Rýhanııat • 14 Qarasha, 2019

«Arý» – kóz arbaǵan kórkemdik álemi

25 retkórsetildi

Nur-Sultan qalasynda «Arý-2019» halyqaralyq zergerler kórmesi otyz úshinshi ret ótti. Armenııa, Grýzııa, Polsha, Daǵys­tan men Iаkýtııany qosa alǵanda Reseıdiń túrli aımaqtary, odan bólek irgedegi О́zbekstan, Túrkııanyń eń ozyq kásiporyndary usynǵan dástúrli klassıka men jańa dızaındaǵy kózdiń jaýyn alar zergerlik buıymdar san alýandyǵymen tańdaı qaqtyrdy.

Dástúrli kórme tek bizdiń el­diń eń úzdik zergerlik kompanııa­laryn ǵana emes, alys-jaqyn shetel zergerleriniń jetistikterin de bir jerge toǵystyrypty. Jyl­­dardy artqa tastap túrlene ózge­retin zergerlik buıymdardyń sáni men stıli maýsym saıyn jańaryp otyratynyn shyndyq. Al halyqaralyq kórme jańa ba­­ǵyt­tardan habardar bolyp otyrýǵa múmkindik berip, zamanaýı jetekshi zergerlerdiń jar­qyn dızaınerlik sheshimderin áıgileıdi. Bıylǵy kórmeniń aýqy­­my jyldaǵyǵa qaraǵanda keńeıe túsken, máselen saǵat qu­mar­lar jandar úshin «Eta», «Ronda», «Epos», «Deep Blue» syndy shveı­sarııalyq, Ja­ponııanyń «Citizen» syndy tanymal zergerlik brend­teri satylymǵa qoıyldy.   

– «Arý» kórmesi Qazaqstannyń zergerlik óner salasyndaǵy áýes­­­qoılar men kásibı, sondaı-aq ózge de shet aımaqtardan kel­gen mamandardyń basyn qosqan aýqym­­dy jıyn. Zergerlik bız­nes­tegi sońǵy jańalyqtar men jańa baǵyttar osynda tanysty­rylady. Munda bıznes pen óner bir arnaǵa toǵysyp jatyr. Son­dyqtan 100-den astam kom­panııa men jekelegen sheber­ler qatysyp jatyr. Biraq eń bastysy, Qazaqstandaǵy zer­gerlik bıznes salasynyń damýyn árdaıym qaperde us­taımyz. Kórme bastal­ǵan alǵash­qy jyldary jumysyn endi bas­taǵan keı sheberler qazir ón­diris kompanııalaryn tanys­tyryp júr. Sondyqtan búgingi kórmeniń otandyq sheberlerge aıtarlyqtaı múmkindik be­rip kele jatqany ras, –  deıdi «QazEKSPO» halyqaralyq kór­me kompanııasynyń dırektory Rımma Ǵalymjanova.

Reseıdiń zergerlik astanasy sa­na­latyn Kostroma, káriptas óner­­kásibiniń eń úlken klasteri shoǵyr­lanǵan Kalınıngrad, sondaı-aq Belgorod, Ivanov, Iаroslavl oblys­tarynyń ujym­dyq ekspozısııalary uıym­dastyrylyp, jappaı óndiris mindet­terimen shektelmegen eks­klıýzıvti buıymdarǵa qyzyq­qan­dardyń qarasy kóp boldy.

«Shyǵarmashylyq kompanııa­lar men zergerlik sheberlerge arnal­ǵan is-sharanyń jyl sa­ıyn ótki­zilýi Reseı men Qazaqstan ká­sip­oryndarynyń yntymaǵyn arttyrdy. Orys halqynyń kór­kem qol­óneriniń, sonymen birge sońǵy úrdisterdi tap basqan zer­gerlik ónerdiń maıtalmandaryn bir alańǵa jınap otyr. Iаroslavl oblysynyń kompanııalaryna yńǵaıly múm­­kindik bergeni úshin alǵys bil­diremiz», degen «Iаroslavl obly­synyń eksport ortalyǵy» KEAU bas dırektory N.Bagrova kórme jumysyna sáttilik tiledi.

Al armıan zergerleriniń kórmege turaqty atsalysýy belgili bir dás­túrge aınalyp úlgergendeı. Altyn men kúmisten soǵylǵan áshe­­keıler dástúrli oıý-órnekke negiz­delgenimen, búgingi dızaın údesinen kórine bilipti. Kórmeni asyqpaı aralaı júrip, ózimizdiń týysqan halyq qoı dep Sibirden kelgen aǵaıynymyzdyń sórelerin de ja­ǵalap kórdik. Iаkýt mádenıetiniń basty ıgiliginiń biri – áıel áshe­keıleri.

«Qazaqstanda ótetin «Arý» kór­­mesine jyl saıyn qatysyp kelemiz. Saha gaýharlary men kú­mis­ten jasalǵan áshekeı buıym­daryn osynda alyp kel­dik. Olar sapasy men ózindik sıpattam­asymen daralanady», degen kompanııa dırektory qazirgi tańda kúrdeli forma­symen jáne ózindik konstrýksııa­symen erekshelenetin metall áshe­­­keılerdiń myńjyldyqtarǵa jalǵasqan arhaıkalyq sıpatyn saqtap kele jatqanyn aıtady.

Qazaq zergerlik ónerin jańa beleske shyǵarǵan aıshyqty da tartymdy qolóner áshekeıleri atalǵan kórmede keń tanystyryldy. Dál osy jerden saqına, syrǵa, alqa deısiz be, kádesyılardyń túr-túrin baǵasy men sapasyna qa­raı tańdaı alasyz. 16 jyldan beri jumys istep kele jatqan «Jemchýjına» zergerlik kásiporny es­kızden daıyn buıymǵa deıin to­lyq óndiristik sıkldi qamtıdy. Barlyq halyqaralyq standartqa sáıkes keletin kásiporynnyń ózi­niń óndiristik bazasy men dı­zaı­nerlik toby bar.

– Aldymen affınaj zaýytynan taza altyn quımasy satyp alynady. Odan keıin Qaraǵandydaǵy ónerkásip ortalyǵynda 585 syna­ma­syna sáıkes qyzyl, aq, sary altyn óndiriledi. Arnaıy sýretshi, zer­gerlermen jumys isteımiz, – deıdi atalǵan kásiporynnyń ke­ńes­shi-satýshysy Aınur Maqa­janova.

Jyl saıyn ótetin halyqaralyq is-shara          el turǵyndary úshin zer­gerlik ónerdiń, sán men symbat­tyń naǵyz merekesi bolyp sanalady. Eń talǵampaz sánqoıdyń ózin qýanta alatyn sapaly buıym­dar­dyń aýqymdy toptamasy – «Arý» zergerlik kórmesiniń basty ereksheligi.

 

Sońǵy jańalyqtar

Qazaq kúresi jańa kezeńge aıaq basty

Ulttyq sport • Búgin, 19:28

Basylym basshylary - Júsipbek AIMAÝYTOV (1889-1931)

Basylym basshylary • Búgin, 17:42

Elimizdiń basym bóligin tuman basady

Qazaqstan • Búgin, 17:01

Basylym basshylary - Smaǵul SÁDÝAQASOV (1900-1933)

Basylym basshylary • Búgin, 16:53

Almatyda Abaı klýby ashyldy

Rýhanııat • Búgin, 16:22

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar