Aımaqtar • 15 Qarasha, 2019

Jambyl óńirindegi jarqyn jobalarmen tanysty

27 retkórsetildi

Premer-Mınıstrdiń orynbasary Berdibek Saparbaev Jambyl oblysyna jumys saparymen keldi. Berdibek Máshbekuly áýeli búginde qurylysy qarqyndy júrgizilip jatqan «Shahrıstan» etnomádenı kesheniniń jumysymen tanysty.

Búginde atalǵan keshendegi 8 nysan bo­ıynsha qurylys jumystary qyzý júr­gizilýde. Sonymen qatar Úkimet basshysynyń orynbasaryna stend arqyly «Tekturmas» etno-tarıhı keshenindegi jumystar da tanystyryldy. О́ńirge sapary barysynda Berdibek Saparbaev atqarylyp jatqan jumystarǵa oń baǵasyn berip, tarıhı Taraz shaharyn týrıstik ortalyqqa aınaldyrý kerektigin basa aıtty.

Jambyl oblysyna jumys sapary barysynda Berdibek Saparbaev Halyqaralyq Túrki akademııasynyń uıymdastyrýymen M.H.Dýlatı atyndaǵy Taraz memlekettik ýnıversıtetinde ótken «Talas quryltaıy: tarıh pen taǵylym» atty Altyn Ordanyń 750 jyldyǵyna arnalǵan halyqaralyq ǵylymı-tájirıbelik konferensııaǵa qatysty. Aıtýly sharany Halyqaralyq Túrki akademııasynyń prezıdenti Darhan Qydyráli júrgizip, Talas quryltaıynyń tarıhı mańyzyna toqtaldy. «Tarıhsyz bolashaq bolmaıdy. Prezıdent Qasym-Jomart Toqaev osy bastamany kóterip, talaı ǵasyrlyq tarıhy bar el ekenimizdi dúnıege kórsetý úshin Úkimetke tapsyrma berdi. Qazaq ultynyń tarıhy tereńde jatyr. Taraz qalasynyń 2000 jyldyq, Túrkistan qalasynyń 1500 jyldyq, Qazaq handyǵynyń 550 jyldyq tarıhı toıyn atap óttik. Endi tarıhı Tarazdy damytý kerek», dedi Berdibek Saparbaev. Budan keıin Jambyl oblysynyń ákimi Asqar Myrzahmetov sóz alyp, tarıhy tereń Tarazdyń tarıhyn talaıǵa tanytý kerektigine toqtaldy. Jalpy, atalǵan sharaǵa Mońǵolııa, Qyrǵyzstan, О́zbekstan, Tatarstan elderiniń ataqty ǵalymdary qatysyp, ózara pikir almasty.

О́ńirge jumys sapary barysynda B.Saparbaev Baızaq aýdanynda da bolyp, Qostóbe aýyldyq okrýgindegi jańadan paıdalanýǵa berilgen alǵashqy medısınalyq-sanıtarlyq kómek kórsetý nysanyna bardy. Nysandy aralaý barysynda Úkimet basshysynyń orynbasary bul baǵyttaǵy jumystardy Jambyl óńirinde jolǵa myqtap qoıýǵa bolatynyn jetkizdi. Máselen, ótken jyly óńirde 30 alǵashqy medısınalyq-sanıtarlyq kómek kórsetý nysany salynǵan bolsa, bıyl 65 nysannyń qurylysy júrgizilýde. Olardyń bári de jyl sońyna deıin paıdalanýǵa beriletin bolady. Jalpy, 95 nysannyń alǵashqy quny ońtaılandyrý arqyly 2-3 ese arzandatylǵan. Berdibek Saparbaev Jambyl oblysyndaǵy bul bastamany da oń baǵalap, ózge óńirlerge de úlgi etý kerektigin jetkizdi.

Jambyl oblysyna jumys sapary barysynda Berdibek Saparbaev Jambyl oblystyq qazaq drama teatrynda jergilikti jurtshylyqpen jáne zııaly qaýym ókilderimen de kezdesti. О́ńir turǵyndarynyń suraqtaryna jaýap berip, jalpy Jambyl oblysyn damytýdyń tıimdi jobalaryn usyndy.

 

Jambyl oblysy

 

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar