«Qazaq óneriniń has sheberleri Elýbaı О́mirzaqov, Ehsan Esetov, Baqytjan Baıqadamov, Qazbek Ábenov irgesin qalaǵan ujymnyń aty qazirde alysqa taraǵan. О́ner shańyraǵynyń bekı túsýine ujym ardagerleriniń qosqan úlesi qomaqty. Olar Vladımır Rydchenko, Aleksandr Kalýgın, Aleksandr Evsıýkov, Anatolıı Zarýba, Gennadıı Stakanov, Gúlbaný Abdýllına, Serik Ábilev, Qadyr men Maıra Qarjaýovtar, taǵy basqa da kóptegen ónerpazdar bolatyn. Oblystyń aınasyndaı óner ujymyndaǵy qazaq jáne orys ult aspaptary orkestrleriniń, ansamblderdiń ónerin tek oblys kórermenderi ǵana emes, alys, jaqyn shetelderde tamashalady» dedi Arhımed Begejanuly. Munan keıin oblys basshysy fılarmonııa ártisterin «Mádenıet salasynyń úzdigi» tósbelgisimen, Mádenıet jáne sport mınıstriniń, oblys ákiminiń gramotalarymen marapattady.
Oblystyq fılarmonııany merekesimen elimizdiń óner juldyzdary da quttyqtap kelipti. Qazaq jáne orys ult aspaptar orkestrleriniń súıemeldeýimen án áleminiń juldyzdary Bereke Eńsebaeva, Súndet Baıǵojın án shyrqasa, belgili qobyzshy Janar Júsipbekova qostanaılyq áriptesi qobyzshy Batyrbek Baınazarovpen birge shyǵarma oryndady. Sonymen qatar kórermender Qostanaı fılarmonııasynyń ánshileri Manapbek Qadirovtyń, Gúlbaný Abdýllınanyń, Gúlmıra Úmbetovanyń, Talǵat Moldaǵalıevtiń, taǵy basqalardyń ónerine qol soqty.
