Qazaqstan • 19 Qarasha, 2019

«Qazbat» fılmi kórermenge jol tartty

160 retkórsetildi

Almatyda «Kazbat» kórkem fılminiń tusaýkeser kórsetilimi ótti. Fılm Qazaqstan Respýblıkasy áskerı qyzmetshileriniń tájik-aýǵan shekarasynda bitimgerlik qyzmet barysynda  bastarynan ótkergen shynaıy oqıǵany baıandaǵan.  Týyndyny «AIý SINEMA» kınokompanııasy Qazaqstan Respýblıkasy Ulttyq ulanynyń qoldaýymen jaryqqa shyǵaryp otyr. 

1995 jyly 7 sáýir kúni Pshıharv shatqalynda Qazaqstan Ishki áskeriniń jetinshi qurama rotasy sodyrlardyń tutqıyldan jasaǵan shabýylynan ot pen oqtyń qursaýynda qalady. Jaýdyń kúshi basym bolǵan urysta 17 áskerı qyzmetshi oqqa ushyp, 33-i jaralanǵan edi. Aýǵan jaǵynan shabýyl jasaǵan sodyrlar bir saǵattyń ishinde Tájikstan aýmaǵyna ótip ketýdi josparlaǵan bolatyn. Biraq olarǵa qarsy jasalǵan shabýyldyń óte kúshti bolǵandyǵynan, bes saǵatqa sozylǵan qarýly qaqtyǵystan keıin keri sheginýge májbúr boldy. 

Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń Jarlyǵymen qapııada qaza bolǵan 17 sarbazdyń beseýine II dárejeli «Aıbyn» ordeni, on eki jaýyngerge  «Jaýyngerlik erligi úshin»  medali berildi.  Tájik halqyna kórsetken kómegi úshin qazaqstandyq jaýyngerlerge qurmet retinde Dýshanbede  monýment turǵyzylyp, Reseıdiń «Za otlıchıe v slýjbe» medali de berilgen edi.    El astanasy Nur-Sultan qalasynda «Otan-Ana» monýmenti qasynan Ishki áskerdiń 17 sarbazyna arnalǵan alleıa ashylyp, eskertkish baǵana ornatylǵan, sonymen qatar Shymkent, Petropavl jáne basqa da birqatar qalalarda batyrlardyń arýaǵyna eskertkish qoıyldy.   

– Ishki áskerdiń qazirgi murageri – Qazaqstan Respýblıkasynyń Ulttyq ulany óziniń batyrlaryn eshqashan umytpaıdy. Olardyń erligin ekranǵa shyǵarý arqyly qaza bolǵan jaýyngerlerge qurmet bildirip, el esinde qaldyrýdy kózdep otyrmyz, – deıdi  Qazaqstan Respýblıkasy Ulttyq ulany Bas qolbasshysynyń tárbıe jáne áleýmettik-quqyqtyq jumystar jónindegi orynbasary general-maıor Muhametqalı Satov.       

Týyndynyń  bas prodıýseri  –   Danııar Ibragımov,  qoıýshy rejısser – Asqar Uzabaev, fılmniń qoıýshy bas operatory –  Maksım Zadarnovskıı.
Kınoda Dáýren Serǵazın, Rınat Doshıbekov,  Halyq Rahat, Dııas Myrzahmet, Sharıfbek Zakırov, Indıra Shynbolatqyzy sekildi talantty akterler el esinen óshpeıtin tarıhı qandy oqıǵanyń keıipkerlerin somdaǵan.
Kórkem fılm 21 qarashadan bastap elimizdiń barlyq kınoteatrlarynda kórsetile bastaıdy. Fılmniń teledıdarǵa arnalǵan nusqasy kelesi jyly   7 sáýirden bastap, atalǵan qarýly qaqtyǵystyń 25 jyldyǵyna oraı  «Qazaqstan» telearnasy arqyly kórermenge jol tartady. 

Sońǵy jańalyqtar

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Uqsas jańalyqtar