkizaty, zyǵyr tuqymy, shoshqa eti, azyqtyq bıdaı uny. 

Sondaı-aq, qoı eti, sıyr eti, tiri iri qara mal jáne soıýǵa arnalǵan usaq mal, taǵamdyq jumyrtqa boıynsha Iran men Birikken Arab Ámirlikteri, balyq, maıly daqyldar men azyqtar boıynsha Eýropa odaǵy, tiri iri qara mal jáne soıýǵa arnalǵan usaq mal boıynsha Saýd Arabııasy, sıyr jáne qoı eti boıynsha Bahreın sekildi jańa ótkizý naryqtary ashyldy.

Sonyń nátıjesinde 2019 jyldyń 8 aıynda agroónerkásiptik keshen ónimi eksportynyń kólemi $2 040,6 mln qurady, bul 2018 jyldyń osyndaı kezeńimen salystyrǵanda 9%-ǵa kóp.

Sońǵy jańalyqtar

Almatyda Abaı klýby ashyldy

Rýhanııat • Keshe

Dımash Qudaıbergen tyńdarmandaryna alǵys aıtty

Rýhanııat • 14 Jeltoqsan, 2019

Ǵalymdar: Adam qysta az jumys isteýi kerek

Qoǵam • 14 Jeltoqsan, 2019

Neımar «Barselonany» taǵy da sotqa berdi

Fýtbol • 14 Jeltoqsan, 2019

Atyraý oblysy Táýelsizdik kúnin atap ótti

Aımaqtar • 14 Jeltoqsan, 2019

Mańǵystaýda «Jyl adamy - 2019» anyqtaldy

Aımaqtar • 14 Jeltoqsan, 2019

Aqtaýda turǵyn úı paıdalanýǵa berildi

Aımaqtar • 14 Jeltoqsan, 2019

Almatylyqtarǵa memlekettik marapat tapsyryldy

Aımaqtar • 14 Jeltoqsan, 2019

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar