Atqarylyp jatqan jumystar týraly QR ındýstrııa jáne ınfraqurylymdyq damý mınıstri B.Atamqulov, «Báıterek» UBH» AQ tóraǵasy A.Áriphanov, Qyzylorda oblysynyń ákimi Q. Ysqaqov, Aqtóbe oblysynyń ákimi O.Orazalın, Atyraý oblysynyń ákimi N.Noǵaev jáne Nur-Sultan qalasy ákiminiń orynbasary N.Nurkenov baıandady.
Memlekettik baǵdarlama júzege asqan 2017 jyldan bastap turǵyn úı qurylysy salasyna 3,3 trln teńgeden astam ınvestısııa salyndy, onyń 85% — jeke ınvestorlardyń qarajaty. 300 myńǵa jýyq otbasyny baspanamen qamtamasyz etýge múmkindik bergen 33,5 mln sharshy metr turǵyn úı salyndy.
Baǵdarlamada alǵash ret kóp balaly otbasylar men jumys isteıtin jastarǵa arnap jaldamaly turǵyn úı salý, tabysy tómen otbasylarǵa jeńildikti ıpoteka, jeke qurylys salýshylarǵa sýbsıdııa berý sııaqty jańa mehanızmder iske asyryldy.
Qyzylorda, Aqtóbe jáne Túrkistan oblystary turǵyn úı qurylysy boıynsha kóshbasshy óńirler, Pavlodar, Atyraý, Mańǵystaý oblystary jáne Nur-Sultan qalasy artta qalýshy jáne qarajatty ıgerýde problemalary bar óńirler.
«QR Tuńǵysh Prezıdenti – Elbasy N. Nazarbaev «Nurly jer» baǵdarlamasyn iske asyrýdyń mańyzdylyǵyn, onyń turǵyn úı qurylysyna myqty serpin beretinin erekshe atap ótti», — dedi A. Mamın.
Premer-Mınıstr osy jyldyń josparly kórsetkishi — 13 mln sharshy metr turǵyn úıdi paıdalanýǵa berýdi qamtamasyz etýdi tapsyrdy.
«Memleket basshysy Qasym-Jomart Toqaev óziniń saılaýaldy baǵdarlamasy men Qazaqstan halqyna arnaǵan Joldaýynda qoldanystaǵy turǵyn úı baǵdarlamalaryn biryńǵaı turǵyn úı saıasaty aıasynda biriktirip, 2025 jylǵa deıingi «Nurly jer» memlekettik baǵdarlamasyn ázirleýdi tapsyrdy», — dedi A. Mamın.
«Nurly jer» turǵyn úı-kommýnaldyq damytýdyń jańa memlekettik baǵdarlamasy jylý jáne sýmen jabdyqtaý, sý tartý, kommýnaldyq sektordy jańǵyrtý, 2015-2019 jyldarǵa arnalǵan «Nurly jol» memlekettik ınfraqurylymdy damytý jáne 2020 jylǵa deıin óńirlerdi damytý baǵdarlamalarynyń aıasynda úılerdi jóndeý máselelerin biriktiredi.
Premer-Mınıstr jańa «Nurly jer» memlekettik baǵdarlamasy árbir qazaqstandyqqa turǵyn úı máselesin óziniń tabys deńgeıine qaraı sheshýge múmkindik beretinin atap ótti.
Jobada turǵyn úı problemasyn sheshýmen qatar, halyqty sapaly aýyz sýmen qamtamasyz etý, turǵyn úı-kommýnaldyq sharýashylyq ınfraqurylymyn jańǵyrtý, turǵyn úı qoryn jóndeý de kózdelgen.
A. Mamın Memlekettik baǵdarlamany osy jyldyń sońyna deıin qabyldaýdy qamtamasyz etýdi tapsyrdy.
