Oblystyq sottyń tóraǵasy Dosjan Ámirov sot qyzmetimen tanystyryp, «Medıasııa týraly» zańyn júzege asyrý jónindegi atqarylǵan jumystar men óńirdegi medıasııa ınstıtýtyn damytý, sondaı-aq elimizdiń Joǵarǵy Sotynyń «Tatýlasý: sotqa deıin, sotta» pılottyq jobasy aıasynda tatýlastyrý rásimderin qoldaný týraly habardar etti. Sottardaǵy tatýlasý kabınetteri, Qazaqstan halqy Assambleıasy janyndaǵy Dostyq úıindegi tatýlasý ortalyqtary, kásipodaq ortalyǵy, oblys aýdandary men Bıler keńesteri jáne mektep medıasııa qyzmeti týraly aıtyldy.
2018 jyly Aqmola oblysynyń sottary medıasııany qoldaný arqyly 3339 is qaraldy, ol 9,4 paıyzdy qurady, al aǵymdaǵy jyldyń 9 aıynda 3045 is nemese 11,2 paıyzy qaraldy. 123 bı keńesi qurylyp, olardyń qatysýymen 331 is qaraldy.
Sapar barysynda Kókshetaý qalalyq sotyna jáne kámeletke tolmaǵandardyń isteri jónindegi mamandandyrylǵan aýdanaralyq sotta tatýlasý rásimder boıynsha úılestirýshi-sýdıalarmen, advokattarmen, medıatorlarmen, notarıýstarmen, psıhologtarmen jáne basqa da mamandarmen kezdesý boldy.
Úkimettik emes uıymdarmen jáne sarapshylarmen kezdesý barysynda «Medıasııa týraly» zańǵa túzetýler ázirleýge baılanysty máseleler talqylandy. Sondaı-aq qazirgi ózekti máseleler men olardy sheshý múmkindikteri, sondaı-aq osy saladaǵy qoldanystaǵy zańnamaǵa ózgerister engizý boıynsha usynystar aıtyldy.
Júzdesýge qatysýshylar tatýlasý rásimderdi jáne daýlardy retteýdiń balama ádisterin qalyptastyrý máseleleri boıynsha túzetýlerdi ázirleýdiń mańyzdy ekenin atap ótti.
