Ekonomıka • 12 Qarasha, 2019

Janarmaı óndirý kólemi 3,6 mln tonnany qurady

66 retkórsetildi

Energetıka mınıstrliginiń derekteri boıynsha, osy jylǵy 10 aı qorytyndysy boıynsha munaı jáne kondensat óndirý kólemi 74,8 mln tonnany qurady. Bul 2018 jyldyń sáıkes kezeńimen salystyrǵanda 0,3% artyq nemese osy jylǵy 10 aıynyń josparyna 102% qurady. Bul týraly primeminister.kz habarlady. 

«Bıyl úsh iri munaı-gaz jobasynda kúrdeli jóndeý jumystary sátti aıaqtaldy: Qashaǵanda kúrdeli jóndeý jumystary jospardan 15 kún buryn aıaqtalǵan; Teńizde 3 kún buryn aıaqtaldy, Qarashyǵanaqta jóndeý jumystary 2019 jylǵy 15 qyrkúıekten 13 qazan aralyǵynda ótkizildi. Negizgi óndirister toqtatylǵanyna qaramastan, osy jobalardaǵy óndirý qarqyny jospardan asa oryndalýda», — dedi birinshi vıse-mınıstr.

Osy jyldyń 10 aıy ishinde Qashaǵanda 11,5 mln tonna munaı óndirildi, bul 2018 jyldyń uqsas kezeńine 7,4 % ósim kórsetýde jáne jospardan 6,4% artty. Teńizde 24,6 mln tonna munaı óndirildi. Bul 2018 jyldyń uqsas kezeńine 5,1% jáne jospardan 2,5%-ǵa ósim kórsetip otyr. Qarashyǵanaqta 9,1 mln tonna munaı óndirildi, bul 2018 jyldyń uqsas kezeńine 9% tómen, biraq jospardan 2,2%-ǵa joǵary.

M. Dosmuhambetov atap ótkendeı, osyndaı óndirý qarqynyn eskere otyryp, Mınıstrlik respýblıkada jyldyq óndirý kólemi 90,5 mln tonnaǵa deıin kóteriledi dep boljaıdy. 2018 jyldyń 90,4 mln tonna kólemindegi nátıjesin artýǵa múmkindigi bar.

«Osy jyldyń 10 aıy ishinde gaz óndirý kólemi 46,3 mlrd tekshe metrdi qurady. Bul 2018 jyldyń uqsas kezeńine 1,5% ósim kórsetip otyr. Jyl basynan beri 10 aıy ishinde munaı óńdeý kólemi 14,17 mln tonnany qurady. Bul 2018 jyldyń uqsas kezeńine 5% ósim kórsetip otyr. Biraq 10 aıdyń josparynan 1,2% tómen. Bul rette, 2019 jyldyń jospary 17 mln tonna, boljam 17,1 mln tonnaǵa deıin kóterildi», — dedi ol. 

Negizgi munaı ónimderi – benzın, dızel otynyn, áýe otynyn jáne mazýt boıynsha óndirý kólemi 10,5 mln tonnany kurap otyr. Bul 2018 jyldyń uqsas kezeńine 10,2% astam ósim kórsetip otyr. Avtobenzın óndirý kólemi 3,6 mln tonnany qurady nemese 2018 jyldyń uqsas kezeńine 112,5% ósýde.

«Avtobenzın óndirý kólemi elimizdiń ishki tutynýyn tolyq qamtamasyz etedi. Osy jyly shilde aıynan bastap avtobenzın eksporty bastaldy, eksport kólemi 42,6 myń tonnany qurady. Jalpy, munaı ónimderi naryǵynda jaǵdaı turaqty. Janar-jaǵarmaı tapshylyǵy baıqalmaıdy», — dedi birinshi Energetıka vıse-mınıstri.

Bıylǵy 11 qarashadaǵy jaǵdaı boıynsha, Qazaqstanda Aı-92 markaly benzınniń bólshek saýda baǵasy – 148,5 teńgeni quraıdy.

Áýe otynyn óndirý kólemi 524,5 myń tonnany nemese 2018 jyldyń uqsas kezeńine 182% qurap otyr. Dızel otyny 4,1 mln tonna óndirildi nemese 2018 jyldyń uqsas kezeńine 108,1% kórsetip otyr. Bıylǵy 11 qarashadaǵy jaǵdaı boıynsha, Qazaqstanda jazǵy dızel otynyna bólshek saýda baǵasy 193 teńgeni quraıdy.

11 qarasha jaǵdaıy boıynsha elimizdiń ishki naryǵynda janar-jaǵarmaı qaldyqtardyń qory: Aı-92 benzıny – 185,2 myń tonna, dızel otyny – 133,1 myń tonna qurap otyr.

Dızel otynyn jetkizý grafıgi boıynsha aýyl sharýashylyǵy taýar óndirýshilerine 394 myń tonna, onyń ishinde 8 qarasha kúnine – 366,5 myń tonna nemese 92,8% tıep-jóneltildi.

Taýarlyq gaz óndirý kólemi 27,12 mlrd tekshe metrdi qurap otyr. Bul 2018 jyldyń uqsas kezeńine 98,6% kórsetip otyr. Taýarlyq gazdy ishki tutyný kólemi 11,8 mlrd tekshe m qurap, 2018 jyldyń uqsas kezeńimen salystyrǵanda 3%-ǵa ósim kórsetti. Gaz eksporty 15,3 mlrd tekshe metr, nemese 2018 jyldyń uqsas kezeńine 91,1% qurap otyr.

Elektr energııasyn óndirý 85,9 mlrd kVt.saǵ nemese 2018 jyldyń uqsas kezeńine 98,1% qurady. Elektr energııasyn óndirý sektorynda aǵymdaǵy jyldyń 10 aıy ishinde qýaty 402 MVt bolatyn 14 jańartylatyn elektr energııasy obektisi iske qosyldy. Jyldyń sońyna deıin qýaty 104,8 MVt jańadan 4 jańartylatyn elektr energııasy obektisi iske qosylatyn bolady.

«JEK elektr energııasyn óndirý kólemi aǵymdaǵy jyldyń 10 aıy ishinde 1,7 mlrd kVt/saǵ qurady, 2018 jyldyń uqsas kezeńine qaraǵanda 65%-ǵa ósim kórsetti. Elektr energııasyn óndirý kólemindegi JEK úlesi 2%. Jalpy, respýblıka boıynsha 2018 jylmen salystyrǵanda JEK obektileriniń sany 2019 jyly 20 obektige artty: 67-den 87-ge deıin, JEK obektileriniń jıyntyq qýaty 1,9 ese artty: 2018 jylǵy 537 MVt-tan 2019 jyly 1042 MVt-qa deıin», — dedi birinshi vıse-mınıstr.

Ýran óndirý kólemi shamamen 18,7 myń tonnany qurap, 2018 jyldyń uqsas kezeńine qaraǵanda 5%-ǵa nemese aǵymdaǵy jylǵy 10 aı josparyna 0,8%-ǵa ósim kórsetti.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar