Aımaqtar • 14 Qarasha, 2019

Mańǵystaýda polıseıler Assambleıa ókilderimen kezdesti

72 retkórsetildi

Aqtaý qalasy Polısııa basqarmasynda Etnomádenı birlestikteriniń ókilderiniń qatysýymen konferensııa uıymdastyryldy. Bul týraly Mańǵystaý oblystyq Polısııa departamenti habarlady.

Halyqtar dostyǵy, beıbitshilik pen kelisimdi nyǵaı­týda atqarylyp jatqan is-sharalarǵa ún qosý maqsatyndaǵy jıynǵa Mańǵystaý oblysy QSB qyzmetkerleri, Aqtaý qalasy PB qurylymdyq bólinisterinde qyzmet etip júrgen ózge ult ókilderi qatysty.

-Elbasy júrgizip otyrǵan saıasattyń bir tini ultaralyq tatýlyq ekeni málim.Etnomádenı birlestikteriniń ókilderi Qazaqstanda tatýlyq pen beıbitshilik tini ornyǵyp, osynda meken etetin barlyq etnostardyń kóp ǵasyrlyq salt-dás­túrleri men mádenıetiniń saq­talýy men jandanýyna ólsheýsiz úles qosqany úshin eń aldymen Elbasymyzǵa sheksiz alǵys bildiremiz. Mańǵystaý oblysynyń ishki ister organdarynda qyzmet etetin ózge ult ókilderi óte kóp. Qyzmetkerlerge barlyq jaǵdaı jasalǵan. Tipti menmlekettik tildi úırený «Qazaq tili» kýrstary da ashylǵan. Qyzmet barysynda barlyǵy bir úıdiń balasyndaı tatý-tátti, qarym-qatynastary ortaq, aýyzbirshiligi jarasqan. Qyzmetkerlerimizdiń arasynda maqtan tutatyn ózge ult ókilderi de bar. Olar osy qyzmettiń namysyn qorǵap, talaı jarystardyń júldeli oryndaryn qanjyǵalaryna baılaǵan. Biz bul qyzmetkerlerdi maqtan tutamyz, dedi baıandamasynda Aqtaý qalalyq PB KSb bastyǵy polısııa podpolkovnıgi Ilııas Kırbasov.

Konferensııa barysynda qatysýshylar pikir almasyp, birqatar usynystardy talqylady.

Bir otbasyndaı tatý-tátti ómir súrip jatqan qazaqstandyqtarǵa ózge el qyzyǵyp qaraıdy. «Birlik bar jerde tirlik bar» degen qaǵıdaǵa súıengen elimizde ár ulttyń óz tarıhy men mádenıetin nasıhattaýǵa múmkindik berilip, jaǵdaı jasalǵan. Osyǵan dálel – Dostyq úıi. Halyqtar arasyndaǵy dostyqty nasıhattap, ulttar arasyndaǵy qarym-qatynasty nyǵaıtýǵa kóńil bólip, sarabdal saıasat ustanyp otyrǵan memleketimizdiń jetistigi. О́zderińiz biletindeı, oblystyq Dostyq úıiniń negizgi qyzmeti Qazaqstan halqy Assambleıasy strategııasyn júzege asyrýǵa, túrli memlekettik baǵdar­lamalardy oryndaýǵa baǵyttalǵan. Olardyń eń negizgileri – mádenı-rýhanı keńistikti qazaqstandyq patrıotızm rýhy, qazaq ultynyń mádenıeti men memlekettik tili negizinde baıytý, oblystaǵy túrli etnostardyń salt-dástúrlerin, mádenıetin, tilin saqtap, damytýǵa birlese kúsh salý. Biz osyndaı birligi jarasqan Qazaq elinde turatynymyzdy árqashan maqtan etip júrýimiz tıis. Búgingi qoǵam polısııa qyzmetiniń eńbegin baǵalap jatyr. Biz de jumysymyzdy barynsha jandan­dyryp, basty baılyǵymyz – halyqtar dostyǵy, beıbitshilik pen kelisimdi nyǵaıtýǵa súbeli úles qosa beretin bolamyz, dedi Etnomádenı birlestiginiń jetekshisi Iýsýp Shahshaev.

Sondaı-aq «Shalom» evreı etnomádenı birlestiginiń tóraǵasy Kerjbaým Iýrıı, «Ehpaırýtıýn» armıan etnomádenı birlestiginiń tóraǵasy Kýrdoglıan Aırapet konferensııaǵa qatysqan jastarǵa Qazaqstan eliniń ultaralyq dostastyǵy, tarıhynyń ózge eldermen baılanysyna toqtalyp ótti.

-Sizder qoǵamnyń qaýipsizdigin qamtamasyz etip, ózge ult ókilderinen quralǵan qyzmetkerlerdi tárbıelep, halyq úshin aıanbaı qyzmet etip kelesizder. Elimizdiń turaqty damýyna, beıbitshilik pen kelisimdi qamtamasyz etýge úlken úles qosýdasyzdar. Men sizderge ıgilik, bizdiń halqymyzdyń birligin nyǵaıtýdaǵy iste tabystar, baqyt, beıbitshilik jáne ár januıaǵa bereke tileımin, dedi Madenova Raısa «Choson» káris ennomádenı birlestiginiń tóraıymy.

Sońǵy jańalyqtar

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Uqsas jańalyqtar