Qazaqstan • 12 Qarasha, 2019

Qazaqstannyń ǵarysh salasyn damytý máseleleri talqylandy

59 retkórsetildi

Premer-Mınıstr Asqar Mamın «Qazaqstandaǵy ǵarysh kúnderi: Baıqońyr – álemdik ǵaryshkerlik besigi» forýmynyń ashylýyna qatysty. Bul týraly primeminister.kz habarlady. 

Úkimet basshysy «Roskosmos» korporasııasynyń basshysy D. Rogozınmen jáne «One Web» kompanııasynyń qarjy dırektory T. Ýeınmen kezdesýler ótkizdi, olarmen Qazaqstannyń ǵarysh salasyn damytý máseleleri talqylandy.

«Elbasy N. Nazarbaev pen Prezıdent Q. Toqaev “Baıqońyr” ǵarysh aılaǵynyń ınfraqurylymyn damytýǵa jáne ony aldyńǵy qatarly standarttarǵa sáıkestendire otyryp, jańǵyrtýǵa erekshe kóńil bóledi», — dedi A. Mamın Forýmnyń ashylýynda. 

Úkimet basshysy álemniń alǵashqy ǵarysh aılaǵy óziniń damýynyń jańa kezeńi qarsańynda ekenin, bul kúshterdi, ıdeıalardy jáne seriktestik qoldaýdy shoǵyrlandyrýdy qajet etetinin atap ótti.

«Elordamyz Nur-Sultan qalasynda Qazaqstan men Fransııa kásiporyndarynyń kooperasııasy aıasynda túrli maqsattaǵy spýtnıkterdi qurastyrýǵa jáne synaqtan ótkizýge múmkindik beretin Ǵarysh apparattaryn qurastyrý-synaý keshenin qurý aıaqtalýǵa jaqyndap qaldy. Bul joba turaqty jáne uzaq merzimdi qazaqstandyq-fransýz ónerkásiptik kooperasııasyna arnalǵan», — dedi A. Mamın.

Premer-Mınıstr qazaqstandyq kásiporyndar men vedomstvolardyń BAÁ, Túrkııa, AQSh, Iordanııa, Ońtústik Koreıa, Ýkraına, Ulybrıtanııa, Japonııa, Qytaı jáne basqa da kóptegen eldiń ǵarysh salasyndaǵy uıymdarmen jumystary belsendi júrgizilip jatqanyn atap ótti. Jýyrda Jerdi dıstansııalyq zondtaý derekterimen almasý, JDZ jerseriktik toptamalaryn birlesip óndirý jáne kommersııalandyrý boıynsha yntymaqtastyqty damytý kózdelip otyr.

«Biz baılanys jerserigin óndirý boıynsha ónerkásiptik kooperasııaǵa, Baıqońyr ǵarysh aılaǵynda birlesken ınvestısııalyq kommersııalyq jobalardy júzege asyrýǵa ashyqpyz», — dedi A. Mamın.

Úkimet basshysy Forým qatysýshylarymen Qazaqstannyń baılanys ǵarysh júıelerin jáne JDZ qarjylandyrýdy $300 mln deıin jetkizý boıynsha josparlarymen bólisti, onyń ishinde jeke kapıtaldy tartý kózdelgen. Jaqynda Baıqońyr ǵarysh aılaǵynda «Báıterek» ekologııalyq qaýipsiz ǵarysh zymyran keshenin qurý boıynsha aýqymdy jobany iske asyrý bastalady, bul keshen reseılik taraptyń bastamasymen «Nazarbaev starty» dep qaıta ataldy.

«Baıqońyr ǵarysh aılaǵynda №1 “Gagarın starty” starttyq alańyn jańǵyrtý boıynsha jobany pysyqtaý júrgizilýde», — dedi A. Mamın.

«Qazaqstandaǵy ǵarysh kúnderi» halyqaralyq forýmy jyl saıyn 2013 jyldan beri ótkizilip keledi. Bıylǵy is-sharaǵa álemniń 25-ten astam elinen 650 qatysýshy — Sıfrlyq damý, ınnovasııalar jáne aeroǵarysh ónerkásibi mınıstrliginiń basshylary, Parlament Májilisi jáne Senat depýtattary, Qazaqstan Respýblıkasynyń ǵaryshkerleri, sheteldik memleketterdiń elshilikteriniń ókilderi, «Roskosmos», «Airbus Defence and Space» korporasııalarynyń ókilderi, otandyq jáne sheteldik uıymdar: «M. V. Hrýnıchev atyndaǵy MǴǴО́O», «M.F. Reshetnev atyndaǵy AJJ» AQ, «Transtelekom», «One Web», «Thales Alenia Space», SES, «Leica Geosystems, Satrec Initiative», «Eutelsat» jáne basqalary qatysty. 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar