Qazaqstan Respýblıkasy Syrtqy ister mınıstrliginiń buıryǵy №08-1-1-1/201
Seısenbi, 25 maýsym 2013 1:09
2013 jylǵy 23 mamyr, Astana qalasy
Qazaqstan Respýblıkasynyń Qurmetti (shtattan tys) konsýldarynyń fýnksııalary men ókilettikterin aıqyndaý jónindegi nusqaýlyqty bekitý týraly
Qazaqstan Respýblıkasy Úkimetiniń 2004 jylǵy 28 qazandaǵy № 1118 qaýlysymen bekitilgen Qazaqstan Respýblıkasynyń Syrtqy ister mınıstrligi týraly Erejeniń 16-tarmaǵynyń 30) tarmaqshasyna sáıkes buıyramyn:
1. Qazaqstan Respýblıkasynyń Qurmetti (shtattan tys) konsýldarynyń fýnksııalary men ókilettikterin aıqyndaý jónindegi Nusqaýlyq bekitilsin.
2. Qazaqstan Respýblıkasy Syrtqy ister mınıstrliginiń 1996 jylǵy 9 jeltoqsandaǵy «Qazaqstan Respýblıkasynyń Qurmetti (shtattan tys) konsýly týraly» Erejesiniń (Normatıvtik-quqyq aktilerdi memlekettik tirkeý tiziliminde 1997 jylǵy 29 qańtardaǵy № 254 tirkelgen) kúshi joıyldy dep tanylsyn.
3. Konsýldyq qyzmet departamenti osy buıryqtyń Qazaqstan Respýblıkasynyń Ádilet mınıstrliginde zańnamada belgilengen tártippen memlekettik tirkelýin jáne buqaralyq aqparat quraldarynda resmı jarııalanýyn qamtamasyz etsin.
Seısenbi, 25 maýsym 2013 1:09
2013 jylǵy 23 mamyr, Astana qalasy
Qazaqstan Respýblıkasynyń Qurmetti (shtattan tys) konsýldarynyń fýnksııalary men ókilettikterin aıqyndaý jónindegi nusqaýlyqty bekitý týraly
Qazaqstan Respýblıkasy Úkimetiniń 2004 jylǵy 28 qazandaǵy № 1118 qaýlysymen bekitilgen Qazaqstan Respýblıkasynyń Syrtqy ister mınıstrligi týraly Erejeniń 16-tarmaǵynyń 30) tarmaqshasyna sáıkes buıyramyn:
1. Qazaqstan Respýblıkasynyń Qurmetti (shtattan tys) konsýldarynyń fýnksııalary men ókilettikterin aıqyndaý jónindegi Nusqaýlyq bekitilsin.
2. Qazaqstan Respýblıkasy Syrtqy ister mınıstrliginiń 1996 jylǵy 9 jeltoqsandaǵy «Qazaqstan Respýblıkasynyń Qurmetti (shtattan tys) konsýly týraly» Erejesiniń (Normatıvtik-quqyq aktilerdi memlekettik tirkeý tiziliminde 1997 jylǵy 29 qańtardaǵy № 254 tirkelgen) kúshi joıyldy dep tanylsyn.
3. Konsýldyq qyzmet departamenti osy buıryqtyń Qazaqstan Respýblıkasynyń Ádilet mınıstrliginde zańnamada belgilengen tártippen memlekettik tirkelýin jáne buqaralyq aqparat quraldarynda resmı jarııalanýyn qamtamasyz etsin.
4. Osy buıryq alǵashqy ret resmı jarııalanǵannan keıin kúntizbelik on kún ótken soń qoldanysqa engiziledi.
Mınıstr E.YDYRYSOV.
Qazaqstan Respýblıkasy Syrtqy ister mınıstriniń
2013 jylǵy 23 mamyr № 08-1-1-1/201 buıryǵymen bekitilgen.
Qazaqstan Respýblıkasynyń Qurmetti (shtattan tys) konsýldarynyń fýnksııalary men ókilettikterin aıqyndaý jónindegi nusqaýlyq
1. Jalpy erejeler
1. Qazaqstan Respýblıkasynyń Qurmetti (shtattan tys) konsýldarynyń fýnksııalary men ókilettikterin aıqyndaý boıynsha Nusqaýlyq (budan ári – Nusqaýlyq) Qazaqstan Respýblıkasy Úkimetiniń 2004 jylǵy 28 qazandaǵy № 1118 qaýlysymen bekitilgen Qazaqstan Respýblıkasynyń Syrtqy ister mınıstrligi týraly Erejege sáıkes jasalǵan jáne Qazaqstan Respýblıkasynyń Qurmetti (shtattan tys) konsýldarynyń qyzmetterin retteýdiń negizgi erejelerin aıqyndaıdy.
2. Qazaqstan Respýblıkasynyń Qurmetti (shtattan tys) konsýl (budan ári – Qurmetti konsýl) óziniń qyzmettik fýnksııalaryn oryndaý kezinde osy Nusqaýlyqty, Qazaqstan Respýblıkasynyń halyqaralyq qatynastar salasyndaǵy zańdaryn, Qazaqstan Respýblıkasy men bolý memleketi qatysýshy bolyp tabylatyn halyqaralyq sharttardy basshylyqqa alady.
3. Qurmetti konsýl óz qyzmeti boıynsha Qazaqstan Respýblıkasynyń Syrtqy ister mınıstrligine esep beredi jáne bolý memleketindegi Qazaqstan Respýblıkasynyń shet elderdegi mekemesiniń basshylyǵymen nemese Qazaqstan Respýblıkasy Syrtqy ister mınıstrliginiń tapsyrmasy boıynsha, Qazaqstan Respýblıkasynyń basqa memlekettegi shet elderdegi mekemesiniń basshylyǵymen óz qyzmetterin oryndaıdy.
4. Osy Nusqaýlyqta mynadaı termınder jáne uıǵarymdar qoldanylady:
1) Qazaqstan Respýblıkasynyń Qurmetti (shtattan tys) konsýly (budan ári – Qurmetti konsýl) – Qazaqstan Respýblıkasy atynan bolý memleketi aýmaǵynda jekelegen konsýldyq fýnksııalardy oryndaý tapsyrylǵan, shtattaǵy konsýldyq laýazymdy adam bolyp tabylmaıtyn jáne Qazaqstan Respýblıkasynyń memlekettik qyzmetinde joq adam;
2) Qazaqstan Respýblıkasynyń Qurmetti konsýldyǵy (budan ári – konsýldyq mekeme) – Qurmetti konsýl basqaratyn konsýldyq mekeme;
3) konsýldyq okrýg – konsýldyq fýnksııalardy oryndaý úshin konsýldyq mekemege bólingen aýdan;
4) konsýldyq úı-jaılar – menshik quqyǵy kimde bolmasyn, tek konsýldyq mekemeniń maqsaty úshin ǵana paıdalanylatyn ǵımarattar nemese ǵımarattardyń bir bóligi jáne sol ǵımaratqa nemese ǵımarat bóligine qyzmet etetin jer ýchaskesi;
5) konsýldyq muraǵattar – konsýldyq mekemeniń qyzmettik áreketine tıesili shıfrlar men kodtar, kartotekalar men konsýldyq mekemeniń tizilimi jáne barlyq qaǵazdar, qujattar, hat-habarlar, kitaptar, fılmder men dybystyq jazý lentalary jáne olardyń saqtalýyn nemese saqtaýdy qamtamasyz etetin kez kelgen jabdyq buıymdar;
6) konsýldyq derekteme – Qazaqstan Respýblıkasynyń Memlekettik týy, Qazaqstan Respýblıkasynyń Eltańbasy ornalastyrylǵan taqta, Qurmetti konsýl qoldanatyn Qazaqstan Respýblıkasynyń Memlekettik eltańbasy beınelengen jáne memlekettik tilde konsýldyq mekeme ataýy jazylǵan mór, mórtabandar men blankiler.
2. Qurmetti konsýldyń fýnksııalary men ókilettikteri
5. Qurmetti konsýl ózine júktelgen fýnksııalardy derbes oryndaıdy.
Qazaqstan Respýblıkasynyń Syrtqy ister mınıstrligi Qurmetti konsýldyń kelisimimen, qajet bolǵan jaǵdaıda, ol basqaratyn konsýldyq mekemege konsýldyq fýnksııalardy tolyq kólemde oryndaý úshin Qazaqstan Respýblıkasynyń dıplomatııalyq qyzmetkerin jiberedi.
6. Qurmetti konsýl óz fýnksııalaryn oryndaý kezinde:
ózi basqaratyn konsýldyq mekeme ǵımaratyna Qazaqstan Respýblıkasynyń Eltańbasy beınelegen taqta men memlekettik tilde jáne bolý memleketiniń tilinde konsýldyq mekeme ataýy jazylǵan taqta ilip qoıady;
ózi basqaratyn konsýldyq mekemeniń ǵımarattaryna, onyń rezıdensııasyn qosa alǵanda, sondaı-aq ózi júretin kólikke Qazaqstan Respýblıkasynyń Memlekettik týyn ilip júre alady.
Osy tarmaqty oryndaý barysynda Qazaqstan Respýblıkasy men bolý memleketi qatysýshylary bolyp tabylatyn halyqaralyq sharttar, halyqaralyq qatynastar salasyndaǵy zańnamalary nazarǵa alynady.
7. Qurmetti konsýl óziniń konsýldyq okrýginen tys jerge shyqqany jóninde bolý memleketindegi Qazaqstan Respýblıkasynyń shet elderdegi mekemesine aldyn ala habarlaıdy. Eger ol bolmaǵan jaǵdaıda, Qazaqstan Respýblıkasynyń Syrtqy ister mınıstrligine habarlaıdy.
8. Qurmetti konsýl óziniń konsýldyq fýnksııalaryn oryndaý barysynda oǵan basshylyq etetin tek Qazaqstan Respýblıkasynyń shet elderdegi mekemesi arqyly ǵana konsýldyq okrýgten tys jeke jáne zańdy tulǵalarmen is-kımyldy júzege asyrady.
9. Qurmetti konsýl qyzmetine qatysy joq konsýldyq fýnksııalardy atqarýyna baılanysty is qaǵazdaryn júrgizý konsýldyq mekeme keńsesinen bólek júrgiziledi, al olardy biriktirýge nemese aralastyrýǵa bolmaıdy.
10. Qurmetti konsýl tirkeý jýrnaldarymen, mórtabandarmen jáne basqa da qajetti konsýldyq derektememen Qazaqstan Respýblıkasynyń Syrtqy ister mınıstrligimen nemese bolý memleketindegi ózine tikeleı basshylyq etetin Qazaqtan Respýblıkasynyń shet elderdegi mekemesimen qamtamasyz etiledi.
Qurmetti konsýldyń qoldanysyndaǵy konsýldyq derekteme men konsýldyq muraǵat Qazaqstan Respýblıkasynyń memlekettik menshigi bolyp tabylady. Qurmetti konsýl olardyń saqtalýy men qol suǵylmaýshylyǵyna tıisti sharalar qabyldaıdy.
Qurmetti konsýlǵa jetekshilik etetin Qazaqstan Respýblıkasynyń shet elderdegi mekemesi jylyna bir ret Qurmetti konsýldyń quzyretindegi Qazaqstan Respýblıkasynyń memlekettik rámizderine, resmı mórleri men mórtabandaryna, sondaı-aq konsýldyq muraǵatqa tekseris júrgizedi.
Konsýldyq derekteme Qurmetti konsýldyń ókilettigi toqtatylǵanda, bolý memleketindegi Qazaqstan Respýblıkasynyń shet elderdegi mekemesine, eger ol bolmaǵan jaǵdaıda Qazaqstan Respýblıkasynyń Syrtqy ister mınıstrligine dereý qaıtarylady.
11. Qurmetti konsýldyń jumys babyndaǵy qyzmetine qatysty konsýldyq hat-habarlar, sondaı-aq resmı kitaptar men basylymdar Qazaqstan Respýblıkasynyń shet elderdegi mekemesimen berilgen Qazaqstan Respýblıkasynyń menshigi bolyp tabylady.
Qurmetti konsýldyń konsýldyq hat-habarlary Qazaqstan Respýblıkasy Syrtqy ister mınıstrliginiń ruqsatynsyz jarııalanýyna nemese basqa úshinshi adamǵa berýge bolmaıdy.
12. Qurmetti konsýl ár jyldyń 31 jeltoqsanyna deıin óziniń konsýldyq qyzmeti jaıly jyldyq esebin Qazaqstan Respýblıkasynyń shet elderdegi mekemesine, nemese ol bolmaǵan jaǵdaıda Qazaqstan Respýblıkasynyń Syrtqy ister mınıstrligine usynady.
Jyldyq esepte konsýldyq okrýgte ýaqytsha nemese turaqty turyp jatqan Qazaqstan Respýblıkasy azamattaryna qatysty Qurmetti konsýldyń qyzmeti jaıly málimetter, Qazaqstannyń qatysýymen qurylǵan uıymdar men fırmalar, konsýldyq okrýgke kelip ketken Qazaqstan Respýblıkasynyń áýe jáne teńiz kemeleriniń ekıpajdary týraly, júzege asyrylǵan konsýldyq is-qımyldar týraly aqparat, bolý memleketiniń konsýldyq qyzmetke qatysty jańa zańnamalyq aktileri týraly, ımıdjdik jobalardyń júzege asyrylýy, sondaı-aq konsýldyq okrýgtyń saýda, ekonomıka jáne mádenı ómirindegi negizgi oqıǵalary týraly baıandalady.
13. Qurmetti konsýl óz ókilettik sheginde Qazaqstan Respýblıkasynyń azamattary men zańdy tulǵalaryna qatysty:
1) ózine basshylyq etetin Qazaqstan Respýblıkasynyń shet elderdegi mekemesimen ózara is-qımyl jasaı otyryp, óziniń konsýldyq aımaǵyndaǵy Qazaqstan Respýblıkasynyń azamattary men zańdy tulǵalary bolý memleketi men Qazaqstan Respýblıkasynyń zańnamasymen, Qazaqstan Respýblıkasy jáne bolý memleketi qatysýshysy bolyp tabylatyn halyqaralyq sharttarmen beriletin barlyq quqyqtardy tolyq paıdalanýy úshin sharalar qabyldaıdy jáne oǵan qajetti kómek kórsetedi;
2) óziniń konsýldyq okrýginde turaqty turatyn jáne ýaqytsha kelgen Qazaqstan Respýblıkasynyń azamattaryna bolý memleketiniń zańnamasy jóninde jáne jergilikti salt-dástúrleri týraly habardar etedi;
3) tótenshe jaǵdaılar týyndaǵanda Qazaqstan Respýblıkasynyń shet elderdegi mekemesimen birlese otyryp, fors-major jaǵdaıyna túsken Qazaqstan Respýblıkasynyń azamattaryna barynsha kómek kórsetedi jáne olarǵa materıaldyq, qarjylyq jáne basqa da shyǵyndaryna bolý memleketiniń memlekettik organdarynyń ótemaqy tóleýine kómektesedi, olardyń Qazaqstan Respýblıkasyna oralýyna járdemdesedi;
4) óziniń konsýldyq okrýginde turaqty nemese ýaqytsha turatyn, habar-osharsyz joǵalyp ketken Qazaqstan Respýblıkasynyń azamattaryn izdestirýge járdemdesý úshin bolý memleketiniń quzyretti organdaryna ótinish jasaıdy;
5) Qazaqstan Respýblıkasy azamattarynyń tutqynǵa alyný, ustalý nemese basqa da nysanda bas bostandyǵynan aıyrylýy jaǵdaıynda qurmetti konsýl dereý bolý memleketindegi Qazaqstan Respýblıkasynyń shet elderdegi mekemesine habarlaıdy, ol bolmaǵan jaǵdaıda Qazaqstan Respýblıkasynyń Syrtqy ister mınıstrligine habardar etip, olardan túsken nusqaýlar boıynsha áreket etedi;
6) Qazaqstan Respýblıkasynyń shet elderdegi mekemesimen, eger ol bolmaǵan jaǵdaıda Qazaqstan Respýblıkasynyń Syrtqy ister mınıstrligimen kelise otyryp, qamaýǵa alynǵan nemese qylmys jasady degen kúdikpen ustalǵan nemese Qazaqstan Respýblıkasy azamatynyń bostandyǵyn shekteıtin qandaı da bir sharalarǵa tartylǵan, bas bostandyǵynan aıyrý túrinde jazasyn ótep jatqan, sol sekildi basqa da sottyq nemese ákimshilik yqpal etý sharalary qoldanylǵan Qazaqstan Respýblıkasynyń azamatyna qatysty bolý memleketi zańnamasyn jáne Qazaqstan Respýblıkasy men bolý memleketi qatysýshy bolyp tabylatyn halyqaralyq sharttar erejeleriniń saqtalýyn qadaǵalap otyrady;
7) Qazaqstan Respýblıkasynyń jáne bolý memleketiniń zańnamasynyń, sondaı-aq Qazaqstan Respýblıkasy men bolý memleketi qatysýshy bolyp tabylatyn halyqaralyq sharttardyń talaptaryn saqtaı otyryp, Qazaqstan Respýblıkasynyń sottalǵan azamattarynyń jazasyn jeńildetýge, jazasyn odan ári Qazaqstan Respýblıkasynda óteýge aýystyrý úshin sharalar qoldanady.
14. Qurmetti konsýl óz ókilettik sheginde aqparattyq-ımıdjdik qyzmetinde:
1) bolý memleketiniń saıası turaqty jaǵdaıy turǵysynan Qazaqstandaǵy saıası jáne ekonomıkalyq jańǵyrtý úderisterin durys baǵalaýdy qamtamasyz etýge járdemdesedi, Qazaqstannyń oń ımıdjin qalyptastyrýǵa, ilgeriletýge, onyń róli men bedelin kóterýge kómektesedi, onyń jetistikterin bolý memleketindegi túrli salalarda nasıhattaıdy;
2) bolý memleketindegi jetekshi ortalyq jáne óńirlik buqaralyq aqparat quraldarynda Qazaqstan týraly oń jarııalanymdardyń shyǵýyn qamtamasyz etedi;
3) Qazaqstan Respýblıkasynyń shet elderdegi mekemesiniń nemese Qazaqstan Respýblıkasynyń Syrtqy ister mınıstrliginiń tapsyrmasy boıynsha Qazaqstan Respýblıkasy týraly aqparattyq ımıdjdik saıttar jasaıdy jáne olardy mazmundyq jaǵynan tolyqtyrýǵa jáne tehnıkalyq qoldaý kórsetýge qatysty sharalar qabyldaıdy;
4) óziniń konsýldyq okrýgindegi otandastar men Qazaqstan Respýblıkasynyń azamattaryna arnalǵan mádenı-aǵartý is-sharalaryn ótkizýge járdemdesedi.
15. Qurmetti konsýl óz ókilettik sheginde saýda-ekonomıkalyq yntymaqtastyqqa qatysty:
1) shetel kapıtalyn, ozyq tehnologııalardy jáne noý-haýlardy Qazaqstanǵa belsendi túrde tartýǵa járdemdesedi. Bolý memleketindegi áleýetti áriptesterdi Qazaqstannyń syrtqy ekonomıkalyq qyzmetiniń negizgi ustanymdarymen, ınvestısııalyq ahýalymen, salyq jáne kedendik saıasatymen, ınvestısııalyq jobalar men ónerkásiptik jáne ınvestısııalyq yntymaqtastyqtyń tehnıkalyq-ekonomıkalyq parametrlerimen keńinen tanystyrýǵa kómektesedi;
2) Qazaqstan eksportyn ilgeriletýge kómektesedi, úkimetaralyq komıssııalardy, isker keńesterdi, forýmdardy, konferensııalardy, bıznes-qoǵamdastyq ókilderiniń kezdesýlerin uıymdastyrýǵa jáne ótkizýge qatysady;
3) Qazaqstannyń týrıstik múmkindikterin bolý elinde keńinen nasıhattaýǵa jáne shetel týrısteriniń úlken legin tartýǵa, sondaı-aq Qazaqstannyń týrıstik oń ımıdjin qalyptastyrýǵa járdemdesedi. Qazaqstannyń halyqaralyq týrıstik kórmelerge tabysty qatysýyna kómektesip, bolý memleketindegi belgili buqaralyq aqparat quraldary ókilderine Qazaqstannyń týrıstik múmkindigi týraly jarnamalyq-aqparattyq materıaldardy taratý úshin aqparattyq týrlar uıymdastyrady.
16. Qurmetti konsýl óz ókilettik sheginde mádenı-gýmanıtarlyq jáne ǵylymı-tehnıkalyq yntymaqtastyqqa qatysty:
1) ózara mádenıet kúnderin ótkizýge, stýdentter men ǵylymı kadrlardyń almasýyna, Qazaqstanǵa belgili bilim berý ortalyqtary men oqý oryndaryna oqytýshylardy tartýǵa, Qazaqstanda olardyń fılıaldaryn ashýǵa járdemdesedi;
2) óziniń konsýldyq okrýginde ornalasqan oqý oryndarynda oqıtyn qazaqstandyq stýdenttermen turaqty qatynas jasaıdy, olarmen baılanysta bolyp, qajet jaǵdaıda olarǵa qoldaý jáne tıisti kómek kórsetedi.
17. Qurmetti konsýl óz ókilettik sheginde vızalyq rejımniń jeńildetilýine qatysty:
1) Qazaqstan Respýblıkasynyń azamattary úshin qajet bolǵan jaǵdaıda vızalyq tártipti jeńildetýge, vıza alýǵa ketetin ýaqyt pen talap etiletin qujattardy azaıtýǵa kómektesedi;
2) konsýldyq okrýgte ornalasqan múddeli mekemelerdi Qazaqstanda júrgizilip otyrǵan vızalyq saıasat pen shet el azamattarynyń vıza alýyna qatysty jeńildikter jasaýdyń qadamdary týraly aqparattandyrady.
18. Qurmetti konsýl óz ókilettik sheginde Qazaqstan Respýblıkasynyń áýe jáne teńiz kemelerine qatysty:
1) Qazaqstan Respýblıkasynyń Syrtqy ister mınıstrligimen, Qazaqstan Respýblıkasynyń shet elderdegi mekemesimen ózara is-qımyl jasaı otyryp, konsýldyq okrýg sheginde Qazaqstan Respýblıkasynyń bolý memleketindegi tıisti kemejaılaryndaǵy, aýmaqtyq jáne ishki sýlaryndaǵy, áýejaılarymen basqa da pýnktterindegi Qazaqstan Respýblıkasynyń teńiz jáne áýe kemelerine konsýldyq qorǵaý men kómek kórsetedi. Qazaqstandyq kemelerge bolý memleketindegi zańnamalarǵa jáne bolý memleketi men Qazaqstan Respýblıkasy qatysýshylary bolyp tabylatyn halyqaralyq sharttarǵa sáıkes, quqyqtar men ımmýnıtetterdiń tolyq kólemde berilýin baqylaıdy;
2) Qazaqstan Respýblıkasy kemeleriniń kapıtandary men komandırlerine jáne ekıpajdyń barlyq múshelerine jergilikti jerdiń tazalyq jaǵdaıy, áýejaı jáne aılaq erejeleri, bolý memleketiniń ulttyq zańnamasy men jergilikti dástúrlerin oryndaýǵa mindetti nemese ony basshylyqqa alý kerektigin, sondaı-aq jergilikti bılikpen baılanysqa túsken kezinde qajetti basqa da bilý qajet bolatyn málimettermen habardar etedi;
3) qajet bolǵan jaǵdaıda Qazaqstan Respýblıkasy kemeleriniń kapıtandary men komandırlerin bolý memleketiniń laýazymdy adamdarymen kezdesýleri kezinde birge alyp júredi;
4) Qazaqstan Respýblıkasy kemeleriniń kapıtandary men komandırlerine bolý memleketindegi Qazaqstan Respýblıkasynyń shet elderdegi mekemesimen baılanys ornatýyna kómek kórsetedi;
5) Qazaqstan Respýblıkasynyń shet elderdegi mekemesimen, al ol bolmaǵan jaǵdaıda Qazaqstan Respýblıkasynyń Syrtqy ister mınıstrliginiń kelisimimen Qurmetti konsýl Qazaqstan Respýblıkasy kemeleriniń kapıtandarynan júzý jaǵdaılary týraly aqparat alady;
6) Qazaqstan Respýblıkasynyń shet elderdegi mekemesimen, al ol bolmaǵan jaǵdaıda Qazaqstan Respýblıkasynyń Syrtqy ister mınıstrliginiń tapsyrmasy boıynsha keme rólderinde keme ekıpajy quramyndaǵy ózgerister týraly belgi soǵa alady;
7) bolý memleketindegi Qazaqstan Respýblıkasynyń shet elderdegi mekemesiniń, al ol bolmaǵan jaǵdaıda Qazaqstan Respýblıkasynyń Syrtqy ister mınıstrliginiń kelisimimen Qazaqstan Respýblıkasynyń teńiz jáne áýe kemeleriniń músheleri men jolaýshylaryn emdeý jáne Qazaqstan Respýblıkasyna qaıtarý jumystaryn uıymdastyrady;
8) Qazaqstan Respýblıkasynyń azamaty, ıaǵnı ekıpaj múshesi, ne jolaýshysy qaıtys bolǵan jaǵdaıda, Qazaqstan Respýblıkasynyń shet elderdegi mekemesimen, al ol bolmaǵan jaǵdaıda Qazaqstan Respýblıkasynyń Syrtqy ister mınıstrliginiń kelisimi boıynsha múrdeni, onyń qujattary men jeke menshik zattaryn Qazaqstan Respýblıkasyna qaıtarý sharalaryn qolǵa alady;
9) Qazaqstan Respýblıkasynyń kemeleri apatqa ushyraǵan jaǵdaıda bolý memleketindegi Qazaqstan Respýblıkasynyń shet elderdegi mekemesine, al ol bolmaǵan jaǵdaıda Qazaqstan Respýblıkasynyń Syrtqy ister mınıstrligine dereý habarlap, jolaýshylar men ekıpajdy, keme men júkterdi qutqarýǵa baılanysty ózine tıesili barlyq sharalardy qoldanady;
10) Qazaqstan Respýblıkasy kemeleriniń kapıtandary men komandırlerine zardap shekkenderge qajetti dárigerlik kómek kórsetý jáne elge qaıtarý jumystaryn uıymdastyrýǵa járdem berip, teńiz qyzmetterina qatysty narazylyq aktisi men basqa da qujattardy rásimdeýge kómektesedi;
11) eger qurmetti konsýldyń qolyndaǵy málimet boıynsha qandaı da bir kemejaıǵa toqtaý qaýipti, ne múmkin bolmasa, bul týraly Qazaqstan Respýblıkasy kemeleriniń kapıtandary men komandırlerin eskertedi;
12) Qazaqstan Respýblıkasy kemeleri kapıtandary nemese komandırleri, ekıpaj músheleri men bolý memleketiniń kemejaıy jáne uıymdary men fırmalary, polısııa, keden, ózge de jergilikti organdary arasynda týyndaýy múmkin daýlardy sheshýge kómektesedi;
13) Qazaqstan Respýblıkasynyń kemelerine qatysty ártúrli qujattar qabyldap, ol jóninde bolý memleketindegi Qazaqstan Respýblıkasynyń shet elderdegi mekemesine, al ol bolmaǵan jaǵdaıda Qazaqstan Respýblıkasynyń Syrtqy ister mınıstrligine habarlaıdy;
14) Qazaqstan Respýblıkasy kemeleriniń ekıpaj músheleri úshin demalys, mádenı-sporttyq is-sharalar uıymdastyrýǵa jáne ótkizýge kómek kórsetedi.
19. Avtomobıl, temir jol jáne ózen floty kemelerine qatysty qyzmetin oryndaý barysynda qurmetti konsýl osy Nusqaýlyqtyń 18-tarmaǵynda kórsetilgen nusqaýlardy basshylyqqa alady.
20. Qurmetti konsýl óz ókilettik sheginde sanıtarlyq qorǵaý boıynsha:
1) aýmaǵynda karantındik jáne basqa da juqpaly aýrý taraǵan jaǵdaıda dereý Qazaqstan Respýblıkasynyń Syrtqy ister mınıstrligine, bolý memleketindegi Qazaqstan Respýblıkasynyń shet elderdegi mekemesine aýrý taraǵan aýdan ataýyn, jergilikti bılik tarapynan qolǵa alynǵan indetke qarsy sharalar men aýrý juqtyrý jaǵdaılarynyń sanyn málimdeıdi;
2) Qazaqstan Respýblıkasyna barýǵa ruqsat alǵan adamdardy Qazaqstan Respýblıkasyna kirý kezinde egý týraly halyqaralyq sertıfıkattary men basqa da tıisti qujattardyń kórsetilý mindettiligimen habardar etedi;
3) bolý memleketiniń bıligi epıdemııa týraly memleket kóleminde resmı habarlaǵan jaǵdaıda, óziniń konsýldyq okrýgi boıynsha aýrý juqtyrǵan jáne karantındik tekserýden ótip jatqan Qazaqstan Respýblıkasy azamattarynyń tizimin jasaý sharalaryna kirisip, bolý memleketindegi Qazaqstan Respýblıkasynyń shet elderdegi mekemesindegi qyzmetkerlerge Qazaqstan Respýblıkasy azamattaryn bakterıologııalyq jeke qorǵanys quraldarymen jáne tıisti dárigerlik kómekpen qamtamasyz etýlerine yqpalyn tıgizedi.
21. Qurmetti konsýl óz ókilettik sheginde fıtosanıtarlyq jáne veterınarlyq qorǵaý boıynsha:
1) konsýldyq okrýg sheginde adamdar men janýarlarǵa birdeı qaýipti aýylsharýashylyq ósimdikteriniń zııankesteri kóbeıip, sondaı-aq úı janýarlary men qustardyń jappaı aýyrýy oryn alǵan jaǵdaıda, Qazaqstan Respýblıkasynyń Syrtqy ister mınıstrligine, bolý memleketindegi Qazaqstan Respýblıkasynyń shet elderdegi mekemesine dereý habarlaıdy;
2) Qazaqstan Respýblıkasyna barýǵa ruqsat alǵan adamdardy Qazaqstan Respýblıkasyna kirý kezinde janýarlardyń, shıkizattardyń jáne mal ónimderiniń veterınarlyq sertıfıkattary men tuqymdyq ónimderdi, ósimdikterdi, kóshetterdi jáne jańa pisken ónimder men kókónisterdi alyp kirý erejelerin kórsetý mindettiligimen habardar etedi.
