Oblys ákimi byltyr óńir ekonomıkasy 6,2%-ǵa artqanyn, bıyl osy deńgeıdi ustap qalýdy josparlap otyrǵandaryn jetkizdi. 9 aıda munaı ónimderin óńdeý – 3,8%-ǵa, metallýrgııa – 2,4%-ǵa, hımııa – 9,8%-ǵa, sondaı-aq mashına jasaý ónerkásibi – 5,6%-ǵa ulǵaıdy. Indýstrııalandyrý kartasy aıasynda iske qosylǵan «Bozshakól» taý-ken baıytý kombınaty óndiris kólemin arttyryp keledi. Kásiporyndaǵy metall rýdalary men konsentrat óndirý 1,2 esege kóbeıdi.
B.Baqaýovtyń aıtýynsha, eki iri ınvestısııalyq joba boıynsha jumys aıaqtaldy. Naqty aıtqanda, Aqsý ferroqorytpa zaýytyndaǵy ferrohrom óndirisin 11%-ǵa arttyrýǵa múmkindik beretin №64 pesh jańǵyrtylyp, «Eýrazııalyq energetıkalyq korporasııa» AQ-tyń №5 energoblogy qaıta quryldy. Atalǵan jobalar boıynsha ınvestısııanyń jalpy kólemi 80 mlrd teńgeden asty.
– О́tken jyly shıkizattyq emes taýarlardyń eksport kólemi oblysta 2 mlrd dollarǵa jetti. Bul 2016 jyldaǵy kórsetkishten 3 ese artyq. Jyl basynan beri eksport kólemi 1,2 mlrd dollardy qurady. Otandyq ónimderdiń eksportyn arttyrý maqsatynda jańa naryqtar zerttelip jatyr. Ekibastuzdaǵy №1 MAES bıyl О́zbekstan naryǵyna elektr energııasyn sata bastady. «Vektor Pavlodar» JShS Reseı Federasııasyna jeńil quımaly avtomobıl dıskilerin eksporttaıdy, – dedi oblys ákimi.
Spıker osy jyly óńir ekonomıkasyna 347 mlrd teńge ınvestısııa tartylǵanyn, bul 2018 jyldaǵy kórsetkishpen salystyrǵanda 112,7%-ǵa artyq ekenin aıtty. Sonyń 75%-yn jeke ınvestısııalar quraıdy. Oblystyń agrarlyq sektoryna quıylatyn qarajat ta jyl sanap ósip keledi.
