A.Toqmaǵambetov atyndaǵy Mádenıet ortalyǵynda ótken saıysqa respýblıkanyń 14 oblysy men 3 megapolısinen 17 ótinish túsip, is júzinde 13 úmitker óner kórsetti. Is-sharany «Aıtys aqyndary men jyrshy, termeshilerdiń halyqaralyq odaǵy» RQB Basqarma tóraǵasy J.Erman men Qyzylorda oblystyq ákimdigi Ishki saıasat basqarmasynyń basshysy T.Maqanov sóz sóılep ashyp berdi.
Halyq ártisi Q.Bekbosynov tóraǵalyq etken qazylar alqasynyń quramynda Mádenıet qaıratkeri, jyrshy E.Shaldybekov, «Daryn» memlekettik jastar syılyǵynyń, «Qurmet» ordeniniń ıegeri, aqyn B.Shoıbekov, «Mádenıet salasynyń úzdigi», ónertanýshy E.Qaınazar, eki dúrkin «Altyn dombyra» ıegeri M.Nııazov qazylyq etti.
Baıqaý qorytyndysy boıynsha bas júlde – Elbol Qýanbekke (Almaty oblysy) buıyrdy. I oryn Shynbolat Aıdanaǵa (Shymkent), eki II oryn Bekpeıisov Muhamedálige (Qyzylorda) jáne Álbosyn Tańnurǵa (Kókshetaý) buıyrdy. Úshinshi oryndy Qaıyrjanova Gúlbaǵym (Almaty) men Qısatova Saltanat (Pavlodar) enshiledi.
Júldegerler men qatysýshylar Mádenıet jáne sport mınıstrliginiń dıplomymen jáne qarjylaı syılyqtarmen marapattaldy.