3. Qurmetti konsýldy taǵaıyndaý jáne onyń qyzmetin toqtatý
22. Qurmetti konsýldyqqa qajetti iskerlik jáne adamgershilik qasıetterge ıe, qoǵamda ózindik joǵary orny bar bolý memleketiniń azamaty, Qazaqstan Respýblıkasynyń azamaty nemese basqa memlekettiń azamaty taǵaıyndalady.
Qurmetti konsýl bir ýaqytta basqa memlekettiń Qurmetti konsýly bola almaıdy.
23. Qazaqstan Respýblıkasynyń shet eldegi mekemesiniń usynys negizinde Qurmetti konsýl bolý memleketiniń kelisimi boıynsha Qazaqstan Respýblıkasynyń Syrtqy ister mınıstrimen nemese onyń mindetin atqaratyn adammen taǵaıyndalady jáne mindetterinen bosatylady.
Qurmetti konsýl óz fýnksııalaryn odan ári uzartý múmkindigimen eki jylǵa taǵaıyndalady.
Bolý memleketimen Qurmetti konsýldy taǵaıyndaýǵa baılanysty máselelerdi kelisý dıplomatııalyq arnalar arqyly júrgiziledi.
24. Qazaqstan Respýblıkasynyń Syrtqy ister mınıstrligi Qurmetti konsýlǵa onyń ókilettikterin kýálandyratyn, aty-jóni, azamattyǵy, oǵan tıesili sanaty nemese synyby, konsýldyq okrýgy men konsýldyq mekemeniń ornalasqan jeri kórsetilgen patent beredi.
Qurmetti konsýldyń konsýldyq patentine Qazaqstan Respýblıkasynyń Syrtqy ister mınıstri nemese onyń mindetin atqarýshy qol qoıady.
25. Qurmetti konsýl bolý memleketiniń kelisimin (ekzekvatýrany) alǵannan keıin óziniń fýnksııalaryn oryndaýǵa kirisedi.
Ekzekvatýranyń nemese onyń ornyna júretin qujattyń Qurmetti konsýlǵa berilgen ýaqytty Qazaqstan Respýblıkasynyń Syrtqy ister mınıstrligine Qazaqstan Respýblıkasynyń shet elderdegi mekemesi habarlaıdy.
26. Qurmetti konsýldyń fýnksııalary men ókilettikteri:
1) Qurmetti konsýldyń ókilettigi toqtatylatyndyǵy jáne patenti joıylǵandyǵy týraly Qazaqstan Respýblıkasynyń Syrtqy ister mınıstrliginen bolý memleketine habarlama berilgen kezde;
2) bolý memleketi Qazaqstan Respýblıkasynyń Syrtqy ister mınıstrligine ony Qurmetti konsýl retinde sanamaıtyndyǵy jáne onyń ekzekvatýrasy joıylǵany týraly habardar etken kezde;
3) Qazaqstan Respýblıkasynyń Syrtqy ister mınıstrligine dıplomatııalyq arnalar arqyly jibergen, sebepteri negizdelgen, Qurmetti konsýldyń jeke ótinishi boıynsha;
4) konsýldyq patenttiń merziminiń aıaqtalǵan kúninen bastap toqtatylady.
Qazaqstan Respýblıkasynyń Syrtqy ister mınıstrligi nemese onyń tapsyrmasy boıynsha Qazaqstan Respýblıkasynyń shet elderdegi mekemesi bolý memleketin Qurmetti konsýldyń atqaratyn qyzmetiniń toqtatylǵandyǵy týraly habardar etedi.
27. Qyzmetke taǵaıyndalǵanda jáne odan bosatylǵanda Qurmetti konsýl konsýldyq derektemeni, konsýldyq muraǵatty akt boıynsha bolý memleketindegi oǵan tikeleı basshylyq jasaıtyn Qazaqstan Respýblıkasynyń shet elderdegi mekemesinen, al ol bolmaǵan jaǵdaıda Qazaqstan Respýblıkasynyń Syrtqy ister mınıstrliginen qabyldaıdy jáne oǵan tapsyrady.
Buıryq Qazaqstan Respýblıkasynyń Ádilet mınıstrliginde 2013 jylǵy 11 maýsymda Normatıvtik quqyqtyq kelisimderdi memlekettik tirkeýdiń tizilimine №8508 bolyp engizildi.
