Densaýlyq saqtaý basqarmasynyń jetekshisi Tımýr Sultanǵazıevtiń aıtýynsha, turǵyndar arasynda jıi kezdesetin keselderdiń arasynda mıokard asa qaýipti sanalady. Osy sebepti jol kartalarynyń ishinde ótkir ınfarkt, ınfarkt mıokardy, ınsýlt, onkologııa, jaraqattar, bosaný kezinde kómek kórsetý máseleleri basymdyqqa ıe. Aımaqta qan aınalymy júıeleri boıynsha kezdesetin syrqat deńgeıi respýblıkalyq kórsetkishten joǵary. Bul jaǵdaıǵa qartaıýdyń joǵary kórsetkishi aıtarlyqtaı áser etedi.
Oblystaǵy halyqtyń 55,8 paıyzynyń jasy 65-ten asyp ketken. Dese de, atalmysh toptaǵy ólim-jitim kórsetkishi 11,4 paıyzǵa azaıǵan. Sońǵy 3 jylda 37,3 paıyzǵa kemigen. Júrektiń ıshemııalyq aýrýlarynan keletin ólim-jitim 20 paıyzǵa, bas-mı tamyrlarynyń jarylýynan bolatyn ólim deńgeıi 9 paıyzǵa azaıǵan.
«Qan aınalymy aýrýlary boıynsha 48 myń adam skrınıngten ótti. 1380 adamda aýrý bary belgili boldy. Anyqtalǵan pasıenttiń bári esepke alynyp, em-dom alyp jatyr», - deıdi T.Sultanǵazıev.
Alǵashqy medısınalyq-sanıtarlyq kómek beretin dárigerler kardıologııalyq aýrýlary bar azamattarǵa kómek kórsetý boıynsha bilimderin jetildirýde. Sonymen qatar kardıologııalyq ortalyqqa quny 467 mln teńge turatyn sıfrlyq angıograf ornatý josparlanǵan.
Soltústik Qazaqstan oblysy
