100 • 12 Qarasha, 2019

Almaty oblysynyń ákimi Darhan Qydyrálini qabyldady

119 retkórsetildi

Búgin Almaty oblysynyń ákimi Amandyq Batalov basylymnyń ǵasyrlyq mereıtoılyq sharalary aıasynda Taldyqorǵan qalasyna kelgen «Egemen Qazaqstan» respýblıkalyq gazeti» AQ Basqarma tóraǵasy Darhan Qydyrálini qabyldady. Bul týraly Almaty oblysy ákimdiginiń baspasóz qyzmeti habarlady. 

Bas basylym jetekshisin qarsy alǵan oblys ákimi Amandyq Batalov aldymen óńirdiń áleýmettik-ekonomıkalyq damýy jóninde qysqasha baıandap berdi. Aımaqtaǵy aýyl sharýashylyǵy, sonyń ishinde qant óndirisi, júgeri ósirý, mal bordaqylaý jaıyna, áleýmettik qorǵaý sharalaryna, týrızmdi órkendetý isine toqtalyp ótti. Osyndaı atqarylǵan isterdi halyqqa jetkizýdegi «Egemen Qazaqstan» gazetiniń róli erekshe ekenin de atap ótti.

- Búgingi kúni ınternet-jýrnalıstıka damydy, blogerler belsendi dep jatamyz, biraq sózi salmaqty, máselelerdi baıypty, obektıvti bere alatyn gazetterdiń orny qashanda bólek. Osyndaı basylymdar - árdaıym bizdiń basty minberimiz. Keıde aımaqtardaǵy kemshilikterdi BAQ arqyly bilip otyramyz. Bul jaǵynan bizge syn materıaldar da kómektesedi. Sebebi bizdiń barlyq jerge barýǵa múmkindigimiz bola bermeıdi. Sondyqtan sizderdiń eńbekterińizdi baǵalaımyz. Bıyl «Egemen Qazaqstan» basylymyna 100 jyl tolyp otyr. Bul – úlken beles. Mereıtoılyq sharalarǵa Almaty oblysy da belsene atsalysady. Biz óz tarapymyzdan qashanda qoldaý kórsetýge daıynbyz, - dedi A. Batalov.

О́z kezeginde Darhan Qydyráli Almaty oblysynyń, sonyń ishinde Taldyqorǵan qalasynyń úzdiksiz túrlenip kele jatqanyna tańdanysyn jasyrmady.

- Elimizde erekshe órkendep kele jatqan úsh qalany atar edim. Onyń birinshisi elordamyz Nur-Sultan qalasy – Elbasynyń tól týyndysy, ekinshisi – Túrkistan, Elbasynyń bastamasymen ortalyq mártebesine ıe bolyp, damýdyń jańa satysyna kóterilýde. Úshinshisi – Taldyqorǵan, Elbasynyń týǵan jeri. Ár kelgen saıyn Taldyqorǵannyń tanymastaı ózgeretinine tántimin. Oblys ortalyǵy ǵana emes, jalpy Almaty oblysynyń damý qadamdaryn «Egemen Qazaqstan» gazeti únemi jazyp, kórsetip keledi. Eldiń ıgiligine qyzmet etý – bizdiń ortaq mindetimiz, - dedi D. Qydyráli.

Basylym basshysy ǵasyrlyq mereıtoıdy uly tulǵalarmen baılanystyra otyryp, taǵzym, taǵylym sıpatynda ótkizýdi jón kórgenderin aıtty. Máselen, bas basylymdy basqarǵan 18 qaıratkerdiń 15-i repressııa kezinde atylyp, ózgesi qýǵyn-súrginge ushyraǵan. Sondyqtan gazettiń 100 jyldyq jylnamasy qazaq tarıhynan tys emes. Gazet bul baǵyttaǵy alǵashqy saparyn Abaı elinen bastap, Jıdebaı jerine taǵzym etip qaıtqan eken. Al bıyl 125 jyldyq mereıtoıy atalyp ótken jyr Qulageri Ilııas Jansúgirovtiń esimi de erterektegi «Eńbekshi qazaq» gazetimen baılanysty. Sondyqtan Jetisý jerindegi sapar Ilııas muralarymen sabaqtastyrylatyn bolady.  

Kezdesý sońynda basylymdy 100 jyldyǵymen quttyqtaǵan oblys ákimi A.Batalov gazettiń ósip-órkendep, jaqsy jańalyqtardyń jarshysy bola berýine tilektestigin bildirdi.

Jalpy, osy sapar aıasynda D. Qydyráli I. Jansúgirovtiń ádebı-memorıaldyq mýzeıinde, I. Jansúgirov atyndaǵy Jetisý memlekettik ýnıversıtetinde, Saltanat saraıynda jetisýlyq oqyrmandarmen, stýdenttermen, oblys jurtshylyǵymen júzdesip, pikir almasady dep josparlanǵan.

 

Sońǵy jańalyqtar

Tarazda sý tarıfi kóteriledi

Aımaqtar • Búgin, 16:40

Týberkýlez derti eki saǵatta anyqtalady

Medısına • Búgin, 12:20

Aýyr atletter Katarǵa attanady

Aýyr atletıka • Búgin, 12:08

Jaqsy aýdanyndaǵy jaqsy ister

Aımaqtar • Búgin, 11:49

Kópbalalylarǵa kómek

Aımaqtar • Búgin, 11:41

Keńeste jastar máselesi talqylandy

Aımaqtar • Búgin, 11:15

Ken alybynda qaıǵyly oqıǵa boldy

Aımaqtar • Búgin, 10:58

Qazaq kúresinde qapy qalmady

Kúres • Búgin, 10:23

Kıeli jerlerge saıahat sabaǵy ótti

Aımaqtar • Búgin, 10:13

Kúlki kerýeni № 22

Rýhanııat • Búgin, 09:45

Qazaq úshin Jeltoqsan jyldyń basy...

Qazaqstan • Búgin, 09:21

Farıza aqynnyń ustazy

Rýhanııat • Búgin, 07:41

Armenııamen yntymaqtastyq damıdy

Parlament • Búgin, 07:37

Joldaýdyń tıimdiligi arttyrylýy tıis

Prezıdent • Búgin, 07:34

Uqsas jańalyqtar